호흡부호 보기
강세부호 보기
장단부호 보기
작은 Iota 보기
모든 부호 보기
παρὰ τούτῳ κρυπτόμενοσ ἡμέρασ ὀλίγασ διέτριψεν· εἶτα μετὰ τὸ δεῖπνον ἐκ θυσίασ τινοσ Ὄλβιοσ ὁ τῶν τέκνων τοῦ Νικογένουσ παιδαγωγὸσ ἔκφρων γενόμενοσ καὶ θεοφόρητοσ ἀνεφώνησεν ἐν μέτρῳ ταυτί· νυκτὶ φωνήν, νυκτὶ βουλήν, νυκτὶ τὴν νίκην δίδου. Καὶ μετὰ ταῦτα κοιμηθεὶσ ὁ Θεμιστοκλῆσ ὄναρ ἔδοξεν ἰδεῖν δράκοντα κατὰ τῆσ γαστρὸσ αὐτοῦ περιελιττόμενον καὶ προσανέρποντα τῷ τραχήλῳ· γενόμενον δ’ ἀετόν, ὡσ ἥψατο τοῦ προσώπου, περιβαλόντα τὰσ πτέρυγασ ἐξᾶραι καὶ κομίζειν πολλὴν ὁδόν, εἶτα χρυσοῦ τινὸσ κηρυκείου φανέντοσ, ἐπὶ τούτου στῆσαι βεβαίωσ αὐτὸν ἀμηχάνου δείματοσ καὶ ταραχῆσ ἀπαλλαγέντα.

이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기