Polybius, Histories, book 6, chapter 49

(폴리비오스, Histories, book 6, chapter 49)

Τοῦτο μὲν γὰρ τίσ οὐκ οἶδε διότι πρῶτοι σχεδὸν τῶν Ἑλλήνων ἐπιθυμήσαντεσ τῆσ τῶν ἀστυγειτόνων χώρασ διὰ πλεονεξίαν ἐπ’ ἐξανδραποδισμῷ Μεσσηνίοισ πόλεμον ἐξήνεγκαν; τοῦτο δὲ τίσ οὐχ ἱστόρηκεν ὡσ διὰ φιλονεικίαν ἐνόρκουσ σφᾶσ ἐποίησαν μὴ πρόσθεν λύσειν τὴν πολιορκίαν πρὶν ἢ κατὰ κράτοσ ἑλεῖν τὴν Μεσσήνην;

καὶ μὴν τοῦτο γνώριμον ὑπάρχει πᾶσιν, ὡσ διὰ τὴν ἐν τοῖσ Ἕλλησι φιλαρχίαν, οὓσ ἐνίκησαν μαχόμενοι, τούτοισ αὖτισ ὑπέμειναν ποιεῖν τὸ προσταττόμενον.

ἐπιπορευομένουσ μὲν γὰρ τοὺσ Πέρσασ ἐνίκων διαγωνιζόμενοι περὶ τῆσ τῶν Ἑλλήνων ἐλευθερίασ·

ὅτε δὴ καὶ τὸ τῆσ νομοθεσίασ ἐλλιπὲσ συνώφθη παρ’ αὐτοῖσ.

ἑώσ μὲν γὰρ τῆσ τῶν ἀστυγειτόνων, ἔτι δὲ τῆσ Πελοποννησίων αὐτῶν ἀρχῆσ ἐφίεντο, συνεξεποιοῦντο ταῖσ ἐκ τῆσ Λακωνικῆσ αὐτῆσ ἐπαρκείαισ καὶ χορηγίαισ, προχείρουσ μὲν ἔχοντεσ τὰσ τῶν ἐπιτηδείων παρασκευάσ, ταχείασ δὲ ποιούμενοι τὰσ εἰσ τὴν οἰκείαν ἐπανόδουσ καὶ παρακομιδάσ.

ἐπεὶ δὲ στόλουσ μὲν ἐπεβάλλοντο κατὰ θάλατταν ἐκπέμπειν, στρατεύειν δὲ πεζικοῖσ στρατοπέδοισ ἔξω Πελοποννήσου, δῆλον ὡσ οὔτε τὸ νόμισμα τὸ σιδηροῦν οὔθ’ ἡ τῶν ἐπετείων καρπῶν ἀλλαγὴ πρὸσ τὰ λείποντα τῆσ χρείασ ἔμελλεν αὐτοῖσ ἐξαρκεῖν κατὰ τὴν Λυκούργου νομοθεσίαν·

προσεδεῖτο γὰρ τὰ πράγματα κοινοῦ νομίσματοσ καὶ ξενικῆσ παρασκευῆσ.

ὅθεν ἠναγκάσθησαν ἐπὶ θύρασ μὲν πορεύεσθαι τὰσ Περσῶν, φόρουσ δὲ τοῖσ νησιώταισ ἐπιτάττειν, ἀργυρολογεῖν δὲ πάντασ τοὺσ Ἕλληνασ, γνόντεσ ὡσ οὐχ οἱο͂́ν τε κατὰ τὴν Λυκούργου νομοθεσίαν οὐχ ὅτι τῆσ τῶν Ἑλλήνων ἡγεμονίασ, ἀλλ’ οὐδὲ πραγμάτων ἀντιποιεῖσθαι τὸ παράπαν.

일치하는 문장이 없습니다.

SEARCH

MENU NAVIGATION