헬라어 문장 검색 - ΠολψβίΗιστορί06́042́

(폴리비오스, Histories, book 6, chapter 40)

Τὰσ δ’ ἐκ τῆσ παρεμβολῆσ ἀναστρατοπεδείασ ποιοῦνται τὸν τρόπον τοῦτον. ὅταν τὸ πρῶτον σημήνῃ, καταλύουσι τὰσ σκηνὰσ καὶ συντιθέασι τὰ φορτία πάντεσ·

οὔτε δὲ καθελεῖν ἔξεστιν οὔτ’ ἀναστῆσαι πρότερον οὐδένα τῆσ τῶν χιλιάρχων καὶ τοῦ στρατηγοῦ σκηνῆσ. ὅταν δὲ τὸ δεύτερον, ἀνατιθέασι τὰ σκευοφόρα τοῖσ ὑποζυγίοισ.

ἐπὰν δὲ τὸ τρίτον σημήνῃ, προάγειν δεῖ τοὺσ πρώτουσ καὶ κινεῖν τὴν ὅλην παρεμβολήν. εἰσ μὲν οὖν τὴν πρωτοπορείαν ὡσ ἐπίπαν τάττουσι τοὺσ ἐπιλέκτουσ·

τούτοισ δὲ τὸ τῶν συμμάχων δεξιὸν ἐπιβάλλει κέρασ· ἑξῆσ δὲ τούτοισ ἕπεται τὰ τῶν προειρημένων ὑποζύγια. τῇ δὲ τούτων πορείᾳ τὸ πρῶτον τῶν Ῥωμαϊκῶν ἀκολουθεῖ στρατόπεδον, ἔχον ὄπισθεν τὴν ἰδίαν ἀποσκευήν.

κἄπειτα κατακολουθεῖ τὸ δεύτερον στρατόπεδον, ἑπομένων αὐτῷ τῶν ἰδίων ὑποζυγίων καὶ τῆσ τῶν συμμάχων ἀποσκευῆσ τῶν ἐπὶ τῆσ οὐραγίασ τεταγμένων τελευταῖον γὰρ ἐν τῇ πορείᾳ τάττεται τὸ τῶν συμμάχων εὐώνυμον κέρασ.

οἱ δ’ ἱππεῖσ ποτὲ μὲν ἀπουραγοῦσι τοῖσ αὑτῶν ἕκαστοι μέρεσι, ποτὲ δὲ παρὰ τὰ ὑποζύγια πλάγιοι παραπορεύονται, συνέχοντεσ ταῦτα καὶ τὴν ἀσφάλειαν τούτοισ παρασκευάζοντεσ.

προσδοκίασ δ’ οὔσησ κατὰ τὴν οὐραγίαν τὰ μὲν ἄλλα παρ’ αὐτοῖσ τὸν αὐτὸν ἔχει τρόπον, αὐτοὶ δ’ οἱ τῶν συμμάχων ἐπίλεκτοι τὴν οὐραγίαν ἀντὶ τῆσ πρωτοπορείασ μεταλαμβάνουσι.

παρὰ δὲ μίαν ἡμέραν τὰ μὲν ἡγεῖται τῶν στρατοπέδων καὶ κεράτων, τὰ δ’ αὐτὰ πάλιν ἕπεται ταῦτα κατόπιν, ἵνα τῆσ περὶ τὰσ ὑδρείασ καὶ σιτολογίασ ἀκεραιότητοσ πάντεσ ἐπ’ ἴσον κοινωνῶσι, μεταλαμβάνοντεσ ἀεὶ τὴν ἐπὶ τῆσ πρωτοπορείασ ἐναλλὰξ τάξιν.

τὰ ὑποζύγια ταῖσ σημαίαισ οὕτω δὲ συντάξαντεσ τὴν πορείαν, ἐπειδὰν προσπίπτῃ τι τῶν δεινῶν, ποτὲ μὲν παρ’ ἀσπίδα κλίναντεσ, ποτὲ δ’ ἐπὶ δόρυ, προάγουσι τὰσ σημαίασ ἐκ τῶν ὑποζυγίων πρὸσ τὴν τῶν πολεμίων ἐπιφάνειαν.

τὸ δὲ τῶν ὑποζυγίων καὶ τῶν παρεπομένων τούτοισ πλῆθοσ, ὑπὸ τοὺσ παρατεταγμένουσ ὑπεσταλκόσ, ἔχει τὴν καθήκουσαν χώραν πρὸσ τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 40

(폴리비오스, Histories, book 6, chapter 40)

상위

목록

SEARCH

MENU NAVIGATION