헬라어 문장 검색 - Παυσαν́Δεσξριπ́5́27́

(파우사니아스, Description of Greece, Ἠλιακῶν Α, chapter 27)

τούτων δὲ ἀντικρὺ τῶν κατειλεγμένων ἔστιν ἄλλα ἀναθήματα ἐπὶ στοίχου, τετραμμένα μὲν πρὸσ μεσημβρίαν, τοῦ τεμένουσ δὲ ἐγγύτατα ὃ τῷ Πέλοπι ἀνεῖται. ἐν δὲ αὐτοῖσ καὶ τὰ ἀνατεθέντα ἐστὶν ὑπὸ τοῦ Μαιναλίου Φόρμιδοσ, ὃσ ἐκ Μαινάλου διαβὰσ ἐσ Σικελίαν παρὰ Γέλωνα τὸν Δεινομένουσ καὶ ἐκείνῳ τε αὐτῷ καὶ Ιἕρωνι ὕστερον ἀδελφῷ τοῦ Γέλωνοσ ἐσ τὰσ στρατείασ ἀποδεικνύμενοσ λαμπρὰ ἔργα ἐσ τοσοῦτο προῆλθεν εὐδαιμονίασ, ὡσ ἀναθεῖναι μὲν ταῦτα ἐσ Ὀλυμπίαν, ἀναθεῖναι δὲ καὶ τῷ Ἀπόλλωνι δὲ ἄλλα ἐσ Δελφούσ. τὰ δὲ ἐσ Ὀλυμπίαν δύο τέ εἰσιν ἵπποι καὶ ἡνίοχοι δύο, ἑκατέρῳ τῶν ἵππων παρεστὼσ ἀνὴρ ἡνίοχοσ·

ὁ μὲν δὴ πρότεροσ τῶν ἵππων καὶ ὁ ἀνὴρ Διονυσίου τοῦ Ἀργείου, τὰ δεύτερα δὲ ἔργα ἐστὶν Αἰγινήτου Σίμωνοσ.

τῷ προτέρῳ δὲ τῶν ἵππων ἐπίγραμμα ἔπεστιν ἐπὶ τῇ πλευρᾷ, τὰ πρῶτα οὐ σὺν μέτρῳ· λέγει γὰρ δὴ οὕτω· Φόρμισ ἀνέθηκενἈρκὰσ Μαινάλιοσ, νῦν δὲ Συρακόσιοσ. οὗτόσ ἐστιν ὁ ἵπποσ ὅτῳ καὶ τὸ ἱππομανὲσ λόγῳ τῷ Ἠλείων ἔγκειται·

δῆλα δὲ καὶ ἄλλωσ ἐστὶν ἀνδρὸσ μάγου σοφίᾳ γενέσθαι <τὰ> συμβαίνοντα τῷ ἵππῳ. μέγεθοσ μὲν ἢ εἶδοσ ἵππων ἀποδεῖ πολλῷ, ὅσοι τῆσ Ἄλτεωσ ἐντὸσ ἑστήκασι, πρὸσ δὲ ἀποκέκοπταί τε τὴν οὐρὰν καὶ ἔστιν ἐπὶ τῷ τοιῷδε ἔτι αἰσχίων· οἱ δὲ ἵπποι οἱ ἄρσενεσ οὔτι που τοῦ ἦροσ μόνον ἀλλὰ καὶ ἀνὰ πᾶσαν ἐπ’ αὐτὸν ὀργῶσιν ἡμέραν. καὶ γὰρ ἐσθέουσιν ἐσ τὴν Ἄλτιν ἀπορρηγνύοντεσ <τὰ> δεσμὰ ἢ καὶ ἐκφεύγοντεσ τοὺσ ἄγοντασ καὶ ἐπιπηδῶσιν αὐτῷ πολλῷ δή τι ἐμμανέστερον ἢ ἐπὶ τὴν καλλίστην ἵππον ζῶσάν τε καὶ ἠθάδα ἀναβαίνεσθαι·

ἀπολισθάνουσί τε δὴ αὐτοῖσ αἱ ὁπλαὶ καὶ ὅμωσ οὐκ ἀπαγορεύουσι χρεμετίζοντέσ τε μᾶλλον καὶ ἐπιπηδῶντεσ μετὰ βιαιοτέρασ τῆσ ὁρμῆσ, πρὶν ἂν ὑπὸ μαστίγων καὶ ἀνάγκησ ἰσχυρᾶσ ἀφελκυσθῶσι· πρότερον δὲ οὐκ ἔστιν ἀπαλλαγή σφισιν οὐδεμία ἀπὸ τοῦ χαλκοῦ. καὶ ἄλλο ἐν Λυδίᾳ θεασάμενοσ οἶδα διάφορον μὲν θαῦμα ἢ κατὰ τὸν ἵππον τὸν Φόρμιδοσ, μάγων μέντοι σοφίασ οὐδὲ αὐτὸ ἀπηλλαγμένον.

ἔστι γὰρ Λυδοῖσ ἐπίκλησιν Περσικοῖσ ἱερὰ ἔν τε Ιἑροκαισαρείᾳ καλουμένῃ πόλει καὶ ἐν Ὑπαίποισ, ἐν ἑκατέρῳ δὲ τῶν ἱερῶν οἴκημά τε καὶ ἐν τῷ οἰκήματί ἐστιν ἐπὶ βωμοῦ τέφρα· χρόα δὲ οὐ κατὰ τέφραν ἐστὶν αὐτῇ τὴν ἄλλην.

ἐσελθὼν δὲ ἐσ τὸ οἴκημα ἀνὴρ μάγοσ καὶ ξύλα ἐπιφορήσασ αὐᾶ ἐπὶ τὸν βωμὸν πρῶτα μὲν τιάραν ἐπέθετο ἐπὶ τῇ κεφαλῇ, δεύτερα δὲ ἐπίκλησιν ὅτου δὴ θεῶν ἐπᾴδει βάρβαρα καὶ οὐδαμῶσ συνετὰ Ἕλλησιν·

ἐπᾴδει δὲ ἐπιλεγόμενοσ ἐκ βιβλίου· ἄνευ τε δὴ πυρὸσ ἀνάγκη πᾶσα ἁφθῆναι τὰ ξύλα καὶ περιφανῆ φλόγα ἐξ αὐτῶν ἐκλάμψαι. τάδε μὲν ἐσ τοσοῦτο ἡμῖν δεδηλώσθω·

ἔστι δὲ ἐν τοῖσ ἀναθήμασι τούτοισ καὶ αὐτὸσ ὁ Φόρμισ ἀνδρὶ ἀνθεστηκὼσ πολεμίῳ, καὶ ἐφεξῆσ ἑτέρῳ καὶ τρίτῳ γε αὖθισ μάχεται. γέγραπται δὲ ἐπὶ τούτοισ τὸν στρατιώτην μὲν τὸν μαχόμενον Φόρμιν εἶναι τὸν Μαινάλιον, τὸν δὲ ἀναθέντα Συρακόσιον Λυκόρταν· δῆλα δὲ ὡσ οὗτοσ ὁ Λυκόρτασ κατὰ φιλίαν ἀναθείη τοῦ Φόρμιδοσ. τὰ δὲ ἀναθήματα τοῦ Λυκόρτα καλεῖται Φόρμιδοσ καὶ ταῦτα ὑπὸ Ἑλλήνων. ὁ δὲ Ἑρμῆσ ὁ τὸν κριὸν φέρων ὑπὸ τῇ μασχάλῃ καὶ ἐπικείμενοσ τῇ κεφαλῇ κυνῆν καὶ χιτῶνά τε καὶ χλαμύδα ἐνδεδυκὼσ οὐ τῶν Φόρμιδοσ ἔτι ἀναθημάτων ἐστίν, ὑπὸ δὲ Ἀρκάδων <τῶν> ἐκ Φενεοῦ δέδοται τῷ θεῷ·

Ὀνάταν δὲ τὸν Αἰγινήτην, σὺν δὲ αὐτῷ Καλλιτέλην ἐργάσασθαι λέγει τὸ ἐπίγραμμα, δοκεῖν δέ μοι τοῦ Ὀνάτα μαθητὴσ ἢ παῖσ ὁ Καλλιτέλησ ἦν. οὐ πόρρω δὲ τοῦ Φενεατῶν ἀναθήματοσ ἄλλο ἐστὶν ἄγαλμα, κηρυκεῖον Ἑρμῆσ ἔχων· ἐπίγραμμα δὲ ἐπ’ αὐτῷ Γλαυκίαν ἀναθεῖναι γένοσ Ῥηγῖνον, ποιῆσαι δὲ Κάλλωνα Ἠλεῖον.

βοῶν δὲ τῶν χαλκῶν ὁ μὲν Κορκυραίων, ὁ δὲ ἀνάθημα Ἐρετριέων, τέχνη δὲ Ἐρετριέωσ ἐστὶ Φιλησίου·

καὶ ἀνθ’ ὅτου μὲν οἱ Κορκυραῖοι τόν τε ἐν Ὀλυμπίᾳ καὶ ἕτερον βοῦν ἐσ Δελφοὺσ ἀνέθεσαν, δηλώσει μοι τὰ ἐσ Φωκέασ τοῦ λόγου, ἐπὶ δὲ τῷ Ὀλυμπίασιν αὐτῶν ἀναθήματι συμβῆναι τοιόνδε ἤκουσα. παῖσ μικρὸσ ὑπὸ τούτῳ καθήμενοσ τῷ βοὶ̈ ἐσ τὸ κάτω νενευκὼσ ἔπαιζεν·

ἀνασχὼν δὲ ἐξαίφνησ τὴν κεφαλὴν κατεάγη τε αὐτὴν πρὸσ τὸν χαλκὸν καὶ ἐκ τοῦ τραύματοσ ἡμέραισ ὕστερον ἀπέθανεν οὐ πολλαῖσ. Ἠλεῖοι μὲν δὴ τὸν βοῦν ἅτε αἵματι ἔνοχον ἐβουλεύοντο ἐκκομίσαι τῆσ Ἄλτεωσ· ὁ δὲ σφᾶσ ὁ θεὸσ ὁ ἐν Δελφοῖσ κατὰ <χώραν ἐᾶν> τὸ ἀνάθημα καθάρσια ἔχρα ἐπ’ αὐτῷ ποιησαμένουσ, ὁπόσα Ἕλληνεσ ἐπὶ ἀκουσίῳ φόνῳ νομίζουσιν. ἔστι δὲ ὑπὸ ταῖσ ἐν τῇ Ἄλτει πλατάνοισ κατὰ μέσον μάλιστά που τὸν περίβολον τρόπαιον χαλκοῦν καὶ ἐπίγραμμα ἐπὶ τοῦ τροπαίου τῇ ἀσπίδι, Ἠλείουσ ἀπὸ Λακεδαιμονίων ἀναστῆσαι.

ἐν ταύτῃ τῇ μάχῃ καὶ τὸν ἄνδρα ἐπέλαβεν ἐκεῖνον ἀφεῖναι τὴν ψυχήν, ὃσ τοῦ Ἡραίου τῆσ ὀροφῆσ κατ’ ἐμὲ ἀνασκευαζομένησ ἐνταῦθα ὁμοῦ τοῖσ ὅπλοισ εὑρέθη κείμενοσ. τῶν δὲ ἐν Θρᾴκῃ Μενδαίων τὸ ἀνάθημα ἐγγύτατα ἀφίκετο ἀπατῆσαί με ὡσ ἀνδρὸσ εἰκὼν εἰή πεντάθλου·

καὶ κεῖται μὲν παρὰ τὸν Ἠλεῖον Ἀναυχίδαν, ἔχει δὲ ἁλτῆρασ ἀρχαίουσ. ἐλεγεῖον δὲ ἐπ’ αὐτὸ γεγραμμένον ἐστὶν ἐπὶ τοῦ μηροῦ· Ζηνὶ θεῶν βασιλεῖ μ’ ἀκροθίνιον ἐνθάδ’ ἔθηκανΜενδαῖοι, Σίπτην χερσὶ βιασσάμενοι.

τὸ μὲν δὴ Θρᾴκιόν τι εἶναι τεῖχοσ καὶ πόλισ ἐοίκεν, ἡ Σίπτη· Μενδαίοισ δὲ αὐτοῖσ γένοσ τε Ἑλληνικὸν καὶ ἀπὸ Ιὠνίασ ἐστίν, οἰκοῦσι δὲ ἀπὸ θαλάσσησ ἄνω τῆσ πρὸσ Αἴνῳ πόλει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Pausanias, Description of Greece, Ἠλιακῶν Α, chapter 27

(파우사니아스, Description of Greece, Ἠλιακῶν Α, chapter 27)

상위

목록

SEARCH

MENU NAVIGATION