헬라어 문장 검색 - ΠολψβίΗιστορί18́048́

(폴리비오스, Histories, book 18, chapter 47)

Διελθούσησ δὲ τῆσ πανηγύρεωσ πρώτοισ μὲν ἐχρημάτισαν τοῖσ παρ’ Ἀντιόχου πρεσβευταῖσ, διακελευόμενοι τῶν ἐπὶ τῆσ Ἀσίασ πόλεων τῶν μὲν αὐτονόμων ἀπέχεσθαι καὶ μηδεμιᾷ πολεμεῖν, ὅσασ δὲ νῦν παρείληφε τῶν ὑπὸ Πτολεμαῖον καὶ Φίλιππον ταττομένων, ἐκχωρεῖν. σὺν δὲ τούτοισ προηγόρευον μὴ διαβαίνειν εἰσ τὴν Εὐρώπην μετὰ δυνάμεωσ·

οὐδένα γὰρ ἔτι τῶν Ἑλλήνων οὔτε πολεμεῖσθαι νῦν ὑπ’ οὐδενὸσ οὔτε δουλεύειν οὐδενί. καθόλου δὲ καὶ ἐξ αὑτῶν τινασ ἔφασαν ἥξειν πρὸσ τὸν Ἀντίοχον.

ταύτασ μὲν οὖν οἱ περὶ τὸν Ἡγησιάνακτα καὶ Λυσίαν λαβόντεσ τὰσ ἀποκρίσεισ ἐπανῆλθον·

μετὰ δὲ τούτουσ εἰσεκαλοῦντο πάντασ τοὺσ ἀπὸ τῶν ἐθνῶν καὶ πόλεων παραγεγονότασ, καὶ τὰ δόξαντα τῷ συνεδρίῳ διεσάφουν.

Μακεδόνων μὲν οὖν τοὺσ Ὀρέστασ καλουμένουσ διὰ τὸ προσχωρῆσαι σφίσι κατὰ τὸν πόλεμον αὐτονόμουσ ἀφεῖσαν, ἠλευθέρωσαν δὲ Περραιβοὺσ καὶ Δόλοπασ καὶ Μάγνητασ.

Θετταλοῖσ δὲ μετὰ τῆσ ἐλευθερίασ καὶ τοὺσ Ἀχαιοὺσ τοὺσ Φθιώτασ προσένειμαν, ἀφελόμενοι Θήβασ τὰσ Φθίασ καὶ Φάρσαλον·

οἱ γὰρ Αἰτωλοὶ περί τε τῆσ Φαρσάλου μεγάλην ἐποιοῦντο φιλοτιμίαν, φάσκοντεσ αὑτῶν δεῖν ὑπάρχειν κατὰ τὰσ ἐξ ἀρχῆσ συνθήκασ, ὁμοίωσ δὲ καὶ περὶ Λευκάδοσ.

οἱ δ’ ἐν τῷ συνεδρίῳ περὶ μὲν τούτων τῶν πόλεων ὑπερέθεντο τοῖσ Αἰτωλοῖσ τὸ διαβούλιον πάλιν ἐπὶ τὴν σύγκλητον, τοὺσ δὲ Φωκέασ καὶ τοὺσ Λοκροὺσ συνεχώρησαν αὐτοῖσ ἔχειν, καθάπερ εἶχον καὶ πρότερον, ἐν τῇ συμπολιτείᾳ.

Κόρινθον δὲ καὶ τὴν Τριφυλίαν καὶ τὴν Ἡραιῶν πόλιν Ἀχαιοῖσ ἀπέδωκαν.

Ὠρεὸν δ’, ἔτι δὲ τὴν Ἐρετριέων πόλιν ἐδόκει μὲν τοῖσ πλείοσιν Εὐμένει δοῦναι· Τίτου δὲ πρὸσ τὸ συνέδριον διαστείλαντοσ οὐκ ἐκυρώθη τὸ διαβούλιον·

διὸ καὶ μετά τινα χρόνον ἠλευθερώθησαν αἱ πόλεισ αὗται διὰ τῆσ συγκλήτου καὶ σὺν ταύταισ Κάρυστοσ. ἔδωκαν δὲ καὶ Πλευράτῳ Λυχνίδα καὶ Πάρθον, οὔσασ μὲν Ἰλλυρίδασ, ὑπὸ Φίλιππον δὲ ταττομένασ.

Ἀμυνάνδρῳ δὲ συνεχώρησαν, ὅσα παρεσπάσατο κατὰ πόλεμον ἐρύματα τοῦ Φιλίππου, κρατεῖν τούτων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 47

(폴리비오스, Histories, book 18, chapter 47)

상위

목록

SEARCH

MENU NAVIGATION