Polybius, Histories, book 6, chapter 2

(폴리비오스, Histories, book 6, chapter 2)

Οὐκ ἀγνοῶ μὲν οὖν διότι τινὲσ διαπορήσουσι πῶσ ἀφέμενοι τοῦ συνάπτειν καὶ προστιθέναι τὸ συνεχὲσ τῆσ διηγήσεωσ, εἰσ τοῦτον ἀπεθέμεθα τὸν καιρὸν τὸν ὑπὲρ τῆσ προειρημένησ πολιτείασ ἀπολογισμόν· μάλιστα δ’ ἐν τῇ καταβολῇ καὶ προεκθέσει τῆσ ἱστορίασ, ἐν ᾗ τοῦτο κάλλιστον ἔφαμεν, ἅμα δ’ ὠφελιμώτατον εἶναι τῆσ ἡμετέρασ ἐπιβολῆσ τοῖσ ἐντυγχάνουσι τῇ πραγματείᾳ τὸ γνῶναι καὶ μαθεῖν πῶσ καὶ τίνι γένει πολιτείασ ἐπικρατηθέντα σχεδὸν πάντα τὰ κατὰ τὴν οἰκουμένην ἐν οὐδ’ ὅλοισ πεντήκοντα καὶ τρισὶν ἔτεσιν ὑπὸ μίαν ἀρχὴν τὴν Ῥωμαίων ἔπεσεν, ὃ πρότερον οὐχ εὑρίσκεται γεγονόσ.

κεκριμένου δὲ τούτου καιρὸν οὐχ ἑώρων ἐπιτηδειότερον εἰσ ἐπίστασιν καὶ δοκιμασίαν τῶν λέγεσθαι μελλόντων ὑπὲρ τῆσ πολιτείασ τοῦ νῦν ἐνεστῶτοσ.

μόνον νομίζοντεσ εἶναι ταύτην ἀνδρὸσ τελείου βάσανον τὸ τὰσ ὁλοσχερεῖσ μεταβολὰσ τῆσ τύχησ μεγαλοψύχωσ δύνασθαι καὶ γενναίωσ ὑποφέρειν, τὸν αὐτὸν τρόπον χρὴ θεωρεῖν καὶ πολιτείαν.

διόπερ οὐχ ὁρῶν ποίαν ἄν τισ ὀξυτέραν ἢ μείζονα λάβοι μεταβολὴν τῶν καθ’ ἡμᾶσ τῆσ γε Ῥωμαίοισ συμβάσησ, εἰσ τοῦτον ἀπεθέμην τὸν καιρὸν τὸν ὑπὲρ τῶν προειρημένων ἀπολογισμόν·

γνοίη δ’ ἄν τισ τὸ μέγεθοσ τῆσ μεταβολῆσ ἐκ τούτων. Ζήτει ἐν τῷ περὶ στρατηγίασ. Ὅτι τὸ ψυχαγωγοῦν ἅμα καὶ τὴν ὠφέλειαν ἐπιφέρον τοῖσ φιλομαθοῦσι τοῦτ’ ἔστιν ἡ τῶν αἰτιῶν θεωρία καὶ τοῦ βελτίονοσ ἐν ἑκάστοισ αἱρ́εσισ.

μεγίστην δ’ αἰτίαν ἡγητέον ἐν ἅπαντι πράγματι καὶ πρὸσ ἐπιτυχίαν καὶ τοὐναντίον τὴν τῆσ πολιτείασ σύστασιν·

ἐκ γὰρ ταύτησ ᾗπερ ἐκ πηγῆσ οὐ μόνον ἀναφέρεσθαι συμβαίνει πάσασ τὰσ ἐπινοίασ καὶ τὰσ ἐπιβολὰσ τῶν ἔργων, ἀλλὰ καὶ συντέλειαν λαμβάνειν.

[] Τὸ γὰρ ἀδύνατον ἐν τῷ ψεύδει μόνον οὐδ’ ἀπολογίαν ἐπιδέχεται τοῖσ ἁμαρτάνουσιν.

일치하는 문장이 없습니다.

SEARCH

MENU NAVIGATION