헬라어 텍스트

Polybius, Histories, book 6, vii. rei publicae romanae cum aliis collatio

(폴리비오스, Histories, book 6, vii. rei publicae romanae cum aliis collatio)

Σχεδὸν δὴ πάντεσ οἱ συγγραφεῖσ περὶ τούτων ἡμῖν τῶν πολιτευμάτων παραδεδώκασι τὴν ἐπ’ ἀρετῇ φήμην, περί τε τοῦ Λακεδαιμονίων καὶ Κρητῶν καὶ Μαντινέων, ἔτι δὲ Καρχηδονίων· ἔνιοι δὲ καὶ περὶ τῆσ Ἀθηναίων καὶ Θηβαίων πολιτείασ πεποίηνται μνήμην. ἀλλ’ ὥσπερ ἐκ προσπαίου τινὸσ τύχησ σὺν καιρῷ λάμψαντασ, τὸ δὴ λεγόμενον, ἔτι δοκοῦντασ ἀκμὴν καὶ μέλλοντασ εὐτυχεῖν, τῆσ ἐναντίασ πεῖραν εἰληφέναι μεταβολῆσ.

Θηβαῖοι μὲν γὰρ τῇ Λακεδαιμονίων ἀγνοίᾳ καὶ τῷ τῶν συμμάχων πρὸσ αὐτοὺσ μίσει συνεπιθέμενοι, διὰ τὴν ἑνὸσ ἀνδρὸσ ἀρετὴν ἢ καὶ δευτέρου, τῶν τὰ προειρημένα συνιδόντων, περιεποιήσαντο παρὰ τοῖσ Ἕλλησι τὴν ἐπ’ ἀρετῇ φήμην.

ὅτι γὰρ οὐχ ἡ τῆσ πολιτείασ σύστασισ αἰτία τότ’ ἐγένετο Θηβαίοισ τῶν εὐτυχημάτων, ἀλλ’ ἡ τῶν προεστώτων ἀνδρῶν ἀρετή, παρὰ πόδασ ἡ τύχη τοῦτο πᾶσιν ἐποίησε δῆλον·

καὶ γὰρ συνηυξήθη καὶ συνήκμασε καὶ συγκατελύθη τὰ Θηβαίων ἔργα τῷ τ’ Ἐπαμινώνδου καὶ τῷ Πελοπίδου βίῳ προφανῶσ.