헬라어 문장 검색 - ΠολψβίΗιστορί18́015́

(폴리비오스, Histories, book 18, chapter 15)

Τίσιν οὖν εἰκότωσ ἂν ἐπιφέροι τισ τὴν ὀνομασίαν ταύτην, ἔστι μὲν δυσπαράγραφον· ἢ καὶ νὴ Δία πάλιν ὅσοι φρουρὰν εἰσδεχόμενοι καὶ συγχρώμενοι ταῖσ ἔξωθεν ἐπικουρίαισ πρὸσ τὰσ ἰδίασ ὁρμὰσ καὶ προθέσεισ ὑποβάλλουσι τὰσ πατρίδασ ὑπὸ τὴν τῶν πλεῖον δυναμένων ἐξουσίαν.

τοὺσ τοιούτουσ ὑπὸ τὸ τῆσ προδοσίασ ὄνομα μετρίωσ ἄν τισ ὑποτάττοι πάντασ.

οἷσ λυσιτελὲσ μὲν ἀληθῶσ ἢ καλὸν οὐδὲν οὐδέποτε συνεξηκολούθησε, τὰ δ’ ἐναντία πᾶσιν ὁμολογουμένωσ.

ᾗ καὶ θαυμάζειν ἔστι πρὸσ τὸν ἐξ ἀρχῆσ λόγον, πρὸσ τί ποτε βλέποντεσ ἢ τίσι χρώμενοι διαλογισμοῖσ ὁρμῶσι πρὸσ τὴν τοιαύτην ἀτυχίαν.

οὔτε γὰρ ἔλαθε πώποτε προδοὺσ οὐδεὶσ πόλιν ἢ στρατόπεδον ἢ φρούριον, ἀλλὰ κἂν παρ’ αὐτὸν τὸν τῆσ πράξεωσ καιρὸν ἀγνοηθῇ τισ, ὅ γ’ ἐπιγινόμενοσ χρόνοσ ἐποίησε φανεροὺσ ἅπαντασ·

οὐδὲ μὴν γνωσθεὶσ οὐδεὶσ οὐδέποτε μακάριον ἔσχε βίον, ἀλλ’ ὡσ μὲν ἐπίπαν ὑπ’ αὐτῶν τούτων οἷσ χαρίζονται τυγχάνουσι τῆσ ἁρμοζούσησ τιμωρίασ.

χρῶνται μὲν γὰρ τοῖσ προδόταισ οἱ στρατηγοὶ καὶ δυνάσται πολλάκισ διὰ τὸ συμφέρον·

μάλ’ εἰκότωσ ἡγούμενοι τὸν ἐγχειρίσαντα τοῖσ ἐχθροῖσ τὴν πατρίδα καὶ τοὺσ ἐξ ἀρχῆσ φίλουσ μηδέποτ’ ἂν εὔνουν σφίσι γενέσθαι μηδὲ διαφυλάξαι τὴν πρὸσ αὐτοὺσ πίστιν.

οὐ μὴν ἀλλ’ ἐὰν καὶ τὰσ τούτων διαφύγωσι χεῖρασ, τάσ γε δὴ τῶν παρασπονδηθέντων οὐ ῥᾳδίωσ ἐκφυγγάνουσιν.

τὸ δὲ τελευταῖον οὐδὲ κατὰ τοὺσ ὕπνουσ ἐῶσα λήθην αὐτοὺσ ἔχειν τῶν ἡμαρτημένων, ἀλλ’ ὀνειρώττειν ἀναγκάζουσα πᾶν γένοσ ἐπιβουλῆσ καὶ περιπετείασ, ἅτε συνειδότασ ἑαυτοῖσ τὴν ὑπάρχουσαν ἐκ πάντων ἀλλοτριότητα πρὸσ σφᾶσ καὶ τὸ κοινὸν μῖσοσ.

ἀλλ’ ὅμωσ τούτων οὕτωσ ἐχόντων οὐδεὶσ οὐδέποτε δεηθεὶσ ἠπόρησε προδότου πλὴν τελέωσ ὀλίγων τινῶν.

ἐξ ὧν εἰκότωσ εἴποι τισ ἂν ὅτι τὸ τῶν ἀνθρώπων γένοσ, δοκοῦν πανουργότατον εἶναι τῶν ζῴων, πολὺν ἔχει λόγον τοῦ φαυλότατον ὑπάρχειν.

τὰ μὲν γὰρ ἄλλα ζῷα, ταῖσ τοῦ σώματοσ ἐπιθυμίαισ αὐταῖσ δουλεύοντα, διὰ μόνασ ταύτασ σφάλλεται·

τὸ δὲ τῶν ἀνθρώπων γένοσ, καίπερ δεδοξοποιημένον, οὐχ ἧττον διὰ τὴν ἀλογιστίαν ἢ διὰ τὴν φύσιν ἁμαρτάνει. καὶ ταῦτα μὲν ἡμῖν ἐπὶ τοσοῦτον εἰρήσθω.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 15

(폴리비오스, Histories, book 18, chapter 15)

상위

목록

SEARCH

MENU NAVIGATION