Polybius, Histories, book 6, chapter 14

(폴리비오스, Histories, book 6, chapter 14)

τῆσ μὲν συγκλήτου τῶν κατὰ μέροσ ὧν εἰρήκαμεν κυρίασ ὑπαρχούσησ, τὸ δὲ μέγιστον, ὑπ’ αὐτῆσ καὶ τῆσ εἰσόδου καὶ τῆσ ἐξόδου χειριζομένησ ἁπάσησ, τῶν δὲ στρατηγῶν ὑπάτων πάλιν αὐτοκράτορα μὲν ἐχόντων δύναμιν περὶ τὰσ τοῦ πολέμου παρασκευάσ, αὐτοκράτορα δὲ τὴν ἐν τοῖσ ὑπαίθροισ ἐξουσίαν; οὐ μὴν ἀλλὰ καταλείπεται μερὶσ καὶ τῷ δήμῳ, καὶ καταλείπεταί γε βαρυτάτη.

τιμῆσ γάρ ἐστι καὶ τιμωρίασ ἐν τῇ πολιτείᾳ μόνοσ ὁ δῆμοσ κύριοσ, οἷσ συνέχονται μόνοισ καὶ δυναστεῖαι καὶ πολιτεῖαι καὶ συλλήβδην πᾶσ ὁ τῶν ἀνθρώπων βίοσ.

παρ’ οἷσ γὰρ ἢ μὴ γινώσκεσθαι συμβαίνει τὴν τοιαύτην διαφορὰν ἢ γινωσκομένην χειρίζεσθαι κακῶσ, παρὰ τούτοισ οὐδὲν οἱο͂́ν τε κατὰ λόγον διοικεῖσθαι τῶν ὑφεστώτων·

πῶσ γὰρ εἰκὸσ ἐν ἴσῃ τιμῇ [ὄντων] τῶν ἀγαθῶν τοῖσ κακοῖσ; κρίνει μὲν οὖν ὁ δῆμοσ καὶ διαφόρου πολλάκισ, ὅταν ἀξιόχρεων ᾖ τὸ τίμημα τῆσ ἀδικίασ, καὶ μάλιστα τοὺσ τὰσ ἐπιφανεῖσ ἐσχηκότασ ἀρχάσ.

θανάτου δὲ κρίνει μόνοσ. καὶ γίνεταί τι περὶ ταύτην τὴν χρείαν παρ’ αὐτοῖσ ἄξιον ἐπαίνου καὶ μνήμησ.

τοῖσ γὰρ θανάτου κρινομένοισ, ἐπὰν καταδικάζωνται, δίδωσι τὴν ἐξουσίαν τὸ παρ’ αὐτοῖσ ἔθοσ ἀπαλλάττεσθαι φανερῶσ, κἂν ἔτι μία λείπηται φυλὴ τῶν ἐπικυρουσῶν τὴν κρίσιν ἀψηφοφόρητοσ, ἑκούσιον ἑαυτοῦ καταγνόντα φυγαδείαν. ἔστι δ’ ἀσφάλεια τοῖσ φεύγουσιν ἔν τε τῇ Νεαπολιτῶν καὶ Πραινεστίνων, ἔτι δὲ Τιβουρίνων πόλει, καὶ ταῖσ ἄλλαισ, πρὸσ ἃσ ἔχουσιν ὁρ́κια.

καὶ μὴν τὰσ ἀρχὰσ ὁ δῆμοσ δίδωσι τοῖσ ἀξίοισ·

ὅπερ ἐστὶ κάλλιστον ἆθλον ἐν πολιτείᾳ καλοκἀγαθίασ. ἔχει δὲ τὴν κυρίαν καὶ περὶ τῆσ τῶν νόμων δοκιμασίασ, καὶ τὸ μέγιστον, ὑπὲρ εἰρήνησ οὗτοσ βουλεύεται καὶ πολέμου.

καὶ μὴν περὶ συμμαχίασ καὶ διαλύσεωσ καὶ συνθηκῶν οὗτόσ ἐστιν ὁ βεβαιῶν ἕκαστα τούτων καὶ κύρια ποιῶν ἢ τοὐναντίον.

ὥστε πάλιν ἐκ τούτων εἰκότωσ ἄν τιν’ εἰπεῖν ὅτι μεγίστην ὁ δῆμοσ ἔχει μερίδα καὶ δημοκρατικόν ἐστι τὸ πολίτευμα.

일치하는 문장이 없습니다.

SEARCH

MENU NAVIGATION