헬라어 문장 검색 - ΠολψβίΗιστορί06́026́

(폴리비오스, Histories, book 6, chapter 24)

Ἐξ ἑκάστου δὲ τῶν προειρημένων γενῶν πλὴν τῶν νεωτάτων ἐξέλεξαν ταξιάρχουσ ἀριστίνδην δέκα. μετὰ δὲ τούτουσ ἑτέραν ἐκλογὴν ἄλλων δέκα ποιοῦνται. καὶ τούτουσ μὲν ἅπαντασ προσηγόρευσαν ταξιάρχουσ, ὧν ὁ πρῶτοσ αἱρεθεὶσ καὶ συνεδρίου κοινωνεῖ·

προσεκλέγονται δ’ οὗτοι πάλιν αὐτοὶ τοὺσ ἴσουσ οὐραγούσ. ἑξῆσ δὲ τούτοισ μετὰ τῶν ταξιάρχων διεῖλον τὰσ ἡλικίασ, ἑκάστην εἰσ δέκα μέρη, πλὴν τῶν γροσφομάχων·

καὶ προσένειμαν ἑκάστῳ μέρει τῶν ἐκλεχθέντων ἀνδρῶν δύ’ ἡγεμόνασ καὶ δύ’ οὐραγούσ. τῶν δὲ γροσφομάχων τοὺσ ἐπιβάλλοντασ κατὰ τὸ πλῆθοσ ἴσουσ ἐπὶ πάντα τὰ μέρη διένειμαν.

καὶ τὸ μὲν μέροσ ἕκαστον ἐκάλεσαν καὶ τάγμα καὶ σπεῖραν καὶ σημαίαν, τοὺσ δ’ ἡγεμόνασ κεντυρίωνασ καὶ ταξιάρχουσ.

οὗτοι δὲ καθ’ ἑκάστην σπεῖραν ἐκ τῶν καταλειπομένων ἐξέλεξαν αὐτοὶ δύο τοὺσ ἀκμαιοτάτουσ καὶ γενναιοτάτουσ ἄνδρασ σημαιαφόρουσ.

δύο δὲ καθ’ ἕκαστον τάγμα ποιοῦσιν ἡγεμόνασ εἰκότωσ·

ἀδήλου γὰρ ὄντοσ καὶ τοῦ ποιῆσαι καὶ τοῦ παθεῖν τι τὸν ἡγεμόνα, τῆσ πολεμικῆσ χρείασ οὐκ ἐπιδεχομένησ πρόφασιν, οὐδέποτε βούλονται τὴν σπεῖραν χωρὶσ ἡγεμόνοσ εἶναι καὶ προστάτου. παρόντων μὲν οὖν ἀμφοτέρων ὁ μὲν πρῶτοσ αἱρεθεὶσ ἡγεῖται τοῦ δεξιοῦ μέρουσ τῆσ σπείρασ, ὁ δὲ δεύτεροσ τῶν εὐωνύμων ἀνδρῶν τῆσ σημαίασ ἔχει τὴν ἡγεμονίαν·

μὴ παρόντων δ’ ὁ καταλειπόμενοσ ἡγεῖται πάντων. βούλονται δ’ εἶναι τοὺσ ταξιάρχουσ οὐχ οὕτωσ θρασεῖσ καὶ φιλοκινδύνουσ ὡσ ἡγεμονικοὺσ καὶ στασίμουσ καὶ βαθεῖσ μᾶλλον ταῖσ ψυχαῖσ, οὐδ’ ἐξ ἀκεραίου προσπίπτειν ἢ κατάρχεσθαι τῆσ μάχησ, ἐπικρατουμένουσ δὲ καὶ πιεζομένουσ ὑπομένειν καὶ ἀποθνήσκειν ὑπὲρ τῆσ χώρασ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 24

(폴리비오스, Histories, book 6, chapter 24)

상위

목록

SEARCH

MENU NAVIGATION