헬라어 문장 검색 - ΠολψβίΗιστορί06́041́

(폴리비오스, Histories, book 6, chapter 39)

Καλῶσ δὲ καὶ τοὺσ νέουσ ἐκκαλοῦνται πρὸσ τὸ κινδυνεύειν. μετὰ δὲ ταῦτα τῷ μὲν τρώσαντι πολέμιον γαῖσον δωρεῖται, τῷ δὲ καταβαλόντι καὶ σκυλεύσαντι, τῷ μὲν πεζῷ φιάλην, τῷ δ’ ἱππεῖ φάλαρ’, ἐξ ἀρχῆσ δὲ γαῖσον μόνον.

τυγχάνει δὲ τούτων οὐκ ἐὰν ἐν παρατάξει τισ ἢ πόλεωσ καταλήψει τρώσῃ τινὰσ ἢ σκυλεύσῃ τῶν πολεμίων, ἀλλ’ ἐὰν ἐν ἀκροβολισμοῖσ ἤ τισιν ἄλλοισ τοιούτοισ καιροῖσ, ἐν οἷσ μηδεμιᾶσ ἀνάγκησ οὔσησ κατ’ ἄνδρα κινδυνεύειν αὐτοί τινεσ ἑκουσίωσ καὶ κατὰ προαίρεσιν αὑτοὺσ εἰσ τοῦτο διδόασι.

τοῖσ δὲ πόλεωσ καταλαμβανομένησ πρώτοισ ἐπὶ τὸ τεῖχοσ ἀναβᾶσι χρυσοῦν δίδωσι στέφανον.

ὁμοίωσ δὲ καὶ τοὺσ ὑπερασπίσαντασ καὶ σώσαντάσ τινασ τῶν πολιτῶν ἢ συμμάχων ὅ τε στρατηγὸσ ἐπισημαίνεται δώροισ, οἵ τε χιλίαρχοι τοὺσ σωθέντασ, ἐὰν μὲν ἑκόντεσ ποιήσωσιν, εἰ δὲ μή, κρίναντεσ συναναγκάζουσι τὸν σώσαντα στεφανοῦν.

σέβεται δὲ τοῦτον καὶ παρ’ ὅλον τὸν βίον ὁ σωθεὶσ ὡσ πατέρα, καὶ πάντα δεῖ τούτῳ ποιεῖν αὐτὸν ὡσ τῷ γονεῖ.

ἐκ δὲ τῆσ τοιαύτησ παρορμήσεωσ οὐ μόνον τοὺσ ἀκούοντασ καὶ παρόντασ ἐκκαλοῦνται πρὸσ τὴν ἐν τοῖσ κινδύνοισ ἅμιλλαν καὶ ζῆλον, ἀλλὰ καὶ τοὺσ ἐν οἴκῳ μένοντασ·

ἔν τε ταῖσ οἰκίαισ κατὰ τοὺσ ἐπιφανεστάτουσ τόπουσ τιθέασι τὰ σκῦλα, σημεῖα ποιούμενοι καὶ μαρτύρια τῆσ ἑαυτῶν ἀρετῆσ.

τοιαύτησ δ’ ἐπιμελείασ οὔσησ καὶ σπουδῆσ περί τε τὰσ τιμὰσ καὶ τιμωρίασ τὰσ ἐν τοῖσ στρατοπέδοισ, εἰκότωσ καὶ τὰ τέλη τῶν πολεμικῶν πράξεων ἐπιτυχῆ καὶ λαμπρὰ γίνεται δι’ αὐτῶν.

Ὀψώνιον δ’ οἱ μὲν πεζοὶ λαμβάνουσι τῆσ ἡμέρασ δύ’ ὀβολούσ, οἱ δὲ ταξίαρχοι διπλοῦν, οἱ δ’ ἱππεῖσ δραχμήν.

τῶν δὲ συμμάχων οἱ μὲν πεζοὶ τὸ ἴσον, οἱ δ’ ἱππεῖσ πυρῶν μὲν μέδιμνον ἕνα καὶ τρίτον μέροσ, κριθῶν δὲ πέντε.

δίδοται δὲ τοῖσ μὲν συμμάχοισ τοῦτ’ ἐν δωρεᾷ·

τοῖσ δὲ Ῥωμαίοισ τοῦ τε σίτου καὶ τῆσ ἐσθῆτοσ, κἄν τινοσ ὅπλου προσδεηθῶσι, πάντων τούτων ὁ ταμίασ τὴν τεταγμένην τιμὴν ἐκ τῶν ὀψωνίων ὑπολογίζεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 39

(폴리비오스, Histories, book 6, chapter 39)

상위

목록

SEARCH

MENU NAVIGATION