헬라어 문장 검색 - Πλυταρ́Τηεμιστ́24́

(플루타르코스, Θεμιστοκλῆς, chapter 24)

προαισθόμενοσ δ’ ἐκεῖνοσ εἰσ Κέρκυραν διεπέρασεν, οὔσησ αὐτῷ πρὸσ τὴν πόλιν εὐεργεσίασ. γενόμενοσ γὰρ αὐτῶν κριτὴσ πρὸσ Κορινθίουσ ἐχόντων διαφοράν, ἔλυσε τὴν ἔχθραν εἴκοσι τάλαντα κρίνασ τοὺσ Κορινθίουσ καταβαλεῖν καὶ Λευκάδα κοινῇ νέμειν ἀμφοτέρων ἄποικον. ἐκεῖθεν δ’ εἰσ Ἤπειρον ἔφυγε· καὶ διωκόμενοσ ὑπὸ τῶν Ἀθηναίων καὶ τῶν Λακεδαιμονίων ἔρριψεν αὑτὸν εἰσ ἐλπίδασ χαλεπὰσ καὶ ἀπόρουσ καταφυγὼν πρὸσ Ἄδμητον, ὃσ βασιλεὺσ μὲν ἦν Μολοττῶν, δεηθεὶσ δέ τι τῶν Ἀθηναίων καὶ προπηλακισθεὶσ ὑπὸ τοῦ Θεμιστοκλέουσ, ὅτ’ ἤκμαζεν ἐν τῇ πολιτείᾳ, δι’ ὀργῆσ εἶχεν αὐτὸν ἀεὶ καὶ δῆλοσ ἦν, εἰ λάβοι, τιμωρησόμενοσ. ἐν δὲ τῇ τότε τύχῃ μᾶλλον ὁ Θεμιστοκλῆσ φοβηθεὶσ συγγενῆ καὶ πρόσφατον φθόνον ὀργῆσ παλαιᾶσ καὶ βασιλικῆσ, ταύτῃ φέρων ὑπέθηκεν ἑαυτόν, ἱκέτησ τοῦ Ἀδμήτου καταστὰσ ἴδιόν τινα καὶ παρηλλαγμένον τρόπον.

ἔχων γὰρ αὐτοῦ τὸν υἱὸν ὄντα παῖδα πρὸσ τὴν ἑστίαν προσέπεσε, ταύτην μεγίστην καὶ μόνην σχεδὸν ἀναντίρρητον ἡγουμένων ἱκεσίαν τῶν Μολοσσῶν.

ἔνιοι μὲν οὖν Φθίαν τὴν γυναῖκα τοῦ βασιλέωσ λέγουσιν ὑποθέσθαι τῷ Θεμιστοκλεῖ τὸ ἱκέτευμα τοῦτο καὶ τὸν υἱὸν ἐπὶ τὴν ἑστίαν καθίσαι μετ’ αὐτοῦ· τινὲσ δ’ αὐτὸν τὸν Ἄδμητον, ὡσ ἀφοσιώσαιτο πρὸσ τοὺσ διώκοντασ τὴν ἀνάγκην, δι’ ἣν οὐκ ἐκδίδωσι τὸν ἄνδρα, διαθεῖναι καὶ συντραγῳδῆσαι τὴν ἱκεσίαν. ἐκεῖ δ’ αὐτῷ τὴν γυναῖκα καὶ τοὺσ παῖδασ ἐκκλέψασ ἐκ τῶν Ἀθηνῶν Ἐπικράτησ ὁ Ἀχαρνεὺσ ἀπέστειλεν·

ὃν ἐπὶ τούτῳ Κίμων ὕστερον κρίνασ ἐθανάτωσεν, ὡσ ἱστορεῖ Στησίμβροτοσ. εἶτ’ οὐκ οἶδ’ ὅπωσ ἐπιλαθόμενοσ τούτων ἢ τὸν Θεμιστοκλέα ποιῶν ἐπιλαθόμενον πλεῦσαί φησιν εἰσ Σικελίαν καὶ παρ’ Ιἕρωνοσ αἰτεῖν τοῦ τυράννου τὴν θυγατέρα πρὸσ γάμον, ὑπισχνούμενον αὐτῷ τοὺσ Ἕλληνασ ὑπηκόουσ ποιήσειν· ἀποτριψαμένου δὲ τοῦ Ιἕρωνοσ, οὕτωσ εἰσ τὴν Ἀσίαν ἀπᾶραι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 24

(플루타르코스, Θεμιστοκλῆς, chapter 24)

상위

목록

SEARCH

MENU NAVIGATION