헬라어 문장 검색 - ΠολψβίΗιστορί06́039́

(폴리비오스, Histories, book 6, chapter 37)

τοὔγκλημα. καθίσαντοσ δὲ παραχρῆμα συνεδρίου τῶν χιλιάρχων κρίνεται, κἂν καταδικασθῇ, ξυλοκοπεῖται. τὸ δὲ τῆσ ξυλοκοπίασ ἐστὶ τοιοῦτον.

οὗ γενομένου πάντεσ οἱ τοῦ στρατοπέδου τύπτοντεσ τοῖσ ξύλοισ καὶ τοῖσ λίθοισ τοὺσ μὲν πλείστουσ ἐν αὐτῇ τῇ στρατοπεδείᾳ καταβάλλουσι, τοῖσ δ’ ἐκπεσεῖν δυναμένοισ οὐδ’ ὣσ ὑπάρχει σωτηρία·

πῶσ γάρ;

οἷσ οὔτ’ εἰσ τὴν πατρίδα τὴν ἑαυτῶν ἐπανελθεῖν ἔξεστιν οὔτε τῶν ἀναγκαίων οὐδεὶσ ἂν οἰκίᾳ τολμήσειε δέξασθαι τὸν τοιοῦτον. διὸ τελείωσ οἱ περιπεσόντεσ ἅπαξ τοιαύτῃ συμφορᾷ καταφθείρονται. τὸ δ’ αὐτὸ πάσχειν ὀφείλει τοῖσ προειρημένοισ ὅ τ’ οὐραγὸσ καὶ [ὁ] τῆσ ἴλησ ἡγεμών, ἐὰν μὴ παραγγείλωσιν, ὁ μὲν τοῖσ ἐφόδοισ, ὁ δὲ τῷ τῆσ ἐχομένησ ἴλησ ἡγεμόνι, τὸ δέον ἐν τῷ καθήκοντι καιρῷ.

διόπερ οὕτωσ ἰσχυρᾶσ οὔσησ καὶ ἀπαραιτήτου τῆσ τιμωρίασ ἀδιάπτωτα γίνεται παρ’ αὐτοῖσ τὰ κατὰ τὰσ νυκτερινὰσ φυλακάσ.

Δεῖ δὲ προσέχειν τοὺσ μὲν στρατιώτασ τοῖσ χιλιάρχοισ, τούτουσ δ’ ἔτι τοῖσ ὑπάτοισ.

κύριοσ δ’ ἐστὶ καὶ ζημιῶν ὁ χιλίαρχοσ καὶ ἐνεχυράζων καὶ μαστιγῶν, τοὺσ δὲ συμμάχουσ οἱ πραίφεκτοι.

ξυλοκοπεῖται δὲ καὶ πᾶσ ὁ κλέψασ τι τῶν ἐκ τοῦ στρατοπέδου, καὶ μὴν ὁ μαρτυρήσασ ψευδῆ παραπλησίωσ, κἄν τισ τῶν ἐν ἀκμῇ παραχρησάμενοσ εὑρεθῇ τῷ σώματι, πρὸσ δὲ τούτοισ ὁ τρὶσ περὶ τῆσ αὐτῆσ αἰτίασ ζημιωθείσ.

ταῦτα μὲν οὖν ὡσ ἀδικήματα κολάζουσιν·

ὁμοίωσ ἄν τινεσ εἰσ ἐφεδρείαν ταχθέντεσ φόβου χάριν λίπωσι τὸν δοθέντα τόπον, παραπλησίωσ ἐάν τισ ἀπορρίψῃ τι τῶν ὅπλων κατ’ αὐτὸν τὸν κίνδυνον διὰ φόβον.

διὸ καί τινεσ μὲν ἐν ταῖσ ἐφεδρείαισ προδήλωσ ἀπόλλυνται, πολλαπλασίων αὐτοῖσ ἐπιγινομένων οὐ θέλοντεσ λιπεῖν τὴν τάξιν, δεδιότεσ τὴν οἰκείαν τιμωρίαν·

ἔνιοι δὲ κατ’ αὐτὸν τὸν κίνδυνον ἐκβαλόντεσ θυρεὸν ἢ μάχαιραν ἤ τι τῶν ἄλλων ὅπλων παραλόγωσ ῥίπτουσιν ἑαυτοὺσ εἰσ τοὺσ πολεμίουσ, ἢ κυριεύειν ἐλπίζοντεσ ὧν ἀπέβαλον ἢ παθόντεσ τι τὴν πρόδηλον αἰσχύνην διαφεύξεσθαι καὶ τὴν τῶν οἰκείων ὕβριν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 37

(폴리비오스, Histories, book 6, chapter 37)

상위

목록

SEARCH

MENU NAVIGATION