헬라어 문장 검색 - ΠολψβίΗιστορί06́033́

(폴리비오스, Histories, book 6, chapter 31)

Ὁ δ’ ὑπὸ τὰσ τῶν χιλιάρχων σκηνὰσ ὄπισθεν τόποσ ὑποπεπτωκώσ, ἐξ ἑκατέρου δὲ τοῦ μέρουσ τῆσ τοῦ στρατηγίου περιστάσεωσ παρακείμενοσ, ὁ μὲν εἰσ ἀγορὰν γίνεται τόποσ, ὁ δ’ ἕτεροσ τῷ τε ταμιείῳ καὶ ταῖσ ἅμα τούτῳ χορηγίαισ. ἀπὸ δὲ τῆσ ἐφ’ ἑκάτερα τελευταίασ τῶν χιλιάρχων σκηνῆσ κατόπιν οἱο͂ν ἐπικάμπιον ἔχοντεσ τάξιν πρὸσ τὰσ σκηνάσ, οἱ τῶν ἐπιλέκτων ἱππέων ἀπόλεκτοι καί τινεσ τῶν ἐθελοντὴν στρατευομένων τῇ τῶν ὑπάτων χάριτι, πάντεσ οὗτοι στρατοπεδεύουσι παρὰ τὰσ ἐκ τῶν πλαγίων τοῦ χάρακοσ ἐπιφανείασ, βλέποντεσ οἱ μὲν ἐπὶ τὰσ τοῦ ταμιείου παρασκευάσ, οἱ δ’ ἐκ θατέρου μέρουσ εἰσ τὴν ἀγοράν.

ὡσ δ’ ἐπὶ τὸ πολὺ συμβαίνει τούτοισ μὴ μόνον στρατοπεδεύειν σύνεγγυσ τῶν ὑπάτων, ἀλλὰ καὶ κατὰ τὰσ πορείασ καὶ κατὰ τὰσ ἄλλασ χρείασ περὶ τὸν ὕπατον καὶ τὸν ταμίαν ποιεῖσθαι τὴν ἐπιμέλειαν καὶ τὴν ὅλην διατριβήν.

ἀντίκεινται δὲ τούτοισ ἐπὶ τὸν χάρακα βλέποντεσ οἱ τὴν παραπλήσιον χρείαν παρεχόμενοι πεζοὶ τοῖσ προειρημένοισ ἱππεῦσιν.

ἑξῆσ δὲ τούτοισ δίοδοσ ἀπολείπεται πλάτοσ ποδῶν ἑκατόν, παράλληλοσ μὲν ταῖσ τῶν χιλιάρχων σκηναῖσ, ἐπὶ θάτερα δὲ τῆσ ἀγορᾶσ καὶ στρατηγίου καὶ ταμιείου παρατείνουσα παρὰ πάντα τὰ προειρημένα μέρη τοῦ χάρακοσ.

παρὰ δὲ τὴν ἀνωτέρω πλευρὰν ταύτησ οἱ τῶν συμμάχων ἱππεῖσ ἐπίλεκτοι στρατοπεδεύουσι, βλέποντεσ ἐπί τε τὴν ἀγορὰν ἅμα καὶ τὸ στρατήγιον καὶ τὸ ταμιεῖον.

κατὰ μέσην δὲ τὴν τούτων τῶν ἱππέων παρεμβολὴν καὶ κατ’ αὐτὴν τὴν τοῦ στρατηγίου περίστασιν δίοδοσ ἀπολείπεται πεντήκοντα ποδῶν, φέρουσα μὲν ἐπὶ τὴν ὄπισθε πλευρὰν τῆσ στρατοπεδείασ, τῇ δὲ τάξει πρὸσ ὀρθὰσ κειμένη τῇ προειρημένῃ πλατείᾳ.

τοῖσ δ’ ἱππεῦσι τούτοισ ἀντίτυποι τίθενται πάλιν οἱ τῶν συμμάχων ἐπίλεκτοι πεζοί, βλέποντεσ πρὸσ τὸν χάρακα καὶ τὴν ὄπισθεν ἐπιφάνειαν τῆσ ὅλησ στρατοπεδείασ.

τὸ δ’ ἀπολειπόμενον ἐξ ἑκατέρου τοῦ μέρουσ τούτων κένωμα παρὰ τὰσ ἐκ τῶν πλαγίων πλευρὰσ δίδοται τοῖσ ἀλλοφύλοισ καὶ τοῖσ ἐκ τοῦ καιροῦ προσγινομένοισ συμμάχοισ.

Τούτων δ’ οὕτωσ ἐχόντων τὸ μὲν σύμπαν σχῆμα γίνεται τῆσ στρατοπεδείασ τετράγωνον ἰσόπλευρον, τὰ δὲ κατὰ μέροσ ἤδη τῆσ τε ῥυμοτομίασ ἐν αὐτῇ καὶ τῆσ ἄλλησ οἰκονομίασ πόλει παραπλησίαν ἔχει τὴν διάθεσιν.

τὸν δὲ χάρακα τῶν σκηνῶν ἀφιστᾶσι κατὰ πάσασ τὰσ ἐπιφανείασ διακοσίουσ πόδασ.

τοῦτο δὲ τὸ κένωμα πολλὰσ καὶ δοκίμουσ αὐτοῖσ παρέχεται χρείασ. πρόσ τε γὰρ τὰσ εἰσαγωγὰσ καὶ τὰσ ἐξαγωγὰσ τῶν στρατοπέδων εὐφυῶσ ἔχει καὶ δεόντωσ ἕκαστοι γὰρ κατὰ τὰσ ἑαυτῶν ῥύμασ εἰσ τοῦτο τὸ κένωμα ποιοῦνται τὴν ἔξοδον, ἀλλ’ οὐκ εἰσ μίαν συμπίπτοντεσ ἀνατρέπουσι καὶ συμπατοῦσιν ἀλλήλουσ·

τάσ τε τῶν παρεισαγομένων θρεμμάτων καὶ τὰσ ἐκ τῶν πολεμίων λείασ εἰσ τοῦτο παράγοντεσ ἀσφαλῶσ τηροῦσι τὰσ νύκτασ.

τὸ δὲ μέγιστον, ἐν ταῖσ ἐπιθέσεσι ταῖσ νυκτεριναῖσ οὔτε πῦρ οὔτε βέλοσ ἐξικνεῖται πρὸσ αὐτοὺσ πλὴν τελείωσ ὀλίγων·

γίνεται δὲ καὶ ταῦτα σχεδὸν ἀβλαβῆ διά τε τὸ μέγεθοσ τῆσ ἀποστάσεωσ καὶ διὰ τὴν τῶν σκηνῶν περίστασιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 31

(폴리비오스, Histories, book 6, chapter 31)

상위

목록

SEARCH

MENU NAVIGATION