헬라어 문장 검색 - ΠολψβίΗιστορί06́015́

(폴리비오스, Histories, book 6, chapter 13)

Καὶ μὴν ἡ σύγκλητοσ πρῶτον μὲν ἔχει τὴν τοῦ ταμιείου κυρίαν. καὶ γὰρ τῆσ εἰσόδου πάσησ αὕτη κρατεῖ καὶ τῆσ ἐξόδου παραπλησίωσ. οὔτε γὰρ εἰσ τὰσ κατὰ μέροσ χρείασ οὐδεμίαν ποιεῖν ἔξοδον οἱ ταμίαι δύνανται χωρὶσ τῶν τῆσ συγκλήτου δογμάτων πλὴν τὴν εἰσ τοὺσ ὑπάτουσ·

τῆσ τε παρὰ πολὺ τῶν ἄλλων ὁλοσχερεστάτησ καὶ μεγίστησ δαπάνησ, ἣν οἱ τιμηταὶ ποιοῦσιν εἰσ τὰσ ἐπισκευὰσ καὶ κατασκευὰσ τῶν δημοσίων κατὰ πενταετηρίδα, ταύτησ ἡ σύγκλητόσ ἐστι κυρία, καὶ διὰ ταύτησ γίνεται τὸ συγχώρημα τοῖσ τιμηταῖσ.

ὁμοίωσ ὅσα τῶν ἀδικημάτων τῶν κατ’ Ἰταλίαν προσδεῖται δημοσίασ ἐπισκέψεωσ, λέγω δ’ οἱο͂ν προδοσίασ, συνωμοσίασ, φαρμακείασ, δολοφονίασ, τῇ συγκλήτῳ μέλει περὶ τούτων.

εἴ τισ ἰδιώτησ ἢ πόλισ τῶν κατὰ τὴν Ἰταλίαν διαλύσεωσ ἢ καὶ νὴ Δί’ ἐπιτιμήσεωσ ἢ βοηθείασ ἢ φυλακῆσ προσδεῖται, τούτων πάντων ἐπιμελέσ ἐστι τῇ συγκλήτῳ.

καὶ μὴν εἰ τῶν ἐκτὸσ Ἰταλίασ πρόσ τινασ ἐξαποστέλλειν δέοι πρεσβείαν τιν’ ἢ διαλύσουσάν τινασ ἢ παρακαλέσουσαν ἢ καὶ νὴ Δί’ ἐπιτάξουσαν ἢ παραληψομένην ἢ πόλεμον ἐπαγγέλλουσαν.

αὕτη ποιεῖται τὴν πρόνοιαν. ὁμοίωσ δὲ καὶ τῶν παραγενομένων εἰσ Ῥώμην πρεσβειῶν ὡσ δέον ἐστὶν ἑκάστοισ χρῆσθαι καὶ ὡσ δέον ἀποκριθῆναι, πάντα ταῦτα χειρίζεται διὰ τῆσ συγκλήτου.

πρὸσ δὲ τὸν δῆμον καθάπαξ οὐδέν ἐστι τῶν προειρημένων. ἐξ ὧν πάλιν ὁπότε τισ ἐπιδημήσαι μὴ παρόντοσ ὑπάτου, τελείωσ ἀριστοκρατικὴ φαίνεθ’ ἡ πολιτεία.

ὃ δὴ καὶ πολλοὶ τῶν Ἑλλήνων, ὁμοίωσ δὲ καὶ τῶν βασιλέων, πεπεισμένοι τυγχάνουσι, διὰ τὸ τὰ σφῶν πράγματα σχεδὸν πάντα τὴν σύγκλητον κυροῦν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 6, chapter 13

(폴리비오스, Histories, book 6, chapter 13)

상위

목록

SEARCH

MENU NAVIGATION