Polybius, Histories, book 6, chapter 56

(폴리비오스, Histories, book 6, chapter 56)

καθηκόντων καθ’ ὅσον γὰρ ἐν καλῷ τίθενται τὸν ἀπὸ τοῦ κρατίστου χρηματισμόν, κατὰ τοσοῦτο πάλιν ἐν ὀνείδει ποιοῦνται τὴν ἐκ τῶν ἀπειρημένων πλεονεξίαν. σημεῖον δὲ τοῦτο·

παρὰ μὲν Καρχηδονίοισ δῶρα φανερῶσ διδόντεσ λαμβάνουσι τὰσ ἀρχάσ, παρὰ δὲ Ῥωμαίοισ θάνατόσ ἐστι περὶ τοῦτο πρόστιμον. ὅθεν τῶν ἄθλων τῆσ ἀρετῆσ ἐναντίων τιθεμένων παρ’ ἀμφοῖν, εἰκὸσ ἀνόμοιον εἶναι καὶ τὴν παρασκευὴν ἑκατέρων πρὸσ ταῦτα.

Μεγίστην δέ μοι δοκεῖ διαφορὰν ἔχειν τὸ Ῥωμαίων πολίτευμα πρὸσ βέλτιον ἐν τῇ περὶ θεῶν διαλήψει.

καί μοι δοκεῖ τὸ παρὰ τοῖσ ἄλλοισ ἀνθρώποισ ὀνειδιζόμενον, τοῦτο συνέχειν τὰ Ῥωμαίων πράγματα, λέγω δὲ τὴν δεισιδαιμονίαν·

ἐπὶ τοσοῦτον γὰρ ἐκτετραγῴδηται καὶ παρεισῆκται τοῦτο τὸ μέροσ παρ’ αὐτοῖσ εἴσ τε τοὺσ κατ’ ἰδίαν βίουσ καὶ τὰ κοινὰ τῆσ πόλεωσ ὥστε μὴ καταλιπεῖν ὑπερβολήν.

ὃ καὶ δόξειεν ἂν πολλοῖσ εἶναι θαυμάσιον. ἐμοί γε μὴν δοκοῦσι τοῦ πλήθουσ χάριν τοῦτο πεποιηκέναι.

εἰ μὲν γὰρ ἦν σοφῶν ἀνδρῶν πολίτευμα συναγαγεῖν, ἴσωσ οὐδὲν ἦν ἀναγκαῖοσ ὁ τοιοῦτοσ τρόποσ·

ἐπεὶ δὲ πᾶν πλῆθόσ ἐστιν ἐλαφρὸν καὶ πλῆρεσ ἐπιθυμιῶν παρανόμων, ὀργῆσ ἀλόγου, θυμοῦ βιαίου, λείπεται τοῖσ ἀδήλοισ φόβοισ καὶ τῇ τοιαύτῃ τραγῳδίᾳ τὰ πλήθη συνέχειν.

διόπερ οἱ παλαιοὶ δοκοῦσί μοι τὰσ περὶ θεῶν ἐννοίασ καὶ τὰσ ὑπὲρ τῶν ἐν ᾅδου διαλήψεισ οὐκ εἰκῇ καὶ ὡσ ἔτυχεν εἰσ τὰ πλήθη παρεισαγαγεῖν, πολὺ δὲ μᾶλλον οἱ νῦν εἰκῇ καὶ ἀλόγωσ ἐκβάλλειν αὐτά.

τοιγαροῦν χωρὶσ τῶν ἄλλων οἱ τὰ κοινὰ χειρίζοντεσ παρὰ μὲν τοῖσ Ἕλλησιν, ἐὰν ταλάντου μόνον πιστευθῶσιν, ἀντιγραφεῖσ ἔχοντεσ δέκα καὶ σφραγῖδασ τοσαύτασ καὶ μάρτυρασ διπλασίουσ οὐ δύνανται τηρεῖν τὴν πίστιν·

παρὰ δὲ Ῥωμαίοισ κατά τε τὰσ ἀρχὰσ καὶ πρεσβείασ πολύ τι πλῆθοσ χρημάτων χειρίζοντεσ δι’ αὐτῆσ τῆσ κατὰ τὸν ὁρ́κον πίστεωσ τηροῦσι τὸ καθῆκον.

καὶ παρὰ μὲν τοῖσ ἄλλοισ σπάνιόν ἐστιν εὑρεῖν ἀπεχόμενον ἄνδρα τῶν δημοσίων καὶ καθαρεύοντα περὶ ταῦτα·

παρὰ δὲ τοῖσ Ῥωμαίοισ σπάνιόν ἐστι τὸ λαβεῖν τινα πεφωραμένον ἐπὶ τοιαύτῃ πράξει.

일치하는 문장이 없습니다.

SEARCH

MENU NAVIGATION