헬라어 문장 검색 - ΠολψβίΗιστορί18́001́

(폴리비오스, Histories, book 18, i. res macedoniae et graeciae)

Ἐπελθόντοσ δὲ τοῦ τεταγμένου καιροῦ παρῆν ὁ μὲν Φίλιπποσ ἐκ Δημητριάδοσ ἀναχθεὶσ εἰσ τὸν Μηλιέα κόλπον, πέντε λέμβουσ ἔχων καὶ μίαν πρίστιν, ἐφ’ ἧσ αὐτὸσ ἐπέπλει. συνῆσαν δ’ αὐτῷ Μακεδόνεσ μὲν Ἀπολλόδωροσ καὶ Δημοσθένησ οἱ γραμματεῖσ, ἐκ Βοιωτίασ Βραχύλλησ, Ἀχαιὸσ δὲ Κυκλιάδασ, ἐκπεπτωκὼσ ἐκ Πελοποννήσου διὰ τὰσ πρότερον ὑφ’ ἡμῶν εἰρημένασ αἰτίασ.

ἀπὸ δὲ τῶν ἐθνῶν καὶ πόλεων τῶν μὲν Ἀχαιῶν Ἀρίσταινοσ καὶ Ξενοφῶν, παρὰ δὲ Ῥοδίων Ἀκεσίμβροτοσ ὁ ναύαρχοσ, παρὰ δὲ τῶν Αἰτωλῶν Φαινέασ ὁ στρατηγόσ, καὶ πλείουσ δ’ ἕτεροι τῶν πολιτευομένων.

συνεγγίσαντεσ δὲ κατὰ Νίκαιαν πρὸσ τὴν θάλατταν, οἱ μὲν περὶ τὸν Τίτον ἐπέστησαν παρ’ αὐτὸν τὸν αἰγιαλόν, ὁ δὲ Φίλιπποσ ἐγγίσασ τῇ γῇ μετέωροσ ἔμενε.

τοῦ δὲ Τίτου κελεύοντοσ αὐτὸν ἀποβαίνειν, διαναστὰσ ἐκ τῆσ νεὼσ οὐκ ἔφησεν ἀποβήσεσθαι.

τοῦ δὲ πάλιν ἐρομένου τίνα φοβεῖται, φοβεῖσθαι μὲν ἔφησεν ὁ Φίλιπποσ οὐδένα πλὴν τοὺσ θεούσ, ἀπιστεῖν δὲ τοῖσ πλείστοισ τῶν παρόντων, μάλιστα δ’ Αἰτωλοῖσ.

τοῦ δὲ τῶν Ῥωμαίων στρατηγοῦ θαυμάσαντοσ καὶ φήσαντοσ ἴσον εἶναι πᾶσι τὸν κίνδυνον καὶ κοινὸν τὸν καιρόν, μεταλαβὼν ὁ Φίλιπποσ οὐκ ἔφησεν αὐτὸν ὀρθῶσ λέγειν·

Φαινέου μὲν γὰρ παθόντοσ τι πολλοὺσ εἶναι τοὺσ στρατηγήσοντασ Αἰτωλῶν, Φιλίππου δ’ ἀπολομένου κατὰ τὸ παρὸν οὐκ εἶναι τὸν βασιλεύσοντα Μακεδόνων.

ἐδόκει μὲν οὖν πᾶσι φορτικῶσ κατάρχεσθαι τῆσ ὁμιλίασ.

ὅμωσ δὲ λέγειν αὐτὸν ἐκέλευεν ὁ Τίτοσ ὑπὲρ ὧν πάρεστιν. ὁ δὲ Φίλιπποσ οὐκ ἔφη τὸν λόγον αὑτῷ καθήκειν, ἀλλ’ ἐκείνῳ·

διόπερ ἠξίου διασαφεῖν τὸν Τίτον τί δεῖ ποιήσαντα τὴν εἰρήνην ἄγειν. ὁ δὲ τῶν Ῥωμαίων στρατηγὸσ αὑτῷ μὲν ἁπλοῦν τινα λόγον ἔφη καθήκειν καὶ φαινόμενον.

κελεύειν γὰρ αὐτὸν ἐκ μὲν τῆσ Ἑλλάδοσ ἁπάσησ ἐκχωρεῖν, ἀποδόντα τοὺσ αἰχμαλώτουσ καὶ τοὺσ αὐτομόλουσ ἑκάστοισ οὓσ ἔχει, τοὺσ δὲ κατὰ τὴν Ἰλλυρίδα τόπουσ παραδοῦναι Ῥωμαίοισ, ὧν γέγονε κύριοσ μετὰ τὰσ ἐν Ἠπείρῳ διαλύσεισ·

ὁμοίωσ δὲ καὶ Πτολεμαίῳ τὰσ πόλεισ ἀποκαταστῆσαι πάσασ, ἃσ παρῄρηται μετὰ τὸν Πτολεμαίου τοῦ Φιλοπάτοροσ θάνατον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 18, i. res macedoniae et graeciae

(폴리비오스, Histories, book 18, i. res macedoniae et graeciae)

상위

목록

SEARCH

MENU NAVIGATION