헬라어 문장 검색 - ΠολψβίΗιστορί18́013́

(폴리비오스, Histories, book 18, chapter 13)

Ἔμοιγε πολλάκισ μὲν καὶ ἐπὶ πολλοῖσ θαυμάζειν ἐπέρχεται τῶν ἀνθρωπείων ἁμαρτημάτων, μάλιστα δ’ ἐπὶ τῷ κατὰ τοὺσ προδότασ. διὸ καὶ βούλομαι τὰ πρέποντα τοῖσ καιροῖσ διαλεχθῆναι περὶ αὐτῶν.

καίτοι γ’ οὐκ ἀγνοῶ διότι δυσθεώρητον ὁ τόποσ ἔχει τι καὶ δυσπαράγραφον·

τίνα γὰρ ὡσ ἀληθῶσ προδότην δεῖ νομίζειν, οὐ ῥᾴδιον ἀποφήνασθαι. οὔτε τοὺσ κατὰ τὰσ περιστάσεισ μετατιθέντασ τὰσ αὑτῶν πατρίδασ ἀπό τινων ὑποκειμένων πρὸσ ἑτέρασ φιλίασ καὶ συμμαχίασ, οὐδὲ τούτουσ.

πολλοῦ γε δεῖν·

ἐπείτοι γε πολλάκισ οἱ τοιοῦτοι τῶν μεγίστων ἀγαθῶν γεγόνασιν αἴτιοι ταῖσ ἰδίαισ πατρίσιν. ἵνα δὲ μὴ πόρρωθεν τὰ παραδείγματα φέρωμεν, ἐξ αὐτῶν τῶν ἐνεστώτων ῥᾳδίωσ ἔσται τὸ λεγόμενον κατανοεῖν.

εἰ γὰρ μὴ σὺν καιρῷ τότε μετέρριψε τοὺσ Ἀχαιοὺσ Ἀρίσταινοσ ἀπὸ τῆσ Φιλίππου συμμαχίασ πρὸσ τὴν Ῥωμαίων, φανερῶσ ἄρδην ἀπολώλει τὸ ἔθνοσ.

νῦν δὲ χωρὶσ τῆσ παρ’ αὐτὸν τὸν καιρὸν ἀσφαλείασ ἑκάστοισ περιγενομένησ, αὐξήσεωσ τῶν Ἀχαιῶν ὁμολογουμένωσ ὁ προειρημένοσ ἀνὴρ κἀκεῖνο τὸ διαβούλιον αἴτιοσ ἐδόκει γεγονέναι·

διὸ καὶ πάντεσ αὐτὸν οὐχ ὡσ προδότην, ἀλλ’ ὡσ εὐεργέτην καὶ σωτῆρα τῆσ χώρασ ἐτίμων.

ὁ δ’ αὐτὸσ ἂν εἰή λόγοσ καὶ περὶ τῶν ἄλλων, ὅσοι κατὰ τὰσ τῶν καιρῶν περιστάσεισ τὰ παραπλήσια τούτοισ πολιτεύονται καὶ πράττουσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 13

(폴리비오스, Histories, book 18, chapter 13)

상위

목록

SEARCH

MENU NAVIGATION