Polybius, Histories, book 6, chapter 22

(폴리비오스, Histories, book 6, chapter 22)

Καὶ τοῖσ μὲν νεωτάτοισ παρήγγειλαν μάχαιραν φορεῖν καὶ γρόσφουσ καὶ πάρμην. ἡ δὲ πάρμη καὶ δύναμιν ἔχει τῇ κατασκευῇ καὶ μέγεθοσ ἀρκοῦν πρὸσ ἀσφάλειαν·

περιφερὴσ γὰρ οὖσα τῷ σχήματι τρίπεδον ἔχει τὴν διάμετρον. προσεπικοσμεῖται δὲ καὶ λιτῷ περικεφαλαίῳ·

ποτὲ δὲ λυκείαν ἤ τι τῶν τοιούτων ἐπιτίθεται, σκέπησ ἅμα καὶ σημείου χάριν, ἵνα τοῖσ κατὰ μέροσ ἡγεμόσι προκινδυνεύοντεσ ἐρρωμένωσ καὶ μὴ διάδηλοι γίνωνται. τὸ δὲ τῶν γρόσφων βέλοσ ἔχει τῷ μὲν μήκει τὸ ξύλον ὡσ ἐπίπαν δίπηχυ, τῷ δὲ πάχει δακτυλιαῖον, τὸ δὲ κέντρον σπιθαμιαῖον, κατὰ τοσοῦτον ἐπὶ λεπτὸν ἐξεληλασμένον καὶ συνωξυσμένον ὥστε κατ’ ἀνάγκην εὐθέωσ ἀπὸ τῆσ πρώτησ ἐμβολῆσ κάμπτεσθαι καὶ μὴ δύνασθαι τοὺσ πολεμίουσ ἀντιβάλλειν·

εἰ δὲ μή, κοινὸν γίνεται τὸ βέλοσ.

일치하는 문장이 없습니다.

SEARCH

MENU NAVIGATION