헬라어 문장 검색 - ΠολψβίΗιστορί06́014́

(폴리비오스, Histories, book 6, chapter 12)

Οἱ μὲν γὰρ ὕπατοι πρὸ τοῦ μὲν ἐξάγειν τὰ στρατόπεδα παρόντεσ ἐν Ῥώμῃ πασῶν εἰσι κύριοι τῶν δημοσίων πράξεων. οἵ τε γὰρ ἄρχοντεσ οἱ λοιποὶ πάντεσ ὑποτάττονται καὶ πειθαρχοῦσι τούτοισ πλὴν τῶν δημάρχων, εἴσ τε τὴν σύγκλητον οὗτοι τὰσ πρεσβείασ ἄγουσι.

πρὸσ δὲ τοῖσ προειρημένοισ οὗτοι τὰ κατεπείγοντα τῶν διαβουλίων ἀναδιδόασιν, οὗτοι τὸν ὅλον χειρισμὸν τῶν δογμάτων ἐπιτελοῦσι.

καὶ μὴν ὅσα δεῖ διὰ τοῦ δήμου συντελεῖσθαι τῶν πρὸσ τὰσ κοινὰσ πράξεισ ἀνηκόντων, τούτοισ καθήκει φροντίζειν καὶ συνάγειν τὰσ ἐκκλησίασ, τούτοισ εἰσφέρειν τὰ δόγματα, τούτοισ βραβεύειν τὰ δοκοῦντα τοῖσ πλείοσι.

καὶ μὴν περὶ πολέμου κατασκευῆσ καὶ καθόλου τῆσ ἐν ὑπαίθροισ οἰκονομίασ σχεδὸν αὐτοκράτορα τὴν ἐξουσίαν ἔχουσι.

καὶ γὰρ ἐπιτάττειν τοῖσ συμμαχικοῖσ τὸ δοκοῦν, καὶ τοὺσ χιλιάρχουσ καθιστάναι, καὶ διαγράφειν τοὺσ στρατιώτασ, καὶ διαλέγειν τοὺσ ἐπιτηδείουσ τούτοισ ἔξεστι.

πρὸσ δὲ τοῖσ εἰρημένοισ ζημιῶσαι τῶν ὑποταττομένων ἐν τοῖσ ὑπαίθροισ ὃν ἂν βουληθῶσι κύριοι καθεστᾶσιν.

ἐξουσίαν δ’ ἔχουσι καὶ δαπανᾶν τῶν δημοσίων ὅσα προθεῖντο, παρεπομένου ταμίου καὶ πᾶν τὸ προσταχθὲν ἑτοίμωσ ποιοῦντοσ.

ὥστ’ εἰκότωσ εἰπεῖν ἄν, ὅτε τισ εἰσ ταύτην ἀποβλέψειε τὴν μερίδα, διότι μοναρχικὸν ἁπλῶσ καὶ βασιλικόν ἐστι τὸ πολίτευμα.

εἰ δέ τινα τούτων ἢ τῶν λέγεσθαι μελλόντων λήψεται μετάθεσιν ἢ κατὰ τὸ παρὸν ἢ μετά τινα χρόνον, οὐδὲν ἂν εἰή πρὸσ τὴν νῦν ὑφ’ ἡμῶν λεγομένην ἀπόφασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 12

(폴리비오스, Histories, book 6, chapter 12)

상위

목록

SEARCH

MENU NAVIGATION