헬라어 문장 검색 - ΠολψβίΗιστορί06́046́

(폴리비오스, Histories, book 6, chapter 44)

γενομένησ περὶ τὴν Θηβαίων πόλιν ἐπιφανείασ. τὸ δὲ παραπλήσιον καὶ περὶ τῆσ Ἀθηναίων πολιτείασ διαληπτέον. καὶ γὰρ αὕτη πλεονάκισ μὲν ἴσωσ, ἐκφανέστατα δὲ τῇ Θεμιστοκλέουσ ἀρετῇ συνανθήσασα ταχέωσ τῆσ ἐναντίασ μεταβολῆσ ἔλαβε πεῖραν διὰ τὴν ἀνωμαλίαν τῆσ φύσεωσ.

ἀεὶ γάρ ποτε τὸν τῶν Ἀθηναίων δῆμον παραπλήσιον εἶναι συμβαίνει τοῖσ ἀδεσπότοισ σκάφεσι.

καὶ γὰρ ἐπ’ ἐκείνων, ὅταν μὲν ἢ διὰ πελαγῶν φόβον ἢ διὰ περίστασιν χειμῶνοσ ὁρμὴ παραστῇ τοῖσ ἐπιβάταισ συμφρονεῖν καὶ προσέχειν τὸν νοῦν τῷ κυβερνήτῃ, γίνεται τὸ δέον ἐξ αὐτῶν διαφερόντωσ·

τότε δὴ τῶν μὲν ἔτι πλεῖν προαιρουμένων, τῶν δὲ κατεπειγόντων ὁρμίζειν τὸν κυβερνήτην, καὶ τῶν μὲν ἐκσειόντων τοὺσ κάλουσ, τῶν δ’ ἐπιλαμβανομένων καὶ στέλλεσθαι παρακελευομένων, αἰσχρὰ μὲν πρόσοψισ γίνεται τοῖσ ἔξωθεν θεωμένοισ διὰ τὴν ἐν ἀλλήλοισ διαφορὰν καὶ στάσιν, ἐπισφαλὴσ δ’ ἡ διάθεσισ τοῖσ μετασχοῦσι καὶ κοινωνήσασι τοῦ πλοῦ·

διὸ καὶ πολλάκισ διαφυγόντεσ τὰ μέγιστα πελάγη καὶ τοὺσ ἐπιφανεστάτουσ χειμῶνασ ἐν τοῖσ λιμέσι καὶ πρὸσ τῇ γῇ ναυαγοῦσιν.

ὃ δὴ καὶ τῇ τῶν Ἀθηναίων πολιτείᾳ πλεονάκισ ἤδη συμβέβηκε·

διωσαμένη γὰρ ἐνίοτε τὰσ μεγίστασ καὶ δεινοτάτασ περιστάσεισ διά τε τὴν τοῦ δήμου καὶ τὴν τῶν προεστώτων ἀρετὴν ἐν ταῖσ ἀπεριστάτοισ ῥᾳστώναισ εἰκῇ πωσ καὶ ἀλόγωσ ἐνίοτε σφάλλεται. διὸ καὶ περὶ μὲν ταύτησ τε καὶ τῆσ τῶν Θηβαίων οὐδὲν δεῖ πλείω λέγειν, ἐν αἷσ ὄχλοσ χειρίζει τὰ ὅλα κατὰ τὴν ἰδίαν ὁρμήν, ὁ μὲν ὀξύτητι καὶ πικρίᾳ διαφέρων, ὁ δὲ βίᾳ καὶ θυμῷ συμπεπαιδευμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 44

(폴리비오스, Histories, book 6, chapter 44)

상위

목록

SEARCH

MENU NAVIGATION