Polybius, Histories, book 6, chapter 35

(폴리비오스, Histories, book 6, chapter 35)

Τὰ δὲ περὶ τὰσ νυκτερινὰσ φυλακὰσ οὕτωσ οἰκονομεῖται παρ’ αὐτοῖσ. τὸν μὲν στρατηγὸν καὶ τὴν τούτου σκηνὴν ἡ παρακοιτοῦσα σημαία φυλάττει, τὰσ δὲ τῶν χιλιάρχων καὶ τοὺσ τῶν ἱππέων οὐλαμοὺσ οἱ διατεταγμένοι κατὰ τὸν ἄρτι λόγον ἐξ ἑκάστησ σημαίασ.

ὁμοίωσ δὲ καὶ παρ’ ἕκαστον τάγμα πάντεσ ἐξ ἑαυτῶν τιθέασι φυλακήν·

τὰσ δὲ λοιπὰσ ὁ στρατηγὸσ ἀποτάττει. γίνονται δ’ ὡσ ἐπίπαν τρεῖσ φυλακαὶ παρὰ τὸν ταμίαν, καὶ παρ’ ἕκαστον τῶν πρεσβευτῶν καὶ συμβούλων δύο.

τὴν δ’ ἐκτὸσ ἐπιφάνειαν οἱ γροσφομάχοι πληροῦσι, παρ’ ὅλον καθ’ ἡμέραν τὸν χάρακα παρακοιτοῦντεσ ‐ αὕτη γὰρ ἐπιτέτακται τούτοισ ἡ λειτουργία ‐ ἐπί τε τῶν εἰσόδων ἀνὰ δέκα ποιοῦνται τούτων αὐτῶν τὰσ προκοιτίασ.

τῶν δ’ εἰσ τὰσ φυλακὰσ ἀποταχθέντων ἀφ’ ἑκάστου φυλακείου τὸν τὴν πρώτην μέλλοντα τηρεῖν εἷσ ἐξ ἑκάστησ σημαίασ οὐραγὸσ ἄγει πρὸσ τὸν χιλίαρχον ἑσπέρασ·

ὁ δὲ δίδωσι τούτοισ πᾶσι ξυλήφια κατὰ φυλακήν, βραχέα τελέωσ, ἔχοντα χαρακτῆρα.

λαβόντεσ δ’ οὗτοι μὲν ἐπὶ τοὺσ ἀποδεδειγμένουσ ἀπαλλάττονται τόπουσ. Ἡ δὲ τῆσ ἐφοδείασ πίστισ εἰσ τοὺσ ἱππεῖσ ἀνατίθεται.

δεῖ γὰρ τὸν πρῶτον ἰλάρχην καθ’ ἕκαστον στρατόπεδον ἑνὶ τῶν οὐραγῶν τῶν αὑτοῦ παραγγεῖλαι πρῲ παράγγελμα τοιοῦτον, ἵνα τέτταρσιν οὗτοσ ἐμφανίσῃ νεανίσκοισ τῶν ἐκ τῆσ ἰδίασ ἴλησ πρὸ ἀρίστου τοῖσ μέλλουσιν ἐφοδεύειν. μετὰ δὲ ταῦτα τῷ τῆσ ἐχομένησ ἴλησ ἡγεμόνι δεῖ τὸν αὐτὸν ἀφ’ ἑσπέρασ παραγγεῖλαι διότι τούτῳ καθήκει τὰ περὶ τῆσ ἐφοδείασ φροντίζειν εἰσ τὴν αὔριον.

τοῦτον δ’ ἀκούσαντα παραπλησίωσ ταὐτὰ δεῖ ποιεῖν τοῖσ προειρημένοισ εἰσ τὴν ἐπιοῦσαν ἡμέραν·

ὁμοίωσ δὲ καὶ τοὺσ ἑξῆσ. οἱ δὲ προκριθέντεσ ὑπὸ τῶν οὐραγῶν ἐκ τῆσ πρώτησ ἴλησ τέτταρεσ, ἐπειδὰν διαλάχωσι τὰσ φυλακάσ, πορεύονται πρὸσ τὸν χιλίαρχον, καὶ γραφὴν λαμβάνουσι πόσου καὶ πόσασ ἐφοδεῦσαι δεῖ φυλακάσ.

μετὰ δὲ ταῦτα παρακοιτοῦσιν οἱ τέτταρεσ παρὰ τὴν πρώτην σημαίαν τῶν τριαρίων·

일치하는 문장이 없습니다.

SEARCH

MENU NAVIGATION