헬라어 문장 검색 - ΠολψβίΗιστορί18́032́

(폴리비오스, Histories, book 18, chapter 32)

ποιοῦσι Ῥωμαῖοι νῦν. οὐκέτι γὰρ ἐκ τοῦ λόγου δεῖ τεκμαίρεσθαι τὸ νυνὶ λεγόμενον ὑφ’ ἡμῶν, ἀλλ’ ἐκ τῶν ἤδη γεγονότων. οὐ γὰρ ἐξισώσαντεσ τὴν παράταξιν πᾶσιν ἅμα συμβάλλουσι τοῖσ στρατοπέδοισ μετωπηδὸν πρὸσ τὰσ φάλαγγασ, ἀλλὰ τὰ μὲν ἐφεδρεύει τῶν μερῶν αὐτοῖσ, τὰ δὲ συμμίσγει τοῖσ πολεμίοισ.

λοιπόν, ἄν τ’ ἐκπιέσωσιν οἱ φαλαγγῖται τοὺσ καθ’ αὑτοὺσ προσβάλλοντεσ ἄν τ’ ἐκπιεσθῶσιν ὑπὸ τούτων, λέλυται τὸ τῆσ φάλαγγοσ ἴδιον·

οὗ γενομένου δέδοται τοῖσ ἐφεδρεύουσι τῶν πολεμίων διάστημα καὶ τόποσ, ὃν οὗτοι κατεῖχον, πρὸσ τὸ μηκέτι κατὰ πρόσωπον ὁρμᾶν, ἀλλὰ παρεισπεσόντασ πλαγίουσ παρίστασθαι καὶ κατὰ νώτου τοῖσ φαλαγγίταισ.

ὅταν δὲ τοὺσ μὲν τῆσ φάλαγγοσ καιροὺσ καὶ τὰ προτερήματα ῥᾴδιον ᾖ φυλάξασθαι, τοὺσ δὲ κατὰ τῆσ φάλαγγοσ ἀδύνατον, πῶσ οὐ μεγάλην εἰκὸσ εἶναι τὴν διαφορὰν ἐπὶ τῆσ ἀληθείασ τῶν προειρημένων;

καὶ μὴν πορευθῆναι διὰ τόπων παντοδαπῶν ἀναγκαῖον τοὺσ χρωμένουσ φάλαγγι καὶ καταστρατοπεδεῦσαι, ἔτι δὲ τόπουσ εὐκαίρουσ προκαταλαβέσθαι καὶ πολιορκῆσαί τινασ καὶ πολιορκηθῆναι καὶ παραδόξοισ ἐπιφανείαισ περιπεσεῖν·

ἅπαντα γὰρ ταῦτ’ ἐστὶ πολέμου μέρη καὶ ῥοπὰσ ποιεῖ πρὸσ τὸ νικᾶν, ποτὲ μὲν ὁλοσχερεῖσ, ποτὲ δὲ μεγάλασ.

ἐν οἷσ πᾶσιν ἡ μὲν Μακεδόνων ἐστὶ σύνταξισ δύσχρηστοσ, ποτὲ δ’ ἄχρηστοσ, διὰ τὸ μὴ δύνασθαι τὸν φαλαγγίτην μήτε κατὰ τάγμα μήτε κατ’ ἄνδρα παρέχεσθαι χρείαν, ἡ δὲ Ῥωμαίων εὔχρηστοσ·

πᾶσ γὰρ Ῥωμαῖοσ, ὅταν ἅπαξ καθοπλισθεὶσ ὁρμήσῃ πρὸσ τὴν χρείαν, ὁμοίωσ ἡρ́μοσται πρὸσ πάντα τόπον καὶ καιρὸν καὶ πρὸσ πᾶσαν ἐπιφάνειαν.

καὶ μὴν ἕτοιμόσ ἐστι καὶ τὴν αὐτὴν ἔχει διάθεσιν, ἄν τε μετὰ πάντων δέῃ κινδυνεύειν ἄν τε μετὰ μέρουσ ἄν τε κατὰ σημαίαν ἄν τε καὶ κατ’ ἄνδρα.

διὸ καὶ παρὰ πολὺ τῆσ κατὰ μέροσ εὐχρηστίασ διαφερούσησ, παρὰ πολὺ καὶ τὰ τέλη συνεξακολουθεῖ ταῖσ Ῥωμαίων προθέσεσι μᾶλλον ἢ ταῖσ τῶν ἄλλων.

περὶ μὲν οὖν τούτων ἀναγκαῖον ἡγησάμην εἶναι τὸ διὰ πλειόνων ποιήσασθαι μνήμην διὰ τὸ καὶ παρ’ αὐτὸν τὸν καιρὸν πολλοὺσ τῶν Ἑλλήνων διαλαμβάνειν, ὅτε Μακεδόνεσ ἡττήθησαν, ἀπίστῳ τὸ γεγονὸσ ἐοικέναι, καὶ μετὰ ταῦτα πολλοὺσ διαπορήσειν διὰ τί καὶ πῶσ λείπεται τὸ σύνταγμα τῆσ φάλαγγοσ ὑπὸ τοῦ Ῥωμαίων καθοπλισμοῦ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 32

(폴리비오스, Histories, book 18, chapter 32)

상위

목록

SEARCH

MENU NAVIGATION