Polybius, Histories, book 6, chapter 47

(폴리비오스, Histories, book 6, chapter 47)

ἤδη διέξιμεν. ἐγὼ γὰρ οἶμαι δύ’ ἀρχὰσ εἶναι πάσησ πολιτείασ, δι’ ὧν αἱρετὰσ ἢ φευκτὰσ συμβαίνει γίνεσθαι τάσ τε δυνάμεισ αὐτῶν καὶ τὰσ συστάσεισ· αὗται δ’ εἰσὶν ἔθη καὶ νόμοι· ὧν τὰ μὲν αἱρετὰ τούσ τε κατ’ ἰδίαν βίουσ τῶν ἀνθρώπων ὁσίουσ ἀποτελεῖ καὶ σώφρονασ τό τε κοινὸν ἦθοσ τῆσ πόλεωσ ἥμερον ἀπεργάζεται καὶ δίκαιον, τὰ δὲ φευκτὰ τοὐναντίον.

οὕτωσ, ὅταν τούσ τε κατ’ ἰδίαν βίουσ τινῶν πλεονεκτικοὺσ τάσ τε κοινὰσ πράξεισ ἀδίκουσ θεωρήσωμεν, δῆλον ὡσ εἰκὸσ λέγειν καὶ τοὺσ νόμουσ καὶ τὰ κατὰ μέροσ ἤθη καὶ τὴν ὅλην πολιτείαν αὐτῶν εἶναι φαύλην.

καὶ μὴν οὔτε κατ’ ἰδίαν ἤθη δολιώτερα Κρηταιέων εὑρ́οι τισ ἂν πλὴν τελείωσ ὀλίγων οὔτε κατὰ κοινὸν ἐπιβολὰσ ἀδικωτέρασ.

διόπερ οὔθ’ ὁμοίαν αὐτὴν ἡγούμενοι τῇ Λακεδαιμονίων οὔτε μὴν ἄλλωσ αἱρετὴν οὔτε ζηλωτὴν ἀποδοκιμάζομεν ἐκ τῆσ προειρημένησ συγκρίσεωσ.

Καὶ μὴν οὐδὲ τὴν Πλάτωνοσ πολιτείαν δίκαιον παρεισαγαγεῖν, ἐπειδὴ καὶ ταύτην τινὲσ τῶν φιλοσόφων ἐξυμνοῦσιν.

ὥσπερ γὰρ οὐδὲ τῶν τεχνιτῶν ἢ τῶν ἀθλητῶν τούσ γε μὴ νενεμημένουσ ἢ σεσωμασκηκότασ παρίεμεν εἰσ τοὺσ ἀθλητικοὺσ ἀγῶνασ, οὕτωσ οὐδὲ ταύτην χρὴ παρεισαγαγεῖν εἰσ τὴν τῶν πρωτείων ἅμιλλαν, ἐὰν μὴ πρότερον ἐπιδείξηταί τι τῶν ἑαυτῆσ ἔργων ἀληθινῶσ.

μέχρι δὲ τοῦ νῦν παραπλήσιοσ ἂν ὁ περὶ αὐτῆσ φανείη λόγοσ, ἀγομένησ εἰσ σύγκρισιν πρὸσ τὴν Σπαρτιατῶν καὶ Ῥωμαίων καὶ Καρχηδονίων πολιτείαν, ὡσ ἂν εἰ τῶν ἀγαλμάτων τισ ἓν προθέμενοσ τοῦτο συγκρίνοι τοῖσ ζῶσι καὶ πεπνυμένοισ ἀνδράσι.

καὶ γὰρ ἂν ὅλωσ ἐπαινετὸν ὑπάρχῃ κατὰ τὴν τέχνην, τήν γε σύγκρισιν τῶν ἀψύχων τοῖσ ἐμψύχοισ ἐνδεῆ καὶ τελείωσ ἀπεμφαίνουσαν εἰκὸσ προσπίπτειν τοῖσ θεωμένοισ.

일치하는 문장이 없습니다.

SEARCH

MENU NAVIGATION