헬라어 문장 검색 - ΠολψβίΗιστορί18́024́

(폴리비오스, Histories, book 18, chapter 24)

τοῖσ δὲ περὶ τὸν Νικάνορα τὸν ἐπικαλούμενον ἐλέφαντα συνέταξε φροντίζειν ἵνα τὸ λοιπὸν μέροσ τῆσ δυνάμεωσ ἐκ ποδὸσ ἕπηται. ἅμα δὲ τῷ τοὺσ πρώτουσ ἅψασθαι τῆσ ὑπερβολῆσ εὐθέωσ ἐξ ἀσπίδοσ παρενέβαλε καὶ προκατελάμβανε τοὺσ ὑπερδεξίουσ·

τῶν γὰρ προκινδυνευόντων Μακεδόνων ἐπὶ πολὺ τεθλιφότων τοὺσ Ῥωμαίουσ ἐπὶ θάτερα μέρη τῶν λόφων, ἐρήμουσ κατέλαβε τοὺσ ἄκρουσ. ἔτι δὲ παρεμβάλλοντοσ αὐτοῦ τὰ δεξιὰ μέρη τῆσ στρατιᾶσ, παρῆσαν οἱ μισθοφόροι, πιεζούμενοι κατὰ κράτοσ ὑπὸ τῶν πολεμίων·

προσγενομένων γὰρ τοῖσ τῶν Ῥωμαίων εὐζώνοισ τῶν ἐν τοῖσ βαρέσιν ὅπλοισ ἀνδρῶν, καθάπερ ἀρτίωσ εἶπα, καὶ συνεργούντων κατὰ τὴν μάχην, προσλαβόντεσ οἱο͂ν εἰ σήκωμα τὴν τούτων χρείαν, βαρέωσ ἐπέκειντο τοῖσ πολεμίοισ καὶ πολλοὺσ αὐτῶν ἔκτεινον.

ὁ δὲ βασιλεὺσ ἐν μὲν ταῖσ ἀρχαῖσ, ὅτε παρεγίνετο, θεωρῶν οὐ μακρὰν τῆσ τῶν πολεμίων παρεμβολῆσ συνεστῶτα τὸν τῶν εὐζώνων κίνδυνον περιχαρὴσ ἦν·

ὡσ δὲ πάλιν ἐκ μεταβολῆσ ἑώρα κλίνοντασ τοὺσ ἰδίουσ καὶ προσδεομένουσ ἐπικουρίασ, ἠναγκάζετο βοηθεῖν καὶ κρίνειν ἐκ τοῦ καιροῦ τὰ ὅλα, καίπερ ἔτι τῶν πλείστων μερῶν τῆσ φάλαγγοσ κατὰ πορείαν ὄντων καὶ προσβαινόντων πρὸσ τοὺσ βουνούσ.

προσδεξάμενοσ δὲ τοὺσ ἀγωνιζομένουσ, τούτουσ μὲν ἥθροιζε πάντασ ἐπὶ τὸ δεξιὸν κέρασ, καὶ τοὺσ πεζοὺσ καὶ τοὺσ ἱππέασ, τοῖσ δὲ πελτασταῖσ καὶ τοῖσ φαλαγγίταισ παρήγγελλε διπλασιάζειν τὸ βάθοσ καὶ πυκνοῦν ἐπὶ τὸ δεξιόν.

καὶ τῶν πολεμίων ἐν χερσὶν ὄντων, τοῖσ μὲν φαλαγγίταισ ἐδόθη παράγγελμα καταβαλοῦσι τὰσ σαρίσασ ἐπάγειν, τοῖσ δ’ εὐζώνοισ κερᾶν.

κατὰ δὲ τὸν αὐτὸν καιρὸν καὶ Τίτοσ, δεξάμενοσ εἰσ τὰ διαστήματα τῶν σημαιῶν τοὺσ προκινδυνεύοντασ, προσέβαλε τοῖσ πολεμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 24

(폴리비오스, Histories, book 18, chapter 24)

상위

목록

SEARCH

MENU NAVIGATION