Polybius, Histories, book 6, chapter 26

(폴리비오스, Histories, book 6, chapter 26)

Τοιαύτην δὲ ποιησάμενοι τὴν διαίρεσιν οἱ χιλίαρχοι, καὶ ταῦτα παραγγείλαντεσ περὶ τῶν ὅπλων, τότε μὲν ἀπέλυσαν τοὺσ ἄνδρασ εἰσ τὴν οἰκείαν· εἰσ ἣν ὤμοσαν ἁθροισθῆναι πάντεσ ὁμοίωσ εἰσ τὸν ἀποδειχθέντα τόπον ὑπὸ τῶν ὑπάτων ‐ τάττει δ’ ὡσ ἐπίπαν ἑκάτεροσ χωρὶσ τὸν τόπον τοῖσ αὑτοῦ στρατοπέδοισ·

παραγίνονται δὲ πάντεσ ἀδιαπτώτωσ οἱ καταγραφέντεσ, ὡσ ἂν μηδεμιᾶσ ἄλλησ συγχωρουμένησ προφάσεωσ τοῖσ ἐξορκισθεῖσι πλὴν ὀρνιθείασ καὶ τῶν ἀδυνάτων.

ἁθροισθέντων δὲ καὶ τῶν συμμάχων ὁμοῦ τοῖσ Ῥωμαίοισ, τὴν μὲν οἰκονομίαν καὶ τὸν χειρισμὸν ποιοῦνται τούτων αὐτῶν οἱ καθεσταμένοι μὲν ὑπὸ τῶν ὑπάτων ἄρχοντεσ, προσαγορευόμενοι δὲ πραίφεκτοι, δώδεκα τὸν ἀριθμὸν ὄντεσ.

οἳ πρῶτον μὲν τοῖσ ὑπάτοισ τοὺσ ἐπιτηδειοτάτουσ πρὸσ τὴν ἀληθινὴν χρείαν ἐκ πάντων τῶν παραγεγονότων συμμάχων ἱππεῖσ καὶ πεζοὺσ ἐκλέγουσι, τοὺσ καλουμένουσ ἐκτραορδιναρίουσ, ὃ μεθερμηνευόμενον ἐπιλέκτουσ δηλοῖ.

τὸ δὲ πλῆθοσ γίνεται τὸ πᾶν τῶν συμμάχων, τὸ μὲν τῶν πεζῶν πάρισον τοῖσ Ῥωμαϊκοῖσ στρατοπέδοισ ὡσ τὸ πολύ, τὸ δὲ τῶν ἱππέων τριπλάσιον·

ἐκ δὲ τούτων λαμβάνουσι τῶν μὲν ἱππέων εἰσ τοὺσ ἐπιλέκτουσ ἐπιεικῶσ τὸ τρίτον μέροσ, τῶν δὲ πεζῶν τὸ πέμπτον.

καὶ καλοῦσι τὸ μὲν δεξιόν, τὸ δ’ εὐώνυμον κέρασ.

Τούτων δ’ εὐτρεπῶν γενομένων παραλαβόντεσ οἱ χιλίαρχοι τοὺσ Ῥωμαίουσ ὁμοῦ καὶ τοὺσ συμμάχουσ κατεστρατοπέδευσαν, ἑνὸσ ὑπάρχοντοσ παρ’ αὐτοῖσ θεωρήματοσ ἁπλοῦ περὶ τὰσ παρεμβολάσ, ᾧ χρῶνται πρὸσ πάντα καιρὸν καὶ τόπον.

διὸ καὶ δοκεῖ μοι πρέπειν τῷ καιρῷ τὸ πειραθῆναι, καθ’ ὅσον οἱο͂́ν τε τῷ λόγῳ, τοὺσ ἀκούοντασ εἰσ ἔννοιαν ἀγαγεῖν τοῦ κατὰ τὰσ πορείασ καὶ στρατοπεδείασ καὶ παρατάξεισ χειρισμοῦ τῶν δυνάμεων.

τίσ γὰρ οὕτωσ ἐστὶν ἀπεοικὼσ πρὸσ τὰ καλὰ καὶ σπουδαῖα τῶν ἔργων, ὃσ οὐκ ἂν βουληθείη μικρὸν ἐπιμελέστερον ἐπιστῆσαι περὶ τῶν τοιούτων, ὑπὲρ ὧν ἅπαξ ἀκούσασ ἐπιστήμων ἔσται πράγματοσ ἑνὸσ τῶν ἀξίων λόγου καὶ γνώσεωσ;

일치하는 문장이 없습니다.

SEARCH

MENU NAVIGATION