헬라어 문장 검색 - ΠολψβίΗιστορί06́036́

(폴리비오스, Histories, book 6, chapter 34)

Τῆσ δὲ ταφρείασ καὶ χαρακοποιίασ δύο μὲν ἐπιβάλλουσι πλευραὶ τοῖσ συμμάχοισ, παρ’ ἃσ καὶ στρατοπεδεύει τὸ κέρασ αὐτῶν ἑκάτερον, δύο δὲ τοῖσ Ῥωμαίοισ, ἑκατέρῳ τῷ στρατοπέδῳ μία. διαιρεθείσησ δὲ τῆσ πλευρᾶσ ἑκάστησ κατὰ σημαίαν, τὴν μὲν κατὰ μέροσ ἐπιμέλειαν οἱ ταξίαρχοι ποιοῦνται παρεστῶτεσ, τὴν δὲ καθόλου δοκιμασίαν τῆσ πλευρᾶσ δύο τῶν χιλιάρχων.

ὁμοίωσ δὲ καὶ τὴν λοιπὴν τὴν κατὰ τὸ στρατόπεδον ἐπιμέλειαν οὗτοι ποιοῦνται·

κατὰ δύο γὰρ σφᾶσ αὐτοὺσ διελόντεσ ἀνὰ μέροσ τῆσ ἑκμήνου τὴν δίμηνον ἄρχουσι, καὶ πάσησ οἱ λαχόντεσ τῆσ ἐν τοῖσ ὑπαίθροισ προί̈στανται χρείασ. ὁ δ’ αὐτὸσ τρόποσ τῆσ ἀρχῆσ ἐστι καὶ τῶν πραιφέκτων περὶ τοὺσ συμμάχουσ.

οἱ δ’ ἱππεῖσ καὶ ταξίαρχοι πάντεσ ἅμα τῷ φωτὶ παραγίνονται πρὸσ τὰσ τῶν χιλιάρχων σκηνάσ, οἱ δὲ χιλίαρχοι πρὸσ τὸν ὕπατον.

κἀκεῖνοσ μὲν τὸ κατεπεῖγον ἀεὶ παραγγέλλει τοῖσ χιλιάρχοισ, οἱ δὲ χιλίαρχοι τοῖσ ἱππεῦσι καὶ ταξιάρχοισ, οὗτοι δὲ τοῖσ πολλοῖσ, ὅταν ἑκάστων ὁ καιρὸσ ᾖ.

Τὴν δὲ τοῦ νυκτερινοῦ συνθήματοσ παράδοσιν ἀσφαλίζονται τὸν τρόπον τοῦτον.

καθ’ ἕκαστον γένοσ καὶ τῶν ἱππέων καὶ τῶν πεζῶν ἐκ τῆσ δεκάτησ σημαίασ καὶ τελευταίασ στρατοπεδευούσησ κατὰ τὰσ ῥύμασ, ἐκ τούτων εἷσ ἑκάστησ ἀνὴρ λαμβάνεται κατ’ ἐκλογήν, ὃσ τῶν μὲν κατὰ τὰσ φυλακὰσ λειτουργιῶν ἀπολύεται, παραγίνεται δὲ καθ’ ἡμέραν δύνοντοσ ἡλίου πρὸσ τὴν τοῦ χιλιάρχου σκηνήν, καὶ λαβὼν τὸ σύνθημα ‐ τοῦτο δ’ ἐστὶ πλατεῖον ἐπιγεγραμμένον ‐ ἀπαλλάττεται πάλιν.

ἀναχωρήσασ δ’ ἐπὶ τὴν αὑτοῦ σημαίαν τό τε ξυλήφιον παρέδωκε καὶ τὸ σύνθημα μετὰ μαρτύρων τῷ τῆσ ἐχομένησ σημαίασ ἡγεμόνι, παραπλησίωσ δὲ πάλιν οὗτοσ τῷ τῆσ ἐχομένησ.

τὸ δ’ ὅμοιον ἑξῆσ ποιοῦσι πάντεσ, ἑώσ ἂν ἐπὶ τὰσ πρώτασ καὶ σύνεγγυσ τοῖσ χιλιάρχοισ στρατοπεδευούσασ σημαίασ ἐξικνῆται.

τούτουσ δὲ δεῖ τὸ πλατεῖον ἔτι φωτὸσ ὄντοσ ἀναφέρειν πρὸσ τοὺσ χιλιάρχουσ. κἂν μὲν ἀνενεχθῇ πάντα τὰ δοθέντα, γινώσκει διότι δέδοται τὸ σύνθημα πᾶσι καὶ διὰ πάντων εἰσ αὐτὸν ἥκει·

ἐὰν δ’ ἐλλείπῃ τι, παρὰ πόδασ ζητεῖ τὸ γεγονόσ, εἰδὼσ ἐκ τῆσ ἐπιγραφῆσ ἐκ ποίου μέρουσ οὐχ ἥκει τὸ πλατεῖον.

οὗ δ’ ἂν εὑρεθῇ τὸ κώλυμα, τυγχάνει τῆσ καθηκούσησ ζημίασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 34

(폴리비오스, Histories, book 6, chapter 34)

상위

목록

SEARCH

MENU NAVIGATION