Apollodorus, Library and Epitome, book 3, chapter 15 5:

οὗτοσ μετὰ Κέκροπα βασιλεύων ὑπὸ τῶν Μητίονοσ υἱῶν κατὰ στάσιν ἐξεβλήθη, καὶ παραγενόμενοσ εἰσ Μέγαρα πρὸσ Πύλαν τὴν ἐκείνου θυγατέρα Πυλίαν γαμεῖ. αὖθισ <δὲ> καὶ τῆσ πόλεωσ βασιλεὺσ καθίσταται· κτείνασ γὰρ Πύλασ τὸν τοῦ πατρὸσ ἀδελφὸν Βίαντα τὴν βασιλείαν δίδωσι Πανδίονι, αὐτὸσ δὲ εἰσ Πελοπόννησον σὺν λαῷ παραγενόμενοσ κτίζει πόλιν Πύλον. Πανδίονι δὲ ἐν Μεγάροισ ὄντι παῖδεσ ἐγένοντο Αἰγεὺσ Πάλλασ Νῖσοσ Λύκοσ. ἔνιοι δὲ Αἰγέα Σκυρίου εἶναι λέγουσιν, ὑποβληθῆναι δὲ ὑπὸ Πανδίονοσ.