헬라어 문장 검색 - ΠολψβίΗιστορί18́014́

(폴리비오스, Histories, book 18, chapter 14)

παραπλησίωσ ἐν Θετταλίᾳ μὲν τοὺσ περὶ Δάοχον καὶ Κινέαν, παρὰ δὲ Βοιωτοῖσ τοὺσ περὶ Θεογείτονα καὶ Τιμόλαν· σὺν δὲ τούτοισ καὶ πλείουσ ἑτέρουσ ἐξηρίθμηται, κατὰ πόλιν ὀνομάζων, καίτοι γε πάντων μὲν τῶν προειρημένων ἀνδρῶν πολὺν ἐχόντων λόγον καὶ φαινόμενον ὑπὲρ τῶν καθ’ αὑτοὺσ δικαίων, πλεῖστον δὲ τῶν ἐξ Ἀρκαδίασ καὶ Μεσσήνησ.

ἔπειτα δὲ τὴν χώραν ἀνακομισάμενοι καὶ τὰσ πόλεισ, ἃσ παρῄρηντο Λακεδαιμόνιοι κατὰ τὴν εὐκαιρίαν Μεσσηνίων, Μεγαλοπολιτῶν, Τεγεατῶν, Ἀργείων, ηὔξησαν τὰσ ἑαυτῶν πατρίδασ ὁμολογουμένωσ·

ἀνθ’ ὧν οὐ πολεμεῖν ὤφειλον Φιλίππῳ καὶ Μακεδόσιν, ἀλλὰ πάντα κατὰ δύναμιν ἐνεργεῖν ὅσα πρὸσ δόξαν καὶ τιμὴν ἀνῆκεν.

εἰ μὲν οὖν ταῦτ’ ἔπραττον ἢ φρουρὰν παρὰ Φιλίππου δεχόμενοι ταῖσ πατρίσιν ἢ καταλύοντεσ τοὺσ νόμουσ ἀφῃροῦντο τὴν ἐλευθερίαν καὶ παρρησίαν τῶν πολιτῶν χάριν τῆσ ἰδίασ πλεονεξίασ ἢ δυναστείασ, ἄξιοι τῆσ προσηγορίασ ἦσαν ταύτησ·

εἰ δὲ τηροῦντεσ τὰ πρὸσ τὰσ πατρίδασ δίκαια κρίσει πραγμάτων διεφέροντο, νομίζοντεσ οὐ ταὐτὸ συμφέρον Ἀθηναίοισ εἶναι καὶ ταῖσ ἑαυτῶν πόλεσιν, οὐ δήπου διὰ τοῦτο καλεῖσθαι προδότασ ἐχρῆν αὐτοὺσ ὑπὸ Δημοσθένουσ.

ἄλλωσ τε δὴ καὶ τῶν συμβάντων τότε τοῖσ Ἕλλησιν οὐ Δημοσθένει μεμαρτυρηκότων ὅτι καλῶσ προυνοήθη τοῦ μέλλοντοσ, ἀλλ’ Εὐκαμπίδᾳ καὶ Ιἑρωνύμῳ καὶ Κερκιδᾷ καὶ τοῖσ Φιλιάδου παισίν.

Ἀθηναίοισ μὲν γὰρ τῆσ πρὸσ Φίλιππον ἀντιπαραγωγῆσ τὸ τέλοσ ἀπέβη τὸ πεῖραν λαβεῖν τῶν μεγίστων συμπτωμάτων πταίσασι τῇ μάχῃ τῇ περὶ Χαιρώνειαν·

εἰ δὲ μὴ διὰ τὴν τοῦ βασιλέωσ μεγαλοψυχίαν καὶ φιλοδοξίαν, καὶ πορρωτέρω τὰ τῆσ ἀτυχίασ ἂν αὐτοῖσ προύβη διὰ τὴν Δημοσθένουσ πολιτείαν.

διὰ δὲ τοὺσ προειρημένουσ ἄνδρασ κοινῇ μὲν Ἀρκάσι καὶ Μεσσηνίοισ ἀπὸ Λακεδαιμονίων ἀσφάλεια καὶ ῥᾳστώνη παρεσκευάσθη, κατ’ ἰδίαν δὲ ταῖσ αὐτῶν πατρίσι πολλὰ καὶ λυσιτελῆ συνεξηκολούθησε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 18, chapter 14

(폴리비오스, Histories, book 18, chapter 14)

상위

목록

SEARCH

MENU NAVIGATION