Polybius, Histories, book 6, chapter 4

(폴리비오스, Histories, book 6, chapter 4)

δημοκρατίασ. ὅτι δ’ ἀληθέσ ἐστι τὸ λεγόμενον ἐκ τούτων συμφανέσ. οὔτε γὰρ πᾶσαν δήπου μοναρχίαν εὐθέωσ βασιλείαν ῥητέον, ἀλλὰ μόνην τὴν ἐξ ἑκόντων συγχωρουμένην καὶ τῇ γνώμῃ τὸ πλεῖον ἢ φόβῳ καὶ βίᾳ κυβερνωμένην·

οὐδὲ μὴν πᾶσαν ὀλιγαρχίαν ἀριστοκρατίαν νομιστέον, ἀλλὰ ταύτην, ἥτισ ἂν κατ’ ἐκλογὴν ὑπὸ τῶν δικαιοτάτων καὶ φρονιμωτάτων ἀνδρῶν βραβεύηται.

παραπλησίωσ οὐδὲ δημοκρατίαν, ἐν ᾗ πᾶν πλῆθοσ κύριόν ἐστι ποιεῖν ὅ, τι ποτ’ ἂν αὐτὸ βουληθῇ καὶ πρόθηται παρὰ δ’ ᾧ πάτριόν ἐστι καὶ σύνηθεσ θεοὺσ σέβεσθαι, γονεῖσ θεραπεύειν, πρεσβυτέρουσ αἰδεῖσθαι, νόμοισ πείθεσθαι, παρὰ τοῖσ τοιούτοισ συστήμασιν ὅταν τὸ τοῖσ πλείοσι δόξαν νικᾷ, τοῦτο καλεῖν δεῖ δημοκρατίαν.

τρία μὲν ἃ πάντεσ θρυλοῦσι καὶ νῦν προείρηται, τρία δὲ τὰ τούτοισ συμφυῆ, λέγω δὲ μοναρχίαν, ὀλιγαρχίαν, ὀχλοκρατίαν.

πρώτη μὲν οὖν ἀκατασκεύωσ καὶ φυσικῶσ συνίσταται μοναρχία, ταύτῃ δ’ ἕπεται καὶ ἐκ ταύτησ γεννᾶται μετὰ κατασκευῆσ καὶ διορθώσεωσ βασιλεία.

μεταβαλλούσησ δὲ ταύτησ εἰσ τὰ συμφυῆ κακά, λέγω δ’ εἰσ τυραννίδ’, αὖθισ ἐκ τῆσ τούτων καταλύσεωσ ἀριστοκρατία φύεται.

καὶ μὴν ταύτησ εἰσ ὀλιγαρχίαν ἐκτραπείσησ κατὰ φύσιν, τοῦ δὲ πλήθουσ ὀργῇ μετελθόντοσ τὰσ τῶν προεστώτων ἀδικίασ, γεννᾶται δῆμοσ.

ἐκ δὲ τῆσ τούτου πάλιν ὕβρεωσ καὶ παρανομίασ ἀποπληροῦται σὺν χρόνοισ ὀχλοκρατία.

γνοίη δ’ ἄν τισ σαφέστατα περὶ τούτων ὡσ ἀληθῶσ ἐστιν οἱᾶ δὴ νῦν εἶπον, ἐπὶ τὰσ ἑκάστων κατὰ φύσιν ἀρχὰσ καὶ γενέσεισ καὶ μεταβολὰσ ἐπιστήσασ.

ὁ γὰρ συνιδὼν ἕκαστον αὐτῶν ὡσ φύεται, μόνοσ ἂν οὗτοσ δύναιτο συνιδεῖν καὶ τὴν αὔξησιν καὶ τὴν ἀκμὴν καὶ τὴν μεταβολὴν ἑκάστων καὶ τὸ τέλοσ, πότε καὶ πῶσ καὶ ποῦ καταντήσει πάλιν·

μάλιστα δ’ ἐπὶ τῆσ Ῥωμαίων πολιτείασ τοῦτον ἁρμόσειν τὸν τρόπον ὑπείληφα τῆσ ἐξηγήσεωσ διὰ τὸ κατὰ φύσιν αὐτὴν ἀπ’ ἀρχῆσ εἰληφέναι τήν τε σύστασιν καὶ τὴν αὔξησιν.

일치하는 문장이 없습니다.

SEARCH

MENU NAVIGATION