헬라어 문장 검색 - ΠολψβίΗιστορί18́018́

(폴리비오스, Histories, book 18, chapter 18)

Ὁ δὲ Τίτοσ οὐ δυνάμενοσ ἐπιγνῶναι τοὺσ πολεμίουσ ᾗ στρατοπεδεύουσι, τοῦτο δὲ σαφῶσ εἰδὼσ ὅτι πάρεισιν εἰσ Θετταλίαν, προσέταξε κόπτειν χάρακα πᾶσιν ἕνεκα τοῦ παρακομίζειν μεθ’ αὑτῶν πρὸσ τὰσ ἐκ τοῦ καιροῦ χρείασ. τοῦτο δὲ κατὰ μὲν τὴν Ἑλληνικὴν ἀγωγὴν ἀδύνατον εἶναι δοκεῖ, κατὰ δὲ τὴν τῶν Ῥωμαίων εὔκοπον.

Ῥωμαῖοι δὲ τοὺσ μὲν θυρεοὺσ τοῖσ ὀχεῦσι τοῖσ σκυτίνοισ ἐκ τῶν ὤμων ἐξηρτηκότεσ, ταῖσ δὲ χερσὶν αὐτοὺσ τοὺσ γαίσουσ φέροντεσ, ἐπιδέχονται τὴν παρακομιδὴν τοῦ χάρακοσ.

ἅμα δὲ καὶ μεγάλην εἶναι συμβαίνει τὴν διαφορὰν τούτων·

οἱ μὲν γὰρ Ἕλληνεσ τοῦτον ἡγοῦνται χάρακα βέλτιστον, ὃσ ἂν ἔχῃ πλείστασ ἐκφύσεισ καὶ μεγίστασ πέριξ τοῦ πρέμνου, παρὰ δὲ Ῥωμαίοισ δύο κεραίασ ἢ τρεῖσ ἔχουσιν οἱ χάρακεσ, ὁ δὲ πλείστασ τέτταρασ·

οὐκ ἐναλλάξ.

ἐκ δὲ τούτου συμβαίνει τήν τε κομιδὴν εὐχερῆ γίνεσθαι τελέωσ ‐ ὁ γὰρ εἷσ ἀνὴρ φέρει τρεῖσ καὶ τέτταρασ συνθεὶσ ἐπ’ ἀλλήλουσ ‐ τήν τε χρείαν ἀσφαλῆ διαφερόντωσ. ὁ μὲν γὰρ τῶν Ἑλλήνων ὅταν τεθῇ πρὸ τῆσ παρεμβολῆσ, πρῶτον μέν ἐστιν εὐδιάσπαστοσ·

ὅταν γὰρ τὸ μὲν κρατοῦν καὶ πιεζούμενον ὑπὸ τῆσ γῆσ ἓν ὑπάρχῃ μόνον, αἱ δ’ ἀποφύσεισ ἐκ τούτου πολλαὶ καὶ μεγάλαι, κἄπειτα δύο παραστάντεσ ἢ τρεῖσ ἐκ τῶν ἀποφύσεων ἐπισπάσωνται τὸν αὐτὸν χάρακα, ῥᾳδίωσ ἐκσπᾶται.

τούτου δὲ συμβάντοσ εὐθέωσ πύλη γίνεται διὰ τὸ μέγεθοσ καὶ τὰ παρακείμενα λέλυται, τῷ βραχείασ τὰσ εἰσ ἀλλήλουσ ἐμπλοκὰσ καὶ τὰσ ἐπαλλάξεισ γίνεσθαι τοῦ τοιούτου χάρακοσ.

παρὰ δὲ Ῥωμαίοισ συμβαίνει τοὐναντίον.

τιθέασι γὰρ εὐθέωσ ἐμπλέκοντεσ εἰσ ἀλλήλουσ οὕτωσ ὥστε μήτε τὰσ κεραίασ εὐχερῶσ ἐπιγνῶναι, ποίασ εἰσὶν ἐκφύσεωσ τῶν ἐν τῇ γῇ κατωρυγμένων, μήτε τὰσ ἐκφύσεισ, ποίων κεραιῶν. οὔτ’ ἐπιλαβόμενον ἐκσπάσαι ῥᾴδιον διὰ τὸ πρῶτον μὲν πάσασ τὰσ προσβολὰσ σχεδὸν αὐτοκράτορα τὴν ἐκ τῆσ γῆσ δύναμιν ἔχειν, δεύτερον δὲ τῷ τὸν μίαν ἐπισπώμενον κεραίαν πολλοὺσ ἀναγκάζεσθαι πειθομένουσ ἅμα βαστάζειν διὰ τὴν εἰσ ἀλλήλουσ ἐμπλοκήν·

δύο δὲ καὶ τρεῖσ ἐπιλαβέσθαι ταὐτοῦ χάρακοσ οὐδ’ ὅλωσ εἰκόσ.

ἐὰν δέ ποτε καὶ κατακρατήσασ ἐκσπάσῃ τισ ἕνα καὶ δεύτερον, ἀνεπιγνώστωσ γίνεται τὸ διάστημα.

φανερὸν ὡσ εἰ καί τι τῶν ἄλλων πολεμικῶν ἔργων ἄξιον ζήλου καὶ μιμήσεωσ ὑπάρχει παρὰ Ῥωμαίοισ, καὶ τοῦτο, κατά γε τὴν ἐμὴν γνώμην.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 18

(폴리비오스, Histories, book 18, chapter 18)

상위

목록

SEARCH

MENU NAVIGATION