Polybius, Histories, book 18, chapter 51

(폴리비오스, Histories, book 18, chapter 51)

σιώπησαν· ὁ δὲ βασιλεὺσ πρῶτον μὲν διαπορεῖν ἔφη κατὰ τίνα λόγον ἀμφισβητοῦσι πρὸσ αὐτὸν ὑπὲρ τῶν ἐπὶ τῆσ Ἀσίασ πόλεων· πᾶσι γὰρ μᾶλλον ἐπιβάλλειν τοῦτο ποιεῖν ἢ Ῥωμαίοισ. δεύτερον δ’ ἠξίου μηδὲν αὐτοὺσ πολυπραγμονεῖν καθόλου τῶν κατὰ τὴν Ἀσίαν·

οὐδὲ γὰρ αὐτὸσ περιεργάζεσθαι τῶν κατὰ τὴν Ἰταλίαν ἁπλῶσ οὐδέν. εἰσ δὲ τὴν Εὐρώπην ἔφη διαβεβηκέναι μετὰ τῶν δυνάμεων ἀνακτησόμενοσ τὰ κατὰ τὴν Χερρόνησον καὶ τὰσ ἐπὶ Θρᾴκησ πόλεισ·

τὴν γὰρ τῶν τόπων τούτων ἀρχὴν μάλιστα πάντων αὑτῷ καθήκειν. εἶναι μὲν γὰρ ἐξ ἀρχῆσ τὴν δυναστείαν ταύτην Λυσιμάχου, Σελεύκου δὲ πολεμήσαντοσ πρὸσ αὐτὸν καὶ κρατήσαντοσ τῷ πολέμῳ πᾶσαν τὴν Λυσιμάχου βασιλείαν δορίκτητον γενέσθαι Σελεύκου.

κατὰ δὲ τοὺσ τῶν αὑτοῦ προγόνων περισπασμοὺσ ἐν τοῖσ ἑξῆσ χρόνοισ πρῶτον μὲν Πτολεμαῖον παρασπασάμενον σφετερίσασθαι τοὺσ τόπουσ τούτουσ, δεύτερον δὲ Φίλιππον.

αὐτὸσ δὲ νῦν οὐ κτᾶσθαι τοῖσ Φιλίππου καιροῖσ συνεπιτιθέμενοσ, ἀλλ’ ἀνακτᾶσθαι τοῖσ ἰδίοισ δικαίοισ συγχρώμενοσ.

Λυσιμαχεῖσ δέ, παραλόγωσ ἀναστάτουσ γεγονότασ ὑπὸ Θρᾳκῶν, οὐκ ἀδικεῖν Ῥωμαίουσ κατάγων καὶ συνοικίζων·

ποιεῖν γὰρ τοῦτ’ ἔφη βουλόμενοσ οὐ Ῥωμαίοισ τὰσ χεῖρασ ἐπιβαλεῖν, Σελεύκῳ δ’ οἰκητήριον ἑτοιμάζειν.

τὰσ δ’ αὐτονόμουσ τῶν κατὰ τὴν Ἀσίαν πόλεων οὐ διὰ τῆσ Ῥωμαίων ἐπιταγῆσ δέον εἶναι τυγχάνειν τῆσ ἐλευθερίασ, ἀλλὰ διὰ τῆσ αὑτοῦ χάριτοσ.

τὰ δὲ πρὸσ Πτολεμαῖον αὐτὸσ ἔφη διεξάξειν εὐδοκουμένωσ ἐκείνῳ·

κρίνειν γὰρ οὐ φιλίαν μόνον, ἀλλὰ καὶ μετὰ τῆσ φιλίασ ἀναγκαιότητα συντίθεσθαι πρὸσ αὐτόν.

일치하는 문장이 없습니다.

SEARCH

MENU NAVIGATION