헬라어 문장 검색 - Πλυταρ́Τηεμιστ́13́

(플루타르코스, Θεμιστοκλῆς, chapter 13)

ἅμα δ’ ἡμέρᾳ Ξέρξησ μὲν ἄνω καθῆστο τὸν στόλον ἐποπτεύων καὶ τὴν παράταξιν, ὡσ μὲν Φανόδημόσ φησιν, ὑπὲρ τὸ Ἡράκλειον, ᾗ βραχεῖ πόρῳ διείργεται τῆσ Ἀττικῆσ ἡ νῆσοσ, ὡσ δ’ Ἀκεστόδωροσ, ἐν μεθορίῳ τῆσ Μεγαρίδοσ ὑπὲρ τῶν καλουμένων Κεράτων, χρυσοῦν δίφρον θέμενοσ καὶ γραμματεῖσ πολλοὺσ παραστησάμενοσ, ὧν ἔργον ἦν ἀπογράφεσθαι τὰ κατὰ τὴν μάχην πραττόμενα. Θεμιστοκλεῖ δὲ παρὰ τὴν ναυαρχίδα τριήρη σφαγιαζομένῳ τρεῖσ προσήχθησαν αἰχμάλωτοι, κάλλιστοι μὲν ἰδέσθαι τὴν ὄψιν, ἐσθῆσι δὲ καὶ χρυσῷ κεκοσμημένοι διαπρεπῶσ.

ἐλέγοντο δὲ Σανδαύκησ παῖδεσ εἶναι τῆσ βασιλέωσ ἀδελφῆσ καὶ Ἀρταύ̈κτου. τούτουσ ἰδὼν Εὐφραντίδησ ὁ μάντισ, ὡσ ἅμα μὲν ἀνέλαμψεν ἐκ τῶν ἱερῶν μέγα καὶ περιφανὲσ πῦρ, ἅμα δὲ πταρμὸσ ἐκ δεξιῶν ἐσήμηνε, τὸν Θεμιστοκλέα δεξιωσάμενοσ ἐκέλευσε τῶν νεανίσκων κατάρξασθαι καὶ καθιερεῦσαι πάντασ ὠμηστῇ Διονύσῳ προσευξάμενον· οὕτω γὰρ ἅμα σωτηρίαν τε καὶ νίκην ἔσεσθαι τοῖσ Ἕλλησιν. ἐκπλαγέντοσ δὲ τοῦ Θεμιστοκλέουσ ὡσ μέγα τὸ μάντευμα καὶ δεινόν, οἱο͂ν εἰώθεν ἐν μεγάλοισ ἀγῶσι καὶ πράγμασι χαλεποῖσ, μᾶλλον ἐκ τῶν παραλόγων ἤ τῶν εὐλόγων τὴν σωτηρίαν ἐλπίζοντεσ οἱ πολλοὶ τὸν θεὸν ἅμα κοινῇ κατεκαλοῦντο φωνῇ καὶ τοὺσ αἰχμαλώτουσ τῷ βωμῷ προσαγαγόντεσ ἠνάγκασαν, ὡσ ὁ μάντισ ἐκέλευσε, τὴν θυσίαν συντελεσθῆναι.

ταῦτα μὲν οὖν ἀνὴρ φιλόσοφοσ καὶ γραμμάτων οὐκ ἄπειροσ ἱστορικῶν Φανίασ ὁ Λέσβιοσ εἴρηκε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 13

(플루타르코스, Θεμιστοκλῆς, chapter 13)

상위

목록

SEARCH

MENU NAVIGATION