헬라어 문장 검색 - ΠολψβίΗιστορί06́043́

(폴리비오스, Histories, book 6, chapter 41)

οἵτινεσ ἐπειδὰν συνθεάσωνται τὸν ὅλον τόπον, οὗ δεῖ στρατοπεδεύειν, ἐν αὐτῷ τούτῳ πρῶτον μὲν διέλαβον τὴν τοῦ στρατηγοῦ σκηνὴν οὗ δεήσει θεῖναι κατὰ τὸν ἄρτι λόγον, καὶ παρὰ ποίαν ἐπιφάνειαν καὶ πλευρὰν τῆσ περὶ τὴν σκηνὴν περιστάσεωσ παρεμβαλεῖν τὰ στρατόπεδα· τούτων δὲ προκριθέντων διαμετροῦνται τὴν περίστασιν τῆσ σκηνῆσ, μετὰ δὲ ταῦτα τὴν εὐθεῖαν, ἐφ’ ἧσ αἱ σκηναὶ τίθενται τῶν χιλιάρχων, ἑξῆσ δὲ τὴν ταύτησ παράλληλον, ἀφ’ ἧσ ἄρχεται τὰ στρατόπεδα παρεμβάλλειν.

ὁμοίωσ δὲ καὶ τὰ ἐπὶ θάτερα μέρη τῆσ σκηνῆσ κατεμετρήσαντο γραμμαῖσ, περὶ ὧν ὑπεδείξαμεν ἄρτι διὰ πλειόνων κατὰ μέροσ.

γενομένων δὲ τούτων ἐν βραχεῖ χρόνῳ διὰ τὸ ῥᾳδίαν εἶναι τὴν καταμέτρησιν, ὡσ ἁπάντων ὡρισμένων καὶ συνήθων ὄντων διαστημάτων, μετὰ δὲ ταῦτα σημαίαν ἔπηξαν μίαν μὲν καὶ πρώτην, ἐν ᾧ δεῖ τόπῳ τίθεσθαι τὴν τοῦ στρατηγοῦ σκηνήν, δευτέραν δὲ τὴν ἐπὶ τῆσ προκριθείσησ πλευρᾶσ, τρίτην ἐπὶ μέσησ τῆσ γραμμῆσ ἐφ’ ἧσ οἱ χιλίαρχοι σκηνοῦσι, τετάρτην, παρ’ ἣν τίθενται τὰ στρατόπεδα.

τὴν δὲ τοῦ στρατηγοῦ λευκήν.

τὰ δ’ ἐπὶ θάτερα ποτὲ μὲν ψιλὰ δόρατα πηγνύουσι, ποτὲ δὲ σημαίασ ἐκ τῶν ἄλλων χρωμάτων. γενομένων δὲ τούτων ἑξῆσ τὰσ ῥύμασ διεμέτρησαν καὶ δόρατα κατέπηξαν ἐφ’ ἑκάστησ ῥύμησ.

ἐξ ὧν εἰκότωσ, ὅταν ἐγγίσῃ τὰ στρατόπεδα κατὰ τὰσ πορείασ καὶ γένητ’ εὐσύνοπτοσ ὁ τόποσ τῆσ παρεμβολῆσ, εὐθέωσ ἅπαντα γίνεται πᾶσι γνώριμα, τεκμαιρομένοισ καὶ συλλογιζομένοισ ἀπὸ τῆσ τοῦ στρατηγοῦ σημαίασ.

λοιπὸν ἑκάστου σαφῶσ γινώσκοντοσ ἐν ποίᾳ ῥύμῃ καὶ ποίῳ τόπῳ τῆσ ῥύμησ σκηνοῖ διὰ τὸ πάντασ ἀεὶ τὸν αὐτὸν ἐπέχειν τῆσ στρατοπεδείασ, γίνεταί τι παραπλήσιον, οἱο͂ν ὅταν εἰσ πόλιν εἰσίῃ στρατόπεδον ἐγχώριον.

καὶ γὰρ ἐκεῖ διακλίναντεσ ἀπὸ τῶν πυλῶν εὐθέωσ ἕκαστοι προάγουσι καὶ παραγίνονται πρὸσ τὰσ ἰδίασ οἰκήσεισ ἀδιαπτώτωσ, διὰ τὸ καθόλου καὶ κατὰ μέροσ γινώσκειν ποῦ τῆσ πόλεώσ ἐστιν αὐτοῖσ ἡ κατάλυσισ.

τὸ δὲ παραπλήσιον τούτοισ καὶ περὶ τὰσ Ῥωμαϊκὰσ συμβαίνει στρατοπεδείασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 41

(폴리비오스, Histories, book 6, chapter 41)

상위

목록

SEARCH

MENU NAVIGATION