헬라어 문장 검색 - ΠολψβίΗιστορί06́060́

(폴리비오스, Histories, book 6, chapter 58)

Τῶν δὲ συναπτόντων μερῶν τῆσ ἱστορίασ τοῖσ καιροῖσ, ἀφ’ ὧν παρεξέβημεν, παραλαβόντεσ ἐπὶ βραχὺ μιᾶσ πράξεωσ ποιησόμεθα κεφαλαιώδη μνήμην, ἵνα μὴ τῷ λόγῳ μόνον ἀλλὰ καὶ τοῖσ πράγμασιν, ὥσπερ ἀγαθοῦ τεχνίτου δεῖγμα τῶν ἔργων ἕν τι προενεγκάμενοι, φανερὰν ποιήσωμεν τῆσ πολιτείασ τὴν ἀκμὴν καὶ δύναμιν, οἱά τισ ἦν κατ’ ἐκείνουσ τοὺσ χρόνουσ. Ἀννίβασ γὰρ ἐπειδὴ τῇ περὶ Κάνναν μάχῃ περιγενόμενοσ Ῥωμαίων ἐγκρατὴσ ἐγένετο τῶν τὸν χάρακα φυλαττόντων ὀκτακισχιλίων, ζωγρήσασ ἅπαντασ συνεχώρησε διαπέμπεσθαι σφίσι πρὸσ τοὺσ ἐν οἴκῳ περὶ λύτρων καὶ σωτηρίασ.

τῶν δὲ προχειρισαμένων δέκα τοὺσ ἐπιφανεστάτουσ, ὁρκίσασ ἦ μὴν ἐπανήξειν πρὸσ αὐτόν, ἐξέπεμψε τούτουσ.

εἷσ δὲ τῶν προχειρισθέντων ἐκπορευόμενοσ ἐκ τοῦ χάρακοσ ἤδη, καί τι φήσασ ἐπιλελῆσθαι, πάλιν ἀνέκαμψε, καὶ λαβὼν τὸ καταλειφθὲν αὖθισ ἀπελύετο, νομίζων διὰ τῆσ ἀναχωρήσεωσ τετηρηκέναι τὴν πίστιν καὶ λελυκέναι τὸν ὁρ́κον.

ὧν παραγενομένων εἰσ τὴν Ῥώμην, καὶ δεομένων καὶ παρακαλούντων τὴν σύγκλητον μὴ φθονῆσαι τοῖσ ἑαλωκόσι τῆσ σωτηρίασ, ἀλλ’ ἐᾶσαι τρεῖσ μνᾶσ ἕκαστον καταβαλόντα σωθῆναι πρὸσ τοὺσ ἀναγκαίουσ·

τοῦτο γὰρ συγχωρεῖν ἔφασαν τὸν Ἀννίβαν· εἶναι δ’ ἀξίουσ σωτηρίασ αὑτούσ·

οὔτε γὰρ ἀποδεδειλιακέναι κατὰ τὴν μάχην οὔτ’ ἀνάξιον οὐδὲν πεποιηκέναι τῆσ Ῥώμησ, ἀλλ’ ἀπολειφθέντασ τὸν χάρακα τηρεῖν, πάντων ἀπολομένων τῶν ἄλλων ἐν τῇ μάχῃ τῷ καιρῷ περιληφθέντασ ὑποχειρίουσ γενέσθαι τοῖσ πολεμίοισ. ἀλλὰ τοὺσ μὲν Ἀννίβου λογισμοὺσ καὶ τὰσ ἐν τούτοισ ἐλπίδασ ἀπέδειξαν κενάσ, ἀπειπάμενοι τὴν διαλύτρωσιν τῶν ἀνδρῶν, τοῖσ δὲ παρ’ αὑτῶν ἐνομοθέτησαν ἢ νικᾶν μαχομένουσ ἢ θνήσκειν, ὡσ ἄλλησ οὐδεμιᾶσ ἐλπίδοσ ὑπαρχούσησ εἰσ σωτηρίαν αὐτοῖσ ἡττωμένοισ.

διὸ καὶ ταῦτα προθέμενοι τοὺσ μὲν ἐννέα τῶν πρεσβευτῶν ἐθελοντὴν κατὰ τὸν ὁρ́κον ἀναχωροῦντασ ἐξέπεμψαν, τὸν δὲ σοφισάμενον πρὸσ τὸ λῦσαι τὸν ὁρ́κον δήσαντεσ ἀποκατέστησαν πρὸσ τοὺσ πολεμίουσ, ὥστε τὸν Ἀννίβαν μὴ τοσοῦτον χαρῆναι νικήσαντα τῇ μάχῃ Ῥωμαίουσ ὡσ συντριβῆναι καταπλαγέντα τὸ στάσιμον καὶ τὸ μεγαλόψυχον τῶν ἀνδρῶν ἐν τοῖσ διαβουλίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Polybius, Histories, book 6, chapter 58

(폴리비오스, Histories, book 6, chapter 58)

상위

목록

SEARCH

MENU NAVIGATION