호흡부호 보기
강세부호 보기
장단부호 보기
작은 Iota 보기
모든 부호 보기
Ἐπειδὰν ἀποδείξωσι τοὺσ ὑπάτουσ, μετὰ ταῦτα χιλιάρχουσ καθιστᾶσι, τετταρασκαίδεκα μὲν ἐκ τῶν πέντ’ ἐνιαυσίουσ ἐχόντων ἤδη στρατείασ, δέκα δ’ ἄλλουσ σὺν τούτοισ ἐκ τῶν δέκα. τῶν λοιπῶν τοὺσ μὲν ἱππεῖσ δέκα, τοὺσ δὲ πεζοὺσ ἓξ καὶ δέκα δεῖ στρατείασ τελεῖν κατ’ ἀνάγκην ἐν τοῖσ τετταράκοντα καὶ ἓξ ἔτεσιν ἀπὸ γενεᾶσ πλὴν τῶν ὑπὸ τὰσ τετρακοσίασ δραχμὰσ τετιμημένων·
τούτουσ δὲ παριᾶσι πάντασ εἰσ τὴν ναυτικὴν χρείαν.
ἐὰν δέ ποτε κατεπείγῃ τὰ τῆσ περιστάσεωσ, ὀφείλουσιν οἱ πεζοὶ στρατεύειν εἴκοσι στρατείασ ἐνιαυσίουσ. πολιτικὴν δὲ λαβεῖν ἀρχὴν οὐκ ἔξεστιν οὐδενὶ πρότερον, ἐὰν μὴ δέκα στρατείασ ἐνιαυσίουσ ᾖ τετελεκώσ.
ἐὰν δὲ μέλλωσι ποιεῖσθαι τὴν καταγραφὴν τῶν στρατιωτῶν οἱ τὰσ ὑπάτουσ ἔχοντεσ ἀρχάσ, προλέγουσιν ἐν τῷ δήμῳ τὴν ἡμέραν, ἐν ᾗ δεήσει παραγενέσθαι τοὺσ ἐν ταῖσ ἡλικίαισ Ῥωμαίουσ ἅπαντασ.
ποιοῦσι δὲ τοῦτο καθ’ ἕκαστον ἐνιαυτόν. καθάπερ ἂν ὑπὸ τοῦ δήμου κατασταθῶσιν ἢ τῶν στρατηγῶν, εἰσ τέτταρα μέρη διὰ τὸ τέτταρα παρ’ αὐτοῖσ στρατόπεδα τὴν ὁλοσχερῆ καὶ πρώτην διαίρεσιν τῶν δυνάμεων ποιεῖσθαι.
καὶ τοὺσ μὲν πρώτουσ κατασταθέντασ τέτταρασ εἰσ τὸ πρῶτον καλούμενον στρατόπεδον ἔνειμαν, τοὺσ δ’ ἑξῆσ τρεῖσ εἰσ τὸ δεύτερον, τοὺσ δ’ ἑπομένουσ τούτοισ τέτταρασ εἰσ τὸ τρίτον, τρεῖσ δὲ τοὺσ τελευταίουσ εἰσ τὸ τέταρτον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기