헬라어 문장 검색 - ΠολψβίΗιστορί18́003́

(폴리비오스, Histories, book 18, chapter 3)

οὔτε διαλύεσθαι νῦν ἔφησε τὸν Φίλιππον ἀληθινῶσ οὔτε πολεμεῖν γενναίωσ, ὅταν δέῃ τοῦτο πράττειν, ἀλλ’ ἐν μὲν τοῖσ συλλόγοισ καὶ ταῖσ ὁμιλίαισ ἐνεδρεύειν καὶ παρατηρεῖν καὶ ποιεῖν τὰ τοῦ πολεμοῦντοσ ἔργα, κατ’ αὐτὸν δὲ τὸν πόλεμον ἀδίκωσ ἵστασθαι καὶ λίαν ἀγεννῶσ· ἀφέντα γὰρ τοῦ κατὰ πρόσωπον ἀπαντᾶν τοῖσ πολεμίοισ, φεύγοντα τὰσ πόλεισ ἐμπιπράναι καὶ διαρπάζειν καὶ διὰ ταύτησ τῆσ προαιρέσεωσ ἡττώμενον τὰ τῶν νικώντων ἆθλα λυμαίνεσθαι.

καίτοι γε τοὺσ πρότερον Μακεδόνων βεβασιλευκότασ οὐ ταύτην ἐσχηκέναι τὴν πρόθεσιν, ἀλλὰ τὴν ἐναντίαν·

μάχεσθαι μὲν γὰρ πρὸσ ἀλλήλουσ συνεχῶσ ἐν τοῖσ ὑπαίθροισ, τὰσ δὲ πόλεισ σπανίωσ ἀναιρεῖν καὶ καταφθείρειν. τοῦτο δ’ εἶναι πᾶσι φανερὸν ἔκ τε τοῦ πολέμου τοῦ περὶ τὴν Ἀσίαν, ὃν Ἀλέξανδροσ ἐπολέμησε πρὸσ Δαρεῖον, ἔκ τε τῆσ τῶν διαδεξαμένων ἀμφισβητήσεωσ, καθ’ ἣν ἐπολέμησαν πάντεσ πρὸσ Ἀντίγονον ὑπὲρ τῆσ Ἀσίασ.

παραπλησίωσ δὲ καὶ τοὺσ τούτουσ διαδεξαμένουσ μέχρι Πύρρου κεχρῆσθαι τῇ προαιρέσει ταύτῃ·

διακινδυνεύειν μὲν γὰρ πρὸσ αὑτοὺσ ἐν τοῖσ ὑπαίθροισ προχείρωσ καὶ πάντα ποιεῖν εἰσ τὸ καταγωνίσασθαι διὰ τῶν ὅπλων ἀλλήλουσ, τῶν δὲ πόλεων φείδεσθαι χάριν τοῦ τοὺσ νικήσαντασ ἡγεῖσθαι τούτων καὶ τιμᾶσθαι παρὰ τοῖσ ὑποταττομένοισ.

τὸ δ’ ἀναιροῦντα περὶ ὧν ὁ πόλεμόσ ἐστι τὸν πόλεμον αὐτὸν καταλιπεῖν μανίασ ἔργον εἶναι, καὶ ταύτησ ἐρρωμένησ, ὃ νῦν ποιεῖν τὸν Φίλιππον·

τοσαύτασ γὰρ διεφθαρκέναι πόλεισ ἐν Θετταλίᾳ, φίλον ὄντα καὶ σύμμαχον, καθ’ ὃν καιρὸν ἐκ τῶν ἐν Ἠπείρῳ στενῶν ἐποιεῖτο τὴν σπουδήν, ὅσασ οὐδείσ ποτε τῶν Θετταλοῖσ πεπολεμηκότων διέφθειρε.

πολλὰ δὲ καὶ ἕτερα πρὸσ ταύτην τὴν ὑπόθεσιν διαλεχθεὶσ τελευταίοισ ἐχρήσατο τούτοισ.

ἤρετο γὰρ τὸν Φίλιππον διὰ τί Λυσιμάχειαν μετ’ Αἰτωλῶν ταττομένην καὶ στρατηγὸν ἔχουσαν παρ’ αὐτῶν ἐκβαλὼν τοῦτον κατάσχοι φρουρᾷ τὴν πόλιν·

διὰ τί δὲ Κιανούσ, παραπλησίωσ μετ’ Αἰτωλῶν συμπολιτευομένουσ ἐξανδραποδίσαιτο, φίλοσ ὑπάρχων Αἰτωλοῖσ·

τί δὲ λέγων κατέχει νῦν Ἐχῖνον καὶ Θήβασ τὰσ Φθίασ καὶ Φάρσαλον καὶ Λάρισαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 18, chapter 3

(폴리비오스, Histories, book 18, chapter 3)

상위

목록

SEARCH

MENU NAVIGATION