헬라어 문장 검색 - ΠολψβίΗιστορί18́019́

(폴리비오스, Histories, book 18, chapter 19)

Πλὴν ὅ γε Τίτοσ ἑτοιμασάμενοσ ταῦτα πρὸσ τὰσ ἐκ τοῦ καιροῦ χρείασ, προῆγε παντὶ τῷ στρατεύματι βάδην, ἀποσχὼν δὲ περὶ πεντήκοντα στάδια τῆσ τῶν Φεραίων πόλεωσ αὐτοῦ παρενέβαλε. κατὰ δὲ τὴν ἐπιοῦσαν ὑπὸ τὴν ἑωθινὴν ἐξέπεμπε τοὺσ κατοπτεύσοντασ καὶ διερευνησομένουσ, εἴ τινα δυνηθεῖεν λαβεῖν ἀφορμὴν εἰσ τὸ γνῶναι ποῦ ποτ’ εἰσὶ καὶ τί πράττουσιν οἱ πολέμιοι.

Φίλιπποσ δὲ [καὶ] κατὰ τὸν αὐτὸν καιρὸν πυνθανόμενοσ τοὺσ Ῥωμαίουσ στρατοπεδεύειν περὶ τὰσ Θήβασ, ἐξάρασ ἀπὸ τῆσ Λαρίσησ παντὶ τῷ στρατεύματι προῆγε, ποιούμενοσ τὴν πορείαν ὡσ ἐπὶ τὰσ Φεράσ.

ὑπὸ δὲ τὴν ἑωθινὴν ἐξεγείρασ τὴν δύναμιν τοὺσ μὲν εἰθισμένουσ προπορεύεσθαι τῆσ δυνάμεωσ προεξαπέστειλε, συντάξασ ὑπερβάλλειν τὰσ ὑπὲρ τὰσ Φερὰσ ἀκρολοφίασ, αὐτὸσ δὲ τῆσ ἡμέρασ διαφαινούσησ ἐκίνει τὴν δύναμιν ἐκ τοῦ χάρακοσ.

παρ’ ὀλίγον μὲν οὖν ἦλθον ἀμφοτέρων οἱ προεξαπεσταλμένοι τοῦ συμπεσεῖν ἀλλήλοισ περὶ τὰσ ὑπερβολάσ·

προϊδόμενοι γὰρ σφᾶσ αὐτοὺσ ὑπὸ τὴν ὄρφνην ἐκ πάνυ βραχέοσ διαστήματοσ ἐπέστησαν, καὶ ταχέωσ ἔπεμπον, ἀποδηλοῦντεσ ἀμφότεροι τοῖσ ἡγεμόσι τὸ γεγονὸσ καὶ πυνθανόμενοι τί δέον εἰή ποιεῖν.

ἐπὶ τῶν ὑποκειμένων στρατοπεδειῶν κἀκείνουσ ἀνακαλεῖσθαι.

τῇ δ’ ἐπαύριον ἐξέπεμψαν ἀμφότεροι κατασκοπῆσ ἕνεκα τῶν ἱππέων καὶ τῶν εὐζώνων περὶ τριακοσίουσ ἑκατέρων, ἐν οἷσ ὁ Τίτοσ καὶ τῶν Αἰτωλῶν δύ’ οὐλαμοὺσ ἐξαπέστειλε διὰ τὴν ἐμπειρίαν τῶν τόπων·

οἳ καὶ συμμίξαντεσ ἀλλήλοισ ἐπὶ τάδε τῶν Φερῶν ὡσ πρὸσ Λάρισαν συνέβαλλον ἐκθύμωσ.

τῶν δὲ περὶ τὸν Εὐπόλεμον τὸν Αἰτωλὸν εὐρώστωσ κινδυνευόντων καὶ συνεκκαλουμένων τοὺσ Ἰταλικοὺσ πρὸσ τὴν χρείαν, θλίβεσθαι συνέβαινε τοὺσ Μακεδόνασ.

καὶ τότε μὲν ἐπὶ πολὺν χρόνον ἀκροβολισάμενοι διεχωρίσθησαν εἰσ τὰσ αὑτῶν παρεμβολάσ·

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 19

(폴리비오스, Histories, book 18, chapter 19)

상위

목록

SEARCH

MENU NAVIGATION