헬라어 문장 검색 - ΠολψβίΗιστορί18́023́

(폴리비오스, Histories, book 18, chapter 23)

Ὁ δὲ Τίτοσ παρεμβαλὼν τὴν αὑτοῦ στρατιὰν ἑξῆσ ἅπασαν, ἅμα μὲν ἐφήδρευε τοῖσ προκινδυνεύουσιν, ἅμα δὲ παρεκάλει τὰσ τάξεισ ἐπιπορευόμενοσ. ἡ δὲ παράκλησισ ἦν αὐτοῦ βραχεῖα μέν, ἐμφαντικὴ δὲ καὶ γνώριμοσ τοῖσ ἀκούουσιν. Οὐχ οὗτοι Μακεδόνεσ εἰσίν, ὦ ἄνδρεσ, οὓσ ὑμεῖσ προκατέχοντασ ἐν Μακεδονίᾳ τὰσ εἰσ τὴν Εὀρδαίαν ὑπερβολὰσ ἐκ τοῦ προφανοῦσ μετὰ Σολπικίου βιασάμενοι πρὸσ τόπουσ ὑπερδεξίουσ ἐξεβάλετε, πολλοὺσ αὐτῶν ἀποκτείναντεσ;

οὐχ οὗτοι Μακεδόνεσ εἰσίν, οὓσ ὑμεῖσ προκατέχοντασ τὰσ ἀπηλπισμένασ ἐν Ἠπείρῳ δυσχωρίασ ἐκβιασάμενοι ταῖσ ἑαυτῶν ἀρεταῖσ φεύγειν ἠναγκάσατε ῥίψαντασ τὰ ὅπλα, τέωσ εἰσ Μακεδονίαν ἀνεκομίσθησαν;

πῶσ οὖν ὑμᾶσ εὐλαβεῖσθαι καθήκει, μέλλοντασ ἐξ ἴσου ποιεῖσθαι τὸν κίνδυνον πρὸσ τοὺσ αὐτούσ;

τί δὲ προορᾶσθαι τῶν προγεγονότων, ἀλλ’ οὐ τἀναντία δι’ ἐκεῖνα καὶ νῦν θαρρεῖν; διόπερ, ὦ ἄνδρεσ, παρακαλέσαντεσ σφᾶσ αὐτοὺσ ὁρμᾶσθε πρὸσ τὸν κίνδυνον ἐρρωμένωσ·

οὗτοσ μὲν οὖν ταῦτ’ εἰπὼν τὸ μὲν δεξιὸν μέροσ ἐκέλευε μένειν κατὰ χώραν καὶ τὰ θηρία πρὸ τούτων, τῷ δ’ εὐωνύμῳ μετὰ τῶν εὐζώνων ἐπῄει σοβαρῶσ τοῖσ πολεμίοισ· οἱ δὲ προκινδυνεύοντεσ τῶν Ῥωμαίων, προσλαβόντεσ τὴν τῶν πεζῶν στρατοπέδων ἐφεδρείαν, ἐκ μεταβολῆσ ἐνέκειντο τοῖσ ὑπεναντίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 18, chapter 23

(폴리비오스, Histories, book 18, chapter 23)

상위

목록

SEARCH

MENU NAVIGATION