헬라어 문장 검색 - ΠολψβίΗιστορί06́027́

(폴리비오스, Histories, book 6, chapter 25)

Παραπλησίωσ δὲ καὶ τοὺσ ἱππεῖσ εἰσ ἴλασ δέκα διεῖλον, ἐξ ἑκάστησ δὲ τρεῖσ προκρίνουσιν ἰλάρχασ, οὗτοι δ’ αὐτοὶ τρεῖσ προσέλαβον οὐραγούσ. ὁ μὲν οὖν πρῶτοσ αἱρεθεὶσ ἰλάρχησ ἡγεῖται τῆσ ἴλησ, οἱ δὲ δύο δεκαδάρχων ἔχουσι τάξιν, καλοῦνται δὲ πάντεσ δεκουρίωνεσ.

μὴ παρόντοσ δὲ τοῦ πρώτου πάλιν ὁ δεύτεροσ ἰλάρχου λαμβάνει τάξιν. ὁ δὲ καθοπλισμὸσ τῶν ἱππέων νῦν μέν ἐστι παραπλήσιοσ τῷ τῶν Ἑλλήνων·

ἀλλ’ ἐν περιζώμασιν ἐκινδύνευον, ἐξ οὗ πρὸσ μὲν τὸ καταβαίνειν καὶ ταχέωσ ἀναπηδᾶν ἐπὶ τοὺσ ἵππουσ ἑτοίμωσ διέκειντο καὶ πρακτικῶσ, πρὸσ δὲ τὰσ συμπλοκὰσ ἐπισφαλῶσ εἶχον διὰ τὸ γυμνοὶ κινδυνεύειν.

τὰ δὲ δόρατα κατὰ δύο τρόπουσ ἄπρακτ’ ἦν αὐτοῖσ, καθ’ ἃ μὲν ᾗ λεπτὰ καὶ κλαδαρὰ ποιοῦντεσ οὔτε τοῦ προτεθέντοσ ἠδύναντο σκοποῦ στοχάζεσθαι, πρὸ τοῦ τε τὴν ἐπιδορατίδα πρόσ τι προσερεῖσαι, κραδαινόμενα δι’ αὐτῆσ τῆσ τῶν ἵππων κινήσεωσ τὰ πλεῖστα συνετρίβετο·

πρὸσ δὲ τούτοισ ἄνευ σαυρωτήρων κατασκευάζοντεσ μιᾷ τῇ πρώτῃ διὰ τῆσ ἐπιδορατίδοσ ἐχρῶντο πληγῇ, μετὰ δὲ ταῦτα κλασθέντων λοιπὸν ἦν ἄπρακτ’ αὐτοῖσ καὶ μάταια.

τόν γε μὴν θυρεὸν εἶχον ἐκ βοείου δέρματοσ, τοῖσ ὀμφαλωτοῖσ ποπάνοισ παραπλήσιον τοῖσ ἐπὶ τὰσ θυσίασ ἐπιτιθεμένοισ· οἷσ οὔτε πρὸσ τὰσ ἐπιβολὰσ ἦν χρῆσθαι διὰ τὸ μὴ στάσιν ἔχειν, ὑπό τε τῶν ὄμβρων ἀποδερματούμενοι καὶ μυδῶντεσ δύσχρηστοι καὶ πρότερον ἦσαν καὶ νῦν ἔτι γίνονται παντελῶσ.

ἐν ᾗ τῶν μὲν δοράτων τὴν πρώτην εὐθέωσ τῆσ ἐπιδορατίδοσ πληγὴν εὔστοχον ἅμα καὶ πρακτικὴν γίνεσθαι συμβαίνει, διὰ τὴν κατασκευὴν ἀτρεμοῦσ καὶ στασίμου τοῦ δόρατοσ ὑπάρχοντοσ, ὁμοίωσ δὲ καὶ τὴν ἐκ μεταλήψεωσ τοῦ σαυρωτῆροσ χρείαν μόνιμον καὶ βίαιον.

ὁ δ’ αὐτὸσ λόγοσ καὶ περὶ τῶν θυρεῶν·

καὶ γὰρ πρὸσ τὰσ ἐπιβολὰσ καὶ πρὸσ τὰσ ἐπιθέσεισ ἑστηκυῖαν καὶ τεταγμένην ἔχουσι τὴν χρείαν. ἃ συνιδόντεσ ἐμιμήσαντο ταχέωσ·

ἀγαθοὶ γάρ, εἰ καί τινεσ ἕτεροι, μεταλαβεῖν ἔθη καὶ ζηλῶσαι τὸ βέλτιον καὶ Ῥωμαῖοι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 25

(폴리비오스, Histories, book 6, chapter 25)

상위

목록

SEARCH

MENU NAVIGATION