Polybius, Histories, book 6, chapter 51

(폴리비오스, Histories, book 6, chapter 51)

Τὸ δὲ Καρχηδονίων πολίτευμα τὸ μὲν ἀνέκαθέν μοι δοκεῖ καλῶσ κατά γε τὰσ ὁλοσχερεῖσ διαφορὰσ συνεστάσθαι. καὶ γὰρ βασιλεῖσ ἦσαν παρ’ αὐτοῖσ, καὶ τὸ γερόντιον εἶχε τὴν ἀριστοκρατικὴν ἐξουσίαν, καὶ τὸ πλῆθοσ ἦν κύριον τῶν καθηκόντων αὐτῷ·

καθόλου δὲ τὴν τῶν ὅλων ἁρμογὴν εἶχε παραπλησίαν τῇ Ῥωμαίων καὶ Λακεδαιμονίων. κατά γε μὴν τοὺσ καιροὺσ τούτουσ, καθ’ οὓσ εἰσ τὸν Ἀννιβιακὸν ἐνέβαινε πόλεμον, χεῖρον ἦν τὸ Καρχηδονίων, ἄμεινον δὲ τὸ Ῥωμαίων.

ἐπειδὴ γὰρ παντὸσ καὶ σώματοσ καὶ πολιτείασ καὶ πράξεώσ ἐστί τισ αὔξησισ κατὰ φύσιν, μετὰ δὲ ταύτην ἀκμή, κἄπειτα φθίσισ, κράτιστα δ’ αὑτῶν ἐστι πάντα τὰ κατὰ τὴν ἀκμήν, παρὰ τοῦτο καὶ τότε διέφερεν ἀλλήλων τὰ πολιτεύματα.

καθ’ ὅσον γὰρ ἡ Καρχηδονίων πρότερον ἴσχυε καὶ πρότερον εὐτύχει τῆσ Ῥωμαίων, κατὰ τοσοῦτον ἡ μὲν Καρχηδὼν ἤδη τότε παρήκμαζεν, ἡ δὲ Ῥώμη μάλιστα τότ’ εἶχε τὴν ἀκμὴν κατά γε τὴν τῆσ πολιτείασ σύστασιν.

διὸ καὶ τὴν πλείστην δύναμιν ἐν τοῖσ διαβουλίοισ παρὰ μὲν Καρχηδονίοισ ὁ δῆμοσ ἤδη μετειλήφει, παρὰ δὲ Ῥωμαίοισ ἀκμὴν εἶχεν ἡ σύγκλητοσ.

ὅθεν παρ’ οἷσ μὲν τῶν πολλῶν βουλευομένων, παρ’ οἷσ δὲ τῶν ἀρίστων, κατίσχυε τὰ Ῥωμαίων διαβούλια περὶ τὰσ κοινὰσ πράξεισ.

ᾗ καὶ πταίσαντεσ τοῖσ ὅλοισ τῷ βουλεύεσθαι καλῶσ τέλοσ ἐπεκράτησαν τῷ πολέμῳ τῶν Καρχηδονίων.

일치하는 문장이 없습니다.

SEARCH

MENU NAVIGATION