Polybius, Histories, book 18, chapter 35

(폴리비오스, Histories, book 18, chapter 35)

Ἐγὼ δὲ κατὰ μὲν τοὺσ ἀνωτέρω χρόνουσ καὶ κοινὴν ἂν ποιούμενοσ ἀπόφασιν ἐθάρρησα περὶ πάντων Ῥωμαίων εἰπεῖν ὡσ οὐδὲν ἂν πράξαιεν τοιοῦτον, λέγω δὲ πρότερον ἢ τοῖσ διαποντίοισ αὐτοὺσ ἐγχειρῆσαι πολέμοισ, ἑώσ ἐπὶ τῶν ἰδίων ἐθῶν καὶ νομίμων ἔμενον. ἐν δὲ τοῖσ νῦν καιροῖσ περὶ πάντων μὲν οὐκ ἂν τολμήσαιμι τοῦτ’ εἰπεῖν·

κατ’ ἰδίαν μέντοι γε περὶ πλειόνων ἀνδρῶν ἐν Ῥώμῃ θαρρήσαιμ’ ἂν ἀποφήνασθαι διότι δύνανται τὴν πίστιν ἐν τούτῳ τῷ μέρει διαφυλάττειν. μαρτυρίασ δὲ χάριν ὁμολογούμενα δύ’ ὀνόματα τοῦ μὴ δοκεῖν ἀδύνατα λέγειν.

οὐχ οἱο͂ν ἐπεθύμησε τούτων τινόσ, ἀλλ’ οὐδ’ αὐτόπτησ ἠβουλήθη γενέσθαι, δι’ ἑτέρων δὲ τὸν χειρισμὸν ἐποιήσατο τῶν προειρημένων, καίτοι κατὰ τὸν ἴδιον βίον οὐ περιττεύων τῇ χορηγίᾳ, τὸ δ’ ἐναντίον ἐλλείπων μᾶλλον.

μεταλλάξαντοσ γοῦν αὐτοῦ τὸν βίον οὐ πολὺ κατόπιν τοῦ πολέμου, βουληθέντεσ οἱ κατὰ φύσιν υἱοὶ Πόπλιοσ Σκιπίων καὶ Κόιντοσ Μάξιμοσ ἀποδοῦναι τῇ γυναικὶ τὴν φερνήν, εἴκοσι τάλαντα καὶ πέντε, ἐπὶ τοσοῦτον ἐδυσχρηστήθησαν ὡσ οὐδ’ εἰσ τέλοσ ἐδυνήθησαν, εἰ μὴ τὴν ἐνδουχίαν ἀπέδοντο καὶ τὰ σώματα καὶ σὺν τούτοισ ἔτι τινὰσ τῶν κτήσεων.

εἰ δέ τισιν ἀπίστῳ τὸ λεγόμενον ἐοικέναι δόξει, ῥᾴδιον ὑπὲρ τούτου λαβεῖν πίστιν·

πολλῶν γὰρ ἀμφισβητουμένων παρὰ Ῥωμαίοισ καὶ μάλιστα περὶ τοῦτο τὸ μέροσ διὰ τὰσ πρὸσ ἀλλήλουσ ἀντιπαραγωγάσ, ὅμωσ τὸ νῦν εἰρημένον ὑφ’ ἡμῶν ὁμολογούμενον εὑρήσει παρὰ πᾶσιν ὁ ζητῶν.

καίπερ οὐχ ὅλωσ εὐπορούμενοσ κατὰ τὸν βίον, ἀλλὰ μέτριοσ ὢν κατὰ τὴν ὕπαρξιν, ὡσ Ῥωμαῖοσ.

οὐχ οἱο͂ν δὲ τῶν ἐξ αὐτῆσ τῆσ Καρχηδόνοσ ἀπέσχετο μόνον, ἀλλὰ καὶ καθόλου τῶν ἐκ τῆσ Λιβύησ οὐδὲν ἐπιμιχθῆναι πρὸσ τὸν ἴδιον εἰάσε βίον.

περὶ δὲ τούτου πάλιν τἀνδρὸσ ὁ ζητῶν ἀληθινῶσ ἀναμφισβήτητον εὑρήσει παρὰ Ῥωμαίοισ τὴν περὶ τοῦτο τὸ μέροσ δόξαν.

일치하는 문장이 없습니다.

SEARCH

MENU NAVIGATION