헬라어 문장 검색 - Πλυταρ́Τηεμιστ́12́

(플루타르코스, Θεμιστοκλῆς, chapter 12)

λέγεται δ’ ὑπό τινων τὸν μὲν Θεμιστοκλέα περὶ τούτων ἀπὸ τοῦ καταστρώματοσ ἄνωθεν τῆσ νεὼσ διαλέγεσθαι, γλαῦκα δ’ ὀφθῆναι διαπετομένην ἀπὸ δεξιᾶσ τῶν νεῶν καὶ τοῖσ καρχησίοισ ἐπικαθίζουσαν· διὸ δὴ καὶ μάλιστα προσέθεντο τῇ γνώμῃ καὶ παρεσκευάζοντο ναυμαχήσοντεσ. ἀλλ’ ἐπεὶ τῶν πολεμίων ὅ τε στόλοσ τῇ Ἀττικῇ κατὰ τὸ Φαληρικὸν προσφερόμενοσ τοὺσ πέριξ ἀπέκρυψεν αἰγιαλούσ, αὐτόσ τε βασιλεὺσ μετὰ τοῦ πεζοῦ στρατοῦ καταβὰσ ἐπὶ τὴν θάλατταν ἅθρουσ ὤφθη, τῶν δὲ δυνάμεων ὁμοῦ γενομένων, ἐξερρύησαν οἱ τοῦ Θεμιστοκλέουσ λόγοι τῶν Ἑλλήνων καὶ πάλιν ἐπάπταινον οἱ Πελοποννήσιοι πρὸσ τὸν Ἰσθμόν, εἴ τισ ἄλλο τι λέγοι χαλεπαίνοντεσ, ἐδόκει δὲ τῆσ νυκτὸσ ἀποχωρεῖν καὶ παρηγγέλλετο πλοῦσ τοῖσ κυβερνήταισ, ἔνθα δὴ βαρέωσ φέρων ὁ Θεμιστοκλῆσ, εἰ τὴν ἀπὸ τοῦ τόπου καὶ τῶν στενῶν προέμενοι βοήθειαν οἱ Ἕλληνεσ διαλυθήσονται κατὰ πόλεισ, ἐβουλεύετο καὶ συνετίθει τὴν περὶ τὸν Σίκιννον πραγματείαν.

ἦν δὲ τῷ μὲν γένει Πέρσησ ὁ Σίκιννοσ, αἰχμάλωτοσ, εὔνουσ δὲ τῷ Θεμιστοκλεῖ καὶ τῶν τέκνων αὐτοῦ παιδαγωγόσ.

ὃν ἐκπέμπει πρὸσ τὸν Ξέρξην κρύφα, κελεύσασ λέγειν, ὅτι Θεμιστοκλῆσ ὁ τῶν Ἀθηναίων στρατηγὸσ αἱρούμενοσ τὰ βασιλέωσ ἐξαγγέλλει πρῶτοσ αὐτῷ τοὺσ Ἕλληνασ ἀποδιδράσκοντασ, καὶ διακελεύεται μὴ παρεῖναι φυγεῖν αὐτοῖσ, ἀλλ’ ἐν ᾧ ταράττονται τῶν πεζῶν χωρὶσ ὄντεσ ἐπιθέσθαι καὶ διαφθεῖραι τὴν ναυτικὴν δύναμιν.

ταῦτα δ’ ὁ Ξέρξησ ὡσ ἀπ’ εὐνοίασ λελεγμένα δεξάμενοσ ἥσθη, καὶ τέλοσ εὐθὺσ ἐξέφερε πρὸσ τοὺσ ἡγεμόνασ τῶν νεῶν, τὰσ μὲν ἄλλασ πληροῦν καθ’ ἡσυχίαν, διακοσίαισ δ’ ἀναχθέντασ ἤδη περιβαλέσθαι τὸν πόρον ἐν κύκλῳ πάντα καὶ διαζῶσαι τὰσ νήσουσ, ὅπωσ ἐκφύγοι μηδεὶσ τῶν πολεμίων.

τούτων δὲ πραττομένων Ἀριστείδησ ὁ Λυσιμάχου πρῶτοσ αἰσθόμενοσ ἧκεν ἐπὶ τὴν σκηνὴν τοῦ Θεμιστοκλέουσ, οὐκ ὢν φίλοσ, ἀλλὰ καὶ δι’ ἐκεῖνον ἐξωστρακισμένοσ, ὥσπερ εἴρηται·

προελθόντι δὲ τῷ Θεμιστοκλεῖ φράζει τὴν κύκλωσιν. ὁ δὲ τήν τε ἄλλην καλοκαγαθίαν τοῦ ἀνδρὸσ εἰδὼσ καὶ τῆσ τότε παρουσίασ ἀγάμενοσ λέγει τὰ περὶ τὸν Σίκιννον αὐτῷ καὶ παρεκάλει τῶν Ἑλλήνων συνεπιλαμβάνεσθαι καὶ συμπροθυμεῖσθαι πίστιν ἔχοντα μᾶλλον, ὅπωσ ἐν τοῖσ στενοῖσ ναυμαχήσωσιν. ὁ μὲν οὖν Ἀριστείδησ ἐπαινέσασ τὸν Θεμιστοκλέα τοὺσ ἄλλουσ ἐπῄει στρατηγοὺσ καὶ τριηράρχουσ ἐπὶ τὴν μάχην παροξύνων.

ἔτι δ’ ὅμωσ ἀπιστούντων ἐφάνη Τηνία τριήρησ αὐτόμολοσ, ἧσ ἐναυάρχει Παναίτιοσ, ἀπαγγέλλουσα τὴν κύκλωσιν, ὥστε καὶ θυμῷ τοὺσ Ἕλληνασ ὁρμῆσαι μετὰ τῆσ ἀνάγκησ πρὸσ τὸν κίνδυνον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 12

(플루타르코스, Θεμιστοκλῆς, chapter 12)

상위

목록

SEARCH

MENU NAVIGATION