헬라어 문장 검색 - ΠολψβίΗιστορί06́029́

(폴리비오스, Histories, book 6, chapter 27)

Ἔστι δὴ τὸ γένοσ αὐτῶν τῆσ στρατοπεδείασ τοιόνδε. τοῦ κριθέντοσ αἰεὶ τόπου πρὸσ στρατοπεδείαν, τούτου τὸν ἐπιτηδειότατον εἰσ σύνοψιν ἅμα καὶ παραγγελίαν ἡ τοῦ στρατηγοῦ σκηνὴ καταλαμβάνει. οὗ μέλλουσι πηγνύναι ταύτην, ἀπομετρεῖται πέριξ τῆσ σημαίασ τετράγωνοσ τόποσ, ὥστε πάσασ τὰσ πλευρὰσ ἑκατὸν ἀπέχειν πόδασ τῆσ σημαίασ, τὸ δ’ ἐμβαδὸν γίνεσθαι τετράπλεθρον.

τούτου δὲ τοῦ σχήματοσ αἰεὶ παρὰ μίαν ἐπιφάνειαν καὶ πλευράν, ἥτισ ἂν ἐπιτηδειοτάτη φανῇ πρόσ τε τὰσ ὑδρείασ καὶ προνομάσ, παραβάλλεται τὰ Ῥωμαϊκὰ στρατόπεδα τὸν τρόπον τοῦτον.

ἓξ ὑπαρχόντων χιλιάρχων ἐν ἑκάστῳ στρατοπέδῳ κατὰ τὸν ἄρτι λόγον, δυεῖν δὲ στρατοπέδων ὄντων τῶν Ῥωμαϊκῶν ἀεὶ μεθ’ ἑκατέρου τῶν ὑπάτων, φανερὸν ὅτι δώδεκα χιλιάρχουσ ἀνάγκη συστρατεύειν ἑκατέρῳ τῶν ὑπάτων.

τιθέασι δὴ τὰσ τούτων σκηνὰσ ἐπὶ μίαν εὐθεῖαν ἁπάσασ, ἥτισ ἐστὶ παράλληλοσ τῇ τοῦ τετραγώνου προκριθείσῃ πλευρᾷ, πεντήκοντα δ’ ἀπέχει πόδασ ἀπ’ αὐτῆσ, ἵν’ ᾗ τοῖσ ἵπποισ, ἅμα δ’ ὑποζυγίοισ καὶ τῇ λοιπῇ τῶν χιλιάρχων ἀποσκευῇ τόποσ.

αἱ δὲ σκηναὶ τοῦ προειρημένου σχήματοσ εἰσ τοὔμπαλιν ἀπεστραμμέναι πήγνυνται πρὸσ τὴν ἐκτὸσ ἐπιφάνειαν, ἣ νοείσθω καὶ καλείσθω δὲ καθάπαξ ἡμῖν ἀεὶ τοῦ παντὸσ σχήματοσ κατὰ πρόσωπον.

ἀφεστᾶσι δ’ ἀλλήλων μὲν ἴσον αἱ τῶν χιλιάρχων σκηναί, τοσοῦτον δὲ τόπον ὥστε παρ’ ὅλον τὸ πλάτοσ ἀεὶ τῶν Ῥωμαϊκῶν στρατοπέδων παρήκειν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 27

(폴리비오스, Histories, book 6, chapter 27)

상위

목록

SEARCH

MENU NAVIGATION