헬라어 문장 검색 - ΠολψβίΗιστορί18́004́

(폴리비오스, Histories, book 18, chapter 4)

Ὁ μὲν οὖν Ἀλέξανδροσ ταῦτ’ εἰπὼν ἀπεσιώπησεν. ὁ δὲ Φίλιπποσ ἐγγίσασ τῇ γῇ μᾶλλον ἢ πρόσθεν καὶ διαναστὰσ ἐπὶ τῆσ νεὼσ Αἰτωλικὸν ἔφη καὶ θεατρικὸν διατεθεῖσθαι τὸν Ἀλέξανδρον λόγον. σαφῶσ γὰρ πάντασ γινώσκειν ὅτι τοὺσ ἰδίουσ συμμάχουσ ἑκὼν μὲν οὐδεὶσ διαφθείρει, κατὰ δὲ τὰσ τῶν καιρῶν περιστάσεισ πολλὰ ποιεῖν ἀναγκάζεσθαι τοὺσ ἡγουμένουσ παρὰ τὰσ ἑαυτῶν προαιρέσεισ.

ἔτι δὲ ταῦτα λέγοντοσ τοῦ βασιλέωσ ὁ Φαινέασ, ἠλαττωμένοσ τοῖσ ὄμμασιν ἐπὶ πλεῖον, ὑπέκρουε τὸν Φίλιππον, φάσκων αὐτὸν ληρεῖν·

δεῖν γὰρ ἢ μαχόμενον νικᾶν ἢ ποιεῖν τοῖσ κρείττοσι τὸ προσταττόμενον. ὁ δὲ Φίλιπποσ, καίπερ ἐν κακοῖσ ὤν, ὅμωσ οὐκ ἀπέσχετο τοῦ καθ’ αὑτὸν ἰδιώματοσ, ἀλλ’ ἐπιστραφείσ "Τοῦτο μὲν" ἔφησεν "ὦ Φαινέα, καὶ τυφλῷ δῆλον".

ἦν γὰρ εὔθικτοσ καὶ πρὸσ τοῦτο τὸ μέροσ εὖ πεφυκὼσ πρὸσ τὸ διαχλευάζειν ἀνθρώπουσ. αὖθισ δὲ πρὸσ τὸν Ἀλέξανδρον ἐπιστρέψασ "Ἐρωτᾷσ με" φησὶν "Ἀλέξανδρε, διὰ τί Λυσιμάχειαν προσέλαβον;

ἵνα μὴ διὰ τὴν ὑμετέραν ὀλιγωρίαν ἀνάστατοσ ὑπὸ Θρᾳκῶν γένηται, καθάπερ νῦν γέγονεν ἡμῶν ἀπαγαγόντων τοὺσ στρατιώτασ διὰ τοῦτον τὸν πόλεμον, οὐ τοὺσ φρουροῦντασ αὐτήν, ὡσ σὺ φήσ, ἀλλὰ τοὺσ παραφυλάττοντασ.

Κιανοῖσ δ’ ἐγὼ μὲν οὐκ ἐπολέμησα, Προυσίου δὲ πολεμοῦντοσ βοηθῶν ἐκείνῳ συνεξεῖλον αὐτούσ, ὑμῶν αἰτίων γενομένων·

πολλάκισ γὰρ κἀμοῦ καὶ τῶν ἄλλων Ἑλλήνων διαπρεσβευομένων πρὸσ ὑμᾶσ, ἵνα τὸν νόμον ἄρητε τὸν διδόντα τὴν ἐξουσίαν ὑμῖν ἄγειν λάφυρον ἀπὸ λαφύρου, πρότερον ἔφατε τὴν Αἰτωλίαν ἐκ τῆσ Αἰτωλίασ ἀρεῖν ἢ τοῦτον τὸν νόμον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, chapter 4

(폴리비오스, Histories, book 18, chapter 4)

상위

목록

SEARCH

MENU NAVIGATION