헬라어 문장 검색 - Πλυταρ́Τηεμιστ́08́

(플루타르코스, Θεμιστοκλῆς, chapter 8)

αἱ δὲ γενόμεναι τότε πρὸσ τὰσ τῶν βαρβάρων ναῦσ περὶ τὰ στενὰ μάχαι κρίσιν μὲν εἰσ τὰ ὅλα μεγάλην οὐκ ἐποίησαν, τῇ δὲ πείρᾳ μέγιστα τοὺσ Ἕλληνασ ὤνησαν, ὑπὸ τῶν ἔργων παρὰ τοὺσ κινδύνουσ διδαχθέντασ, ὡσ οὔτε πλήθη νεῶν οὔτε κόσμοι καὶ λαμπρότητεσ ἐπισήμων οὔτε κραυγαὶ κομπώδεισ ἢ βάρβαροι παιᾶνεσ ἔχουσι τι δεινὸν ἀνδράσιν ἐπισταμένοισ εἰσ χεῖρασ ἰέναι καὶ μάχεσθαι τολμῶσιν, ἀλλὰ δεῖ τῶν τοιούτων καταφρονοῦντασ ἐπ’ αὐτὰ τὰ σώματα φέρεσθαι καὶ πρὸσ ἐκεῖνα διαγωνίζεσθαι συμπλακέντασ. ὃ δὴ καὶ Πίνδαροσ οὐ κακῶσ ἐοίκε συνιδὼν ἐπὶ τῆσ ἐν Ἀρτεμισίῳ μάχησ εἰπεῖν·

ὅθι παῖδεσ Ἀθαναίων ἐβάλοντο φαεννὰν κρηπῖδ’ ἐλευθερίασ· ἀρχὴ γὰρ ὄντωσ τοῦ νικᾶν τὸ θαρρεῖν. ἔστι δὲ τῆσ Εὐβοίασ τὸ Ἀρτεμίσιον ὑπὲρ τὴν Ἑστίαιαν αἰγιαλὸσ εἰσ βορέαν ἀναπεπταμένοσ, ἀντιτείνει δ’ αὐτῷ μάλιστα τῆσ ὑπὸ Φιλοκτήτῃ γενομένησ χώρασ Ὀλιζών. ἔχει δὲ ναὸν οὐ μέγαν Ἀρτέμιδοσ ἐπίκλησιν Προσηῴασ, καὶ δένδρα περὶ αὐτῷ πέφυκε καὶ στῆλαι κύκλῳ λίθου λευκοῦ πεπήγασιν· ὁ δὲ λίθοσ τῇ χειρὶ τριβόμενοσ καὶ χρόαν καὶ ὀσμὴν κροκίζουσαν ἀναδίδωσιν. ἐν μιᾷ δὲ τῶν στηλῶν ἐλεγεῖον ἦν τόδε γεγραμμένον·

παντοδαπῶν ἀνδρῶν γενεὰσ Ἀσίασ ἀπὸ χώρασ παῖδεσ Ἀθηναίων τῷδέ ποτ’ ἐν πελάγει ναυμαχίῃ δαμάσαντεσ, ἐπεὶ στρατὸσ ὤλετο Μήδων, σήματα ταῦτ’ ἔθεσαν παρθένῳ Ἀρτέμιδι. δείκνυται δὲ τῆσ ἀκτῆσ τόποσ ἐν πολλῇ τῇ πέριξ θινὶ κόνιν τεφρώδη καὶ μέλαιναν ἐκ βάθουσ ἀναδιδούσ, ὥσπερ πυρίκαυστον, ἐν ᾧ τὰ ναυάγια καὶ νεκροὺσ καῦσαι δοκοῦσι.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Θεμιστοκλῆς, chapter 8

(플루타르코스, Θεμιστοκλῆς, chapter 8)

상위

목록

SEARCH

MENU NAVIGATION