헬라어 문장 검색 - ΠολψβίΗιστορί18́011́

(폴리비오스, Histories, book 18, chapter 11)

Οὗτοι δὲ παρεγενήθησαν εἰσ τὴν Ῥώμην πρὸ τοῦ τὴν σύγκλητον διαλαβεῖν ὑπὲρ τῶν εἰσ τοῦτον τὸν ἐνιαυτὸν καθεσταμένων ὑπάτων, πότερον ἀμφοτέρουσ εἰσ τὴν Γαλατίαν ἢ τὸν ἕτερον αὐτῶν δεήσει πέμπειν ἐπὶ Φίλιππον. πεπεισμένων δὲ τῶν τοῦ Τίτου φίλων μένειν τοὺσ ὑπάτουσ ἀμφοτέρουσ κατὰ τὴν Ἰταλίαν διὰ τὸν ἀπὸ τῶν Κελτῶν φόβον, εἰσελθόντεσ εἰσ τὴν σύγκλητον πάντεσ κατηγόρουν ἀποτόμωσ τοῦ Φιλίππου.

τὰ μὲν οὖν ἄλλα παραπλήσια τοῖσ καὶ πρὸσ αὐτὸν τὸν βασιλέα πρότερον εἰρημένοισ ἦν·

τοῦτο δ’ ἐπιμελῶσ ἐντίκτειν ἐπειρῶντο τῇ συγκλήτῳ πάντεσ, διότι τῆσ Χαλκίδοσ καὶ τοῦ Κορίνθου καὶ τῆσ Δημητριάδοσ ὑπὸ τῷ Μακεδόνι ταττομένων οὐχ οἱο͂́ν τε τοὺσ Ἕλληνασ ἔννοιαν λαβεῖν ἐλευθερίασ.

ὃ γὰρ αὐτὸσ Φίλιπποσ εἶπε, τοῦτο καὶ λίαν ἀληθὲσ ἔφασαν ὑπάρχειν·

ὃσ ἔφη τοὺσ προειρημένουσ τόπουσ εἶναι πέδασ Ἑλληνικάσ, ὀρθῶσ ἀποφαινόμενοσ. οὐδὲ μὴν Θετταλοὺσ οὐδὲ Μάγνητασ δυνατὸν ἐπαύρασθαι τῆσ ἐλευθερίασ οὐδέποτε, Δημητριάδα Φιλίππου κατέχοντοσ καὶ Μακεδόνων.

διὸ καὶ τὸ παραχωρεῖν τῶν ἄλλων τόπων τὸν Φίλιππον φαντασίαν εἶναι χάριν τοῦ τὸν παρόντα καιρὸν ἐκφυγεῖν·

ᾗ δ’ ἂν ἡμέρᾳ βουληθῇ, ῥᾳδίωσ πάλιν ὑφ’ αὑτὸν ποιήσεσθαι τοὺσ Ἕλληνασ, ἐὰν κρατῇ τῶν προειρημένων τόπων. διόπερ ἠξίουν τὴν σύγκλητον ἢ τούτων τῶν πόλεων ἀναγκάσαι τὸν Φίλιππον ἐκχωρεῖν ἢ μένειν ἐπὶ τῶν ὑποκειμένων καὶ πολεμεῖν ἐρρωμένωσ πρὸσ αὐτόν.

καὶ γὰρ ἠνύσθαι τὰ μέγιστα τοῦ πολέμου, τῶν τε Μακεδόνων προηττημένων δὶσ ἤδη καὶ κατὰ γῆν πλείστων αὐτοῖσ χορηγιῶν ἐκδεδαπανημένων.

ταῦτα δ’ εἰπόντεσ παρεκάλουν μήτε τοὺσ Ἕλληνασ ψεῦσαι τῶν περὶ τῆσ ἐλευθερίασ ἐλπίδων μήθ’ ἑαυτοὺσ ἀποστερῆσαι τῆσ καλλίστησ ἐπιγραφῆσ.

οἱ μὲν οὖν παρὰ τῶν Ἑλλήνων πρέσβεισ ταῦτα καὶ τούτοισ παραπλήσια διελέχθησαν, οἱ δὲ παρὰ τοῦ Φιλίππου παρεσκευάσαντο μὲν ὡσ ἐπὶ πλεῖον ποιησόμενοι τοὺσ λόγουσ, ἐν ἀρχαῖσ δ’ εὐθέωσ ἐκωλύθησαν·

ἐρωτηθέντεσ γὰρ εἰ παραχωροῦσι Χαλκίδοσ καὶ Κορίνθου καὶ Δημητριάδοσ, ἀπεῖπαν μηδεμίαν ἔχειν περὶ τούτων ἐντολήν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 11

(폴리비오스, Histories, book 18, chapter 11)

상위

목록

SEARCH

MENU NAVIGATION