헬라어 문장 검색 - ΠολψβίΗιστορί18́008́

(폴리비오스, Histories, book 18, chapter 8)

κατατετριφὼσ τὴν ἡμέραν, ὡσ μὲν αὐτὸσ ἔφη, διὰ τὴν ἀπορίαν καὶ δυσχρηστίαν τῶν ἐπιταττομένων, ὡσ δὲ τοῖσ ἄλλοισ ἐδόκει, βουλόμενοσ ἐκκλεῖσαι τῷ καιρῷ τήν τε τῶν Ἀχαιῶν καὶ τὴν τῶν Αἰτωλῶν κατηγορίαν· ἑώρα γὰρ τῇ πρόσθεν ἀπαλλαττόμενοσ ἀμφοτέρουσ τούτουσ ἑτοίμουσ ὄντασ πρὸσ τὸ συμπλέκεσθαι καὶ μεμψιμοιρεῖν αὐτῷ.

διὸ καὶ τότε συνεγγίσασ ἠξίου τὸν τῶν Ῥωμαίων στρατηγὸν ἰδίᾳ πρὸσ αὐτὸν διαλεχθῆναι περὶ τῶν ἐνεστώτων, ἵνα μὴ λόγοι γένωνται μόνον ἐξ ἀμφοτέρων ἁψιμαχούντων, ἀλλὰ καὶ τέλοσ τι τοῖσ ἀμφισβητουμένοισ ἐπιτεθῇ.

πλεονάκισ δ’ αὐτοῦ παρακαλοῦντοσ καὶ προσαξιοῦντοσ, ἤρετο τοὺσ συμπαρόντασ ὁ Τίτοσ τί δέον εἰή ποιεῖν.

τῶν δὲ κελευόντων συνελθεῖν καὶ διακοῦσαι τῶν λεγομένων, παραλαβὼν ὁ Τίτοσ Ἄππιον Κλαύδιον χιλίαρχον ὄντα τότε, τοῖσ μὲν ἄλλοισ μικρὸν ἀπὸ τῆσ θαλάττησ ἀναχωρήσασιν εἶπεν αὐτόθι μένειν, αὐτὸσ δὲ τὸν Φίλιππον ἐκέλευσεν ἐκβαίνειν.

ὁ δὲ βασιλεὺσ παραλαβὼν Ἀπολλόδωρον καὶ Δημοσθένην ἀπέβη, συμμίξασ δὲ τῷ Τίτῳ διελέγετο καὶ πλείω χρόνον.

τίνα μὲν οὖν ἦν τὰ τότε ῥηθέντα παρ’ ἑκατέρου, δυσχερὲσ εἰπεῖν·

ἔφη δ’ οὖν ὁ Τίτοσ μετὰ τὸ χωρισθῆναι τὸν Φίλιππον, διασαφῶν τοῖσ ἄλλοισ τὰ παρὰ τοῦ βασιλέωσ, Αἰτωλοῖσ μὲν ἀποδοῦναι Φάρσαλον καὶ Λάρισαν, Θήβασ δ’ οὐκ ἀποδιδόναι, Ῥοδίοισ δὲ τῆσ μὲν Περαίασ παραχωρεῖν, Ιἀσοῦ δὲ καὶ Βαργυλίων οὐκ ἐκχωρεῖν· Ἀχαιοῖσ δὲ παραδιδόναι τὸν Κόρινθον καὶ τὴν τῶν Ἀργείων πόλιν.

Ῥωμαίοισ δὲ τὰ κατὰ τὴν Ἰλλυρίδα φάναι παραδώσειν καὶ τοὺσ αἰχμαλώτουσ πάντασ, Ἀττάλῳ δὲ τάσ τε ναῦσ ἀποκαταστήσειν καὶ τῶν ἀνδρῶν τῶν ἐν ταῖσ ναυμαχίαισ ἁλόντων ὅσοι περίεισι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 8

(폴리비오스, Histories, book 18, chapter 8)

상위

목록

SEARCH

MENU NAVIGATION