헬라어 문장 검색 - ΑτηενάΤηεΔειπ

(아테나이오스, The Deipnosophists, Book 6, book 6, chapter 99)

ταῦτα τοῦ Δημοκρίτου σαφῶσ καὶ τορῶσ διεξελθόντοσ ἐπῄνουν μὲν οἱ δαιταλεῖσ, ὁ δὲ Κύνουλκοσ ἔφη· ἄνδρεσ σύσσιτοι, σφόδρα με λιμώττοντα οὐκ ἀηδῶσ ὁ Δημόκριτοσ εἱστίασεν ποταμοὺσ διαπερανάμενοσ ἀμβροσίασ καὶ νέκταροσ, ὑφ’ ὧν ’ ἀρδευθεὶσ τὴν ψυχὴν πάνυ πειναλέοσ γεγένημαι ’ λόγουσ αὐτὸ μόνον καταβροχθίσασ· ὥστε ἤδη παυσάμενοί ποτε τῆσ τοσαύτησ ἀπεραντολογίασ κατὰ τὸν Παιανιέα ῥήτορα τοιούτων τινῶν μεταλάβωμεν ἃ μήτ’ ἰσχὺν ἐντίθησι μήτ’ ἀποθνῄσκειν ἐᾷ· ἐν κενῇ γὰρ γαστρὶ τῶν καλῶν ἔρωσ οὐκ ἔστι· πεινῶσιν γὰρ ἡ Κύπρισ πικρά, Ἀχαιόσ φησιν ἐν Αἴθωνι σατυρικῷ.

παρ’ οὗ ὁ σοφὸσ Εὐριπίδησ λαβὼν ἔφη· ἐν πλησμονῇ τοι Κύπρισ, ἐν πεινῶντι δ’ οὔ. "πλήρησ μὲν λαχάνων ἀγορή, πλήρησ δὲ καὶ ἄρτων, σὺ δέ, ὦ κύον, ἀεὶ λιμώττεισ καὶ οὐκ ἐᾷσ ἡμᾶσ λόγων καλῶν καὶ ἀφθόνων μεταλαμβάνειν, μᾶλλον δὲ σιτεῖσθαι· "τροφὴ γὰρ ψυχῆσ λόγοι καλοί. "Λεῦκε, ἔφη, κἂν ἐκφατνίσματά τινα ἄρτων ἔχῃσ, δὸσ τοῖσ κυσίν. "εἰ μὲν εἰσ ἀκροάσεισ λόγων, ἔφη, παρεκεκλήμην, ἠπιστάμην ἥκειν ἀγορᾶσ πληθυούσησ οὕτωσ γάρ τισ τῶν σοφῶν τὴν τῶν δείξεων ὡρ́αν ἐκάλει, καὶ αὐτὸν οἱ πολλοὶ διὰ τοῦτο Πληθαγόραν ὠνόμαζον εἰ δὲ λουσάμενοι λογάρια δειπνοῦμεν, μακρὰσ τίθημι συμβολὰσ ἀκροώμενοσ κατὰ τὸν Μένανδρον.

"διὸ παραχωρῶ σοι, ὦ γάστρων, τῆσ τοιαύτησ ἐμφορεῖσθαι σιτήσεωσ· "πεινῶντι γὰρ ἀνδρὶ μᾶζα τιμιωτέρα χρυσοῦ τε κἀλέφαντοσ, κατὰ τὸν τοῦ Ἐρετριέωσ Ἀχαιοῦ Κύκνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Athenaeus, The Deipnosophists, Book 6, book 6, chapter 99

(아테나이오스, The Deipnosophists, Book 6, book 6, chapter 99)

상위

목록

SEARCH

MENU NAVIGATION