헬라어 문장 검색 - ΠολψβίΗιστορί18́055́

(폴리비오스, Histories, book 18, chapter 54)

Ἅμα δὲ τῷ παρελθεῖν εἰσ τὸ συνέδριον βραχέα μὲν ὁ βασιλεὺσ κατηγόρησε, μετὰ δὲ τοῦτον Πολυκράτησ, ἄρτι παραγεγονὼσ ἀπὸ Κύπρου, τελευταῖοσ δ’ Ἀριστομένησ. ἦν δὲ τὰ μὲν ἄλλα παραπλήσιοσ ἡ κατηγορία πάντων τοῖσ ἄρτι ῥηθεῖσι, προσετέθη δὲ τοῖσ προειρημένοισ ἡ μετὰ τῶν φίλων συνεδρεία καὶ τὸ μὴ πειθαρχῆσαι καλούμενον ὑπὸ τοῦ βασιλέωσ.

ἐφ’ οἷσ οὐ μόνον οἱ τοῦ συνεδρίου κατεγίνωσκον αὐτοῦ πάντεσ, ἀλλὰ καὶ τῶν ἔξωθεν τῶν πρεσβευτῶν οἱ συμπαρόντεσ.

ὁ δ’ Ἀριστομένησ, ὅτε κατηγορεῖν ἔμελλε, πολλοὺσ μὲν καὶ ἑτέρουσ παρέλαβε τῶν ἐπιφανῶν ἀνδρῶν ἀπὸ τῆσ Ἑλλάδοσ, καὶ τοὺσ παρὰ τῶν Αἰτωλῶν δὲ πρεσβεύοντασ ἐπὶ τὰσ διαλύσεισ, ἐν οἷσ ἦν καὶ Δωρίμαχοσ ὁ Νικοστράτου.

ῥηθέντων δὲ τούτων μεταλαβὼν ὁ Σκόπασ ἐπειρᾶτο μὲν φέρειν τινὰσ ἀπολογισμούσ, οὐδενὸσ δὲ προσέχοντοσ αὐτῷ διὰ τὴν τῶν πραγμάτων ἀλογίαν, εὐθέωσ οὗτοσ μὲν εἰσ φυλακὴν ἀπήγετο μετὰ τῶν φίλων·

Δικαιάρχῳ δὲ καὶ στρέβλασ καὶ μάστιγασ προσαγαγὼν οὕτωσ αὐτὸν ἐπανείλετο, λαβὼν παρ’ αὐτοῦ δίκην καθήκουσαν καὶ κοινὴν ὑπὲρ πάντων τῶν Ἑλλήνων.

ὁ γὰρ Δικαίαρχοσ οὗτοσ ἦν, ὃν Φίλιπποσ, ὅτε προέθετο παρασπονδεῖν τὰσ Κυκλάδασ νήσουσ καὶ τὰσ ἐφ’ Ἑλλησπόντου πόλεισ, ἀπέδειξε τοῦ στόλου παντὸσ ἡγεμόνα καὶ τῆσ ὅλησ πράξεωσ προστάτην.

ὃσ ἐπὶ πρόδηλον ἀσέβειαν ἐκπεμπόμενοσ οὐχ οἱο͂ν ἄτοπόν τι πράττειν ἐνόμιζεν, ἀλλὰ τῇ τῆσ ἀπονοίασ ὑπερβολῇ καὶ τοὺσ θεοὺσ ὑπέλαβε καταπλήξεσθαι καὶ τοὺσ ἀνθρώπουσ·

οὗ γὰρ ὁρμίσειε τὰσ ναῦσ, δύο κατεσκεύαζε βωμούσ, τὸν μὲν Ἀσεβείασ, τὸν δὲ Παρανομίασ, καὶ ἐπὶ τούτοισ ἔθυε καὶ τούτουσ προσεκύνει καθάπερ ἂν εἰ δαίμονασ.

διὸ καὶ δοκεῖ μοι τυχεῖν τῆσ ἁρμοζούσησ δίκησ καὶ παρὰ θεῶν καὶ παρ’ ἀνθρώπων·

παρὰ φύσιν γὰρ ἐνστησάμενοσ τὸν αὑτοῦ βίον εἰκότωσ παρὰ φύσιν καὶ τῆσ εἱμαρμένησ ἔτυχε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 54

(폴리비오스, Histories, book 18, chapter 54)

상위

목록

SEARCH

MENU NAVIGATION